عملت حدثة

[MOK3336]

يا رجالة عاملين إية
أنا كنت نازل من البت متأخر أنهردة و عملت حادثة جامدة
1- الفانوس أتكسر
2- الإكصدام أتكسر مبقاش ينفع
3- قربة المية أتكسرت
4 - الرفرف أتعوج
5- خبطة في الكبوت

فأنا كنت عايز منك لو سمحتوا سعر الحجات دي
الفانوس الأمامى كامل
الإكصدام أمامى
قربة المية
لو سمحتوا عشان انا نفسيتي زى الزفت

بس سؤال : دلوقت قربة المية أتكسرت خالص و مفيش أى ميه هل أمشي بالعربية عادي ولا أعمل إية ؟؟؟

[Ahmed.TV]

الحمد لله قدر الله ماشاء فعل

المهم انك بخير

وفداك نيسان والعربيات وكل حاجة

اولا منصحكش تمشى بالعربية والقربة بتاعت الدرياتير مكسورة
عشان مفروض وظيفتها ان كل ما العربية بتسخن ولو الردياتير محتاج بياخد منها

فاضعف الايمان اذا اتحركت بيها يكون لمسافة قصيرة , وبردوا منصحكش

واشتريها من التوكيل وخالى حد يركبهالك يكون قريب منك

وبخصوص الاسعار

موجودة هنا :

والاسعار اللى حتلاقيها اسعار التوكيل

وسعر القربة حتلاقيها ب250 جنيه

والاسعار بره التوكيل يبقا حضرتك محتاج تقولى بالتفصيل

هل الفانوس اللى اتكسر الباغة اللى فيه بس ولا الفانوس بالكامل
والاكصدام الامامى بس ولا الخلفى ولا ايه

عشان بس اسالك على الاسعار بره التوكيل

ويفضل انك تجيب الفانوس والاكصدام وكل ده بره التوكيل

والخبطة فى الرفرف والكابوت باذن الله سمكرى شاطر يعدلك الدنيا

وقدر الله ماشاء فعل

[fady_anis]

نشكر ربنا انك بخير
وبالنسبه للى حصل فى العربيه بسيطه بإذن ربنا والعربيه هترجع زى الاول

[kar!m]

اللهم أجرك من مصيبتك و أخلفك خيرا منها.

[MOK3336]

الحمد لله وقدر الله وما شاء فعل
بس الحمد لله ايلي حصل ده عرفني حجات كتير جداً الحمد لله
بالنسبة للحجات ايلي أتكسرت
1- قربة المية
2- إكصدام أمامي
3- فانوس أمامي يمين و اللمبات شغاله بس وش الفانوس تقريباً هو ايلي أتدمر بس العمود ايلي بيبقي فوق اللمبة ايلي هو عامل زي الكرستاله كده سليم

السمكرة بقي
1- الرفرف أتعوج بس الدهان زى ما هو
2- حته من الكبوت من قدام أتنت
3- شنب الرفرف + حته كده مش عارف أسمها إية ايلي تقريباً خزنوا

فأنا مش عارف أعمل إية ؟؟ أوديها للتوكيل ولا أوديها لصناعية بره وخلاص
بس أنا خايف تكون الخبطة أثرت علي حاجة تانية غير كده ؟؟؟
بالله عليكم قولولي أعمل إية عشان أنا نفسيتي زى الزفت وعايز أتطمن علي العربية الحجات التانية خايف تكون الخبطة أثرت علي أى حاجة تانية جوه صدر العربية

فياريت الخطوات بالظبط أو ترتيب الحجات ايلي ممكن تتعمل

و بالنسبة للقربة أنا عايز أركبها بعد كل السمكرة ما تتم
هل ينفع أجيب قزاز ميه خضراء و كل شوية وأنا ماشي أحط في الردياتير و أمشي براحة و أتابع مؤشر الحرارة وخلاص لحد ما السمكرة تتم ؟؟؟

وهل الخبطة دة هتأثر علي أداء العربية بعد كده ؟؟؟

[karam0100]

يا باشا ولا يهمك
انا والله نفس الحادثة اللي حصلت معاك حصلت معايا
ما عدا قربة المية والكبوت طلعوا سلام من الحادثة لكن الصاج اللي فوق العجل الامامي اطبق تمام والاكصدام الامامي اتكسر لكن السمكري بصراحة ظبطهم وطبعا في الاول كنت متضايق جدا لكن بومين وكله بقى تمام وحمدا الله على السلامة

نسيت اقول ان وش الفانوس الامامي اليمين اتكسر لكن النور كله شغال تمام
وسؤالي للاخوة الكرام هل الوش ده هو اللي اسمه الباغة وهل ممكن الباغة ده تتغير لوحدها وتمنها كم في التوكيل اذا كانت بتتباع لوحدها يعني .
وربنا يسترها مع الجميع وهو سايق خصوصا في جو المطرة في اسكندرية ده

[omar-saad]

يا رجالة عاملين إية
أنا كنت نازل من البت متأخر أنهردة و عملت حادثة جامدة
1- الفانوس أتكسر
2- الإكصدام أتكسر مبقاش ينفع
3- قربة المية أتكسرت
4 - الرفرف أتعوج
5- خبطة في الكبوت

فأنا كنت عايز منك لو سمحتوا سعر الحجات دي
الفانوس الأمامى كامل
الإكصدام أمامى
قربة المية
لو سمحتوا عشان انا نفسيتي زى الزفت

بس سؤال : دلوقت قربة المية أتكسرت خالص و مفيش أى ميه هل أمشي بالعربية عادي ولا أعمل إية ؟؟؟

اولا الف الف سلامة عليك والحمد لله انها جت على اد كدة
انتا عارف ان الجو وحش والنس مش مركزة فى الطريق كويس من الجو
اهم حاجة انك بخير
انا من رايى انك تعملها فى التوكيل العربية ماحدش عندنا بشتغل فيها اوى لانها لسة متشرة قريب
وتقريبا كل اللى قولت عليه حاجات بسيطة باذن الله اعمل مقايسة الاول
وقارن بينها وبين التصليح برة
وربنا يوفقك للخير ان شاء الله

[mohamed10]

الحمد لله وقدر الله ماشاء فعل وقضاء اخف من قضاء وربنا يخلف عليك بالخير ان شاء الله

[MOK3336]

مستنى رأيكم

[pharonicking]

معلش فداك العربية ومتبقاش تسوق بسرعة

[Bishoy.Girgis]

يا رجالة عاملين إية
أنا كنت نازل من البت متأخر أنهردة و عملت حادثة جامدة
1- الفانوس أتكسر
2- الإكصدام أتكسر مبقاش ينفع
3- قربة المية أتكسرت
4 - الرفرف أتعوج
5- خبطة في الكبوت

فأنا كنت عايز منك لو سمحتوا سعر الحجات دي
الفانوس الأمامى كامل
الإكصدام أمامى
قربة المية
لو سمحتوا عشان انا نفسيتي زى الزفت

بس سؤال : دلوقت قربة المية أتكسرت خالص و مفيش أى ميه هل أمشي بالعربية عادي ولا أعمل إية ؟؟؟

معلش يا mok المهم ان انت بخير و انا عارف ان الموضوع صعب عليك خصوصا ان انت بتقسط لكن متزعلش ان شاء الله الموضوع هيتلم و كله هيبقي تمام.
بص انت كده لو هتشتري القطع ديه من التوكيل يبقي كده بنتكلم في :
فانوس امامى كامل=900
اكصدام امامى = 1000
رفرف امامى =800
قربة مياه = 250
يبقي كده المجموع 2950 غير 10% ضريبة مبيعات
و طبعا في سمكرة و دوكو و فك و تركيب يعني ممكن كله يقفل علي = 3700 جنيه
طيب لو هنتكلم في التايواني و برده هيبقي مش وحش :
الفانوس الديبو = 270
اكصدام = 320
الرفرف حاول انك تسمكره لو ينفع
قربة مياه من التوكيل = 250
فك و تركيب الحاجات = 100
سمكرة = 50
بوية الدوكو = 100 جنيه و الرش = 100
يبقي كده بنتكلم كله حوالي = 1200 جنيه و يمكن اقل حاجه بسيطة

طبعا الي كتبته ده في حالة ان العربية زي ما انت قولت كده في حالة ان مفيش اي حاجة تانية

علي العموم قدامك الرأيي و خد قرارك و طمنا اول بأول و ربنا معاك

[MOK3336]

طيب أنا لو ركت الحجات دي تيواني هل العربية كده تطلع من الضمان ..؟

[egypt0777]

متخفش يا عم لا حتطلع من ضمان ولا حاجة

[MOK3336]

طيب يا رجالة دلوقت أمشي بالعربية أزاى و قربة الميه مكسورة ؟؟؟
وبعد ما أعمل التصليحات دي أتأكد أزاى أن الخبطة ملهاش تأثير علي حاجة ثانية
معلش تعبكم معايا

[Bishoy.Girgis]

انت الاول خبطت في ايه و الخبطة نفسها كانت من اي ناحية من الجنب ولا من الامام
ثانيا هو الخوف بس ان الخبطة تكون اثرت علي الشاسية لو الخبطة جامدة
علي العموم انا ممكن اقولك علي حاجه امشي بالعربية عادي لغاية اي سمكري محترم يشوف هل الشاسية اتأثر ولا لأ
و لو انت ماشي بالعربية و مؤشر الحرارة اترفع عن الطبيعي يبقي متكملش احسن