الار بى ام دايما عالى عندى ايه الحل

[Youssef.Awad]

فكرة التقرير تحفة وانا ليا كمان سؤال مش لاقيله اجابة شافية عند ملاك الصنى او حتى مهندسى توكيلات يونايتد جروب والسبع
املك صنى ex saloon مو 2010 عاملة 35 الف كم دلوقت ومؤشر rpm غير منتظم فى اوقات بدون مبرر يعنى مع فصل الدبرياج وحتى الوقوف تماما يفضل متعلق عند 1 ونص او احيانا 2 كمان لفترة او يظل حتى ابطل العربية وادورها تانى
بصراحة جربت كل حاجة وبرضه ساعات مع التبطيل والتدوير بيفضل زى ما هو
نفسى اعرف العلاج
كهرباء زيادة ولا ايه بالزبط؟!!!!!!!!!
ارجو الافادة من اهل الخبرة

يا اهل الصنى الكرام حد يرد عليا العيب فى ايه بالزبط؟!!!!!!
المشكلة بتزيد ولما روحت الفحص المجانى بتاع فلتر التكييف قولتلهم عليه وزبطه بالكومبيوتر ومن وقتها وقبل ما انزل من المقطم علق تانى وتالت ورابع والنهاردة طول النهار معلق ومجننى وكل شوية ابطل وادخل واخرج المفتاح من الكونتاك كذا مرة وادور تانى عشان يفصل ويشتغل عادى
انا شاكك فى كهربة العربية دى والزفت الضفيرة المصرية

[Ahmed.TV]

ما تروح باذن الله تركب الفلتر المجانى .. قولهم على الموضوع ده وايه اللى حصل معاك
وانك كمان ظبط العربية على الكمبيوتر فى الحملة بتاعت نيسان ولسه بردوا

وطمنا عملت ايه

[mikeatef]

بص انا كان معايا فولكس وحصل معايا الموضوع ده انا وواحد صحبي في عربيتة الفولكس برده وكانت البوابة عايزة تتنضف عندي وهو غير البوابة خالص علشان كان الر بي ام بيوصل ٤ و ٥ انا كان عندي زيك كده
بس انا مش عارف في النيسان موضوع البوابة ده فين وموجود ولا لأ ويمكن يكون موجود بس ليه اسم تاني
وانا علي حد علمي برده مدام ده بيحصل في السلانسيه حد يشوفلك حساس الايدل يمكن عايز يتنضف او في مشكله لان حساس الايدل هو المسؤل عن ضبط كمية البنزين اللي بتوصل للموتور علي السلانسيه وبردو اتاكد من كلامي علشان انا لو غلطان

[Youssef.Awad]

ما تروح باذن الله تركب الفلتر المجانى .. قولهم على الموضوع ده وايه اللى حصل معاك
وانك كمان ظبط العربية على الكمبيوتر فى الحملة بتاعت نيسان ولسه بردوا

وطمنا عملت ايه

شكرا يا ابو حميد ع الرد واكيد هابلغكم التطورات اول باول
بصراحة العربية هايلة وجميلة فى السفر بس دى مشكلتها الوحيدة معايا وتانى مشكلة التعب من قعدة الكرسى خاصة فى المسافات الطويلة لأنى طويل شوية
بس سبب شكوتى انها بقت متكررة بصفة شبه يومية غير قبل كده ولما اسأل اى حد معاه نيسان غالبا مش بيكون ملاحظ ده فى عريبته

[tarekmomo]

انا بردة عربيتى النيسان بردة فيها نفس المشكلة ومجننانى ولما بتتحك على الكمبيوتر ما بتسجلشى اى اعطااااااااااال

[Youssef.Awad]

انا بردة عربيتى النيسان بردة فيها نفس المشكلة ومجننانى ولما بتتحك على الكمبيوتر ما بتسجلشى اى اعطااااااااااال

استاذ طارق احكيلنا اكتر عن اللى بتشوفه فى عربيتك وتفاصيل اكتر
عاوزين نحدد المشكلة منين عشان نحلها باذن الله مع التوكيل

[Bishoy.Girgis]

شكرا يا ابو حميد ع الرد واكيد هابلغكم التطورات اول باول
بصراحة العربية هايلة وجميلة فى السفر بس دى مشكلتها الوحيدة معايا وتانى مشكلة التعب من قعدة الكرسى خاصة فى المسافات الطويلة لأنى طويل شوية
بس سبب شكوتى انها بقت متكررة بصفة شبه يومية غير قبل كده ولما اسأل اى حد معاه نيسان غالبا مش بيكون ملاحظ ده فى عريبته

استاذ يوسف انا لو منك ابات عند التوكيل لغاية ما المشكلة ديه تتصلح تماما .. و متقلقش ان شاء الله خير و لما تروح ياريت تطمنا و لو لسة العيب موجود يبقي تتصل بـ 16244 و تبلغ شكوي في التوكيل

[ahmedya1976]

دي مشكله ضفيرة الكهربة وانا كان عندي نفس المشكله وغيرت الضفيرة والمشكله انتهت والحمدلله

[Ahmed.TV]

مينفعش تسكت عليهم وتاخد كلامهم وتمشى

طالما الار بى ام عالى دايما اكتر من الالف كدا يبقا فى حاجة غلط ,وبنسبة كبيرة انه من الضفيرة

وقولهم ده مش طبيعى ويتصرفوا ,

[Youssef.Awad]

استاذ يوسف انا لو منك ابات عند التوكيل لغاية ما المشكلة ديه تتصلح تماما .. و متقلقش ان شاء الله خير و لما تروح ياريت تطمنا و لو لسة العيب موجود يبقي تتصل بـ 16244 و تبلغ شكوي في التوكيل

شكرا يا باشا بس والله ما عندى وقت
ونزول القاهرة بالنسبة لى مشكلة ويوم لعنة باجمع كذا مشوار فيه عشان اخلص منها
وماليش خلق بصراحة اتخانق
بس دلوقت العربية معايا ظهرت فيها اصوات عجيبة من المساعد الشمال الامامى فى طلوع المطبات وموضوع الrpm وضفيرة الكهرباء وكمان ملاحظ مشاكل فى الدبرياج عضة ونتشة ما كانتش موجودة
على فكرة ده بعد استعمال سنة و40 الف كم فقط لا غير واغلبهم سفر ومشاوير طويلة يعنى مش زحمة ووسط البلد
عالعموم هابقى اقولكم عملت ايه باذن الله

[Youssef.Awad]

دي مشكله ضفيرة الكهربة وانا كان عندي نفس المشكله وغيرت الضفيرة والمشكله انتهت والحمدلله

انا حاسس بكده برضه لأن كهرباء العربية مش مزبوطة بالمقارنة بأى عربية زيرو واعرف زميل كانت بتطفى منه وهو ماشى وغيروها فى الضمان ب5000ج والعجيب ان اللى ركبت يابانى واللى بتنزل فى العربية مصرى !!!!!!!!!
ربنا يرحمنا من الغش والنصب والاحتيال

[Youssef.Awad]

مينفعش تسكت عليهم وتاخد كلامهم وتمشى

طالما الار بى ام عالى دايما اكتر من الالف كدا يبقا فى حاجة غلط ,وبنسبة كبيرة انه من الضفيرة

وقولهم ده مش طبيعى ويتصرفوا ,

يا باشا شكرا لاهتمامك
بس المشكلة انى ما اقدرش استغنى عن العربية يوميا يعنى ما ينفعش اسيبها تبات فى التوكيل
والصيانة باعملها فى السبع المعادى وبعيد عنى ب80كم ويوم الصيانة بيكون اجازتى
والمشكلة ما كانتش مضايقنى اوى زى اليومين دول
بصراحة زادت اوى بعد ما الاخ قالى انه زبطها بالجهاز فى حملة الفحص المجانى فى موبيل المقطم !!!!!!!!
قبل اخر الشهر باذن الله هاروح اعمل صيانة ال40 الف كم واركب فلتر التكييف واشوف اللازم يتغير

[mikeatef]

استاذي الفاضل موضوع الار بي ام ده بيعلي يا اما بسبب كهربا زياده عايزه تتظبط يا اما نتيجه دخول كميه من البنزين اكنك دايس علي الاكسلاتير وانت واقف وديه حاجة تانية
الموضوع بالنسبة للكهربا ده زي ما اخواتنا هنا في المنتدي بيقولو لازم تكشف علي ضفيرة الكهرباء
بالنسبة لو مش الضفيره ممكن يكون عيب في الايدل كنترول بتاع العربية او في البوابة والانتين بيعلو الار بي ام بس الاختلاف ما بينهم ان البوابة بتعليه في اي وضع يعني تبقي ماشي علي التالت بسرعة ٥٠ والار بي ام واقف علي ٢ ٢،٥ وتلاقيه مره واحده وصل لحد ٥ لكن لو ده في السلانسيه يبقي بنسبة كبيرة عيب في الايدل كنترول والمشكلة هي لو الايدل كنترول باظ وديه عن تجربه معايا في عربيتي الفولكس باراتي الكمبيوتر مش بيعرف ان في مشكلة في الايدل كنترول وده محتاج صنايعي امين علشان يقولك ان الايدل كونترول باظ علشان هو غالي والتوكيلات مش بتحب تغيرو غير بالعافية ولو التوكيل قالك ان الكمبيوتر مش بيقول ان الايدل بايظ قولوهم لو الايدل بايظ الكمبيوتر بنسبة كبيرة مش بيعرف ده لان الايدل ده مسئول عن ضبط كمبية البنزين اللي بتدخل للعربية في السلانسية
بس مادام المنتدي بيقول ان مشكلة الضفيره بتحصل يبقي تبدا بيها وربنا يقدم الخير انشاء الله

[Youssef.Awad]

استاذي الفاضل موضوع الار بي ام ده بيعلي يا اما بسبب كهربا زياده عايزه تتظبط يا اما نتيجه دخول كميه من البنزين اكنك دايس علي الاكسلاتير وانت واقف وديه حاجة تانية
الموضوع بالنسبة للكهربا ده زي ما اخواتنا هنا في المنتدي بيقولو لازم تكشف علي ضفيرة الكهرباء
بالنسبة لو مش الضفيره ممكن يكون عيب في الايدل كنترول بتاع العربية او في البوابة والانتين بيعلو الار بي ام بس الاختلاف ما بينهم ان البوابة بتعليه في اي وضع يعني تبقي ماشي علي التالت بسرعة ٥٠ والار بي ام واقف علي ٢ ٢،٥ وتلاقيه مره واحده وصل لحد ٥ لكن لو ده في السلانسيه يبقي بنسبة كبيرة عيب في الايدل كنترول والمشكلة هي لو الايدل كنترول باظ وديه عن تجربه معايا في عربيتي الفولكس باراتي الكمبيوتر مش بيعرف ان في مشكلة في الايدل كنترول وده محتاج صنايعي امين علشان يقولك ان الايدل كونترول باظ علشان هو غالي والتوكيلات مش بتحب تغيرو غير بالعافية ولو التوكيل قالك ان الكمبيوتر مش بيقول ان الايدل بايظ قولوهم لو الايدل بايظ الكمبيوتر بنسبة كبيرة مش بيعرف ده لان الايدل ده مسئول عن ضبط كمبية البنزين اللي بتدخل للعربية في السلانسية
بس مادام المنتدي بيقول ان مشكلة الضفيره بتحصل يبقي تبدا بيها وربنا يقدم الخير انشاء الله

تشكر يا باشا عالمعلومات القيمة دى
باذن الله لما اروح هابلغكم بالجديد

[tarekmomo]

استاذ يوسف النتشة الى بتقول عليها دة بتحصل لما تهدى العربية بالفرامل بس من غير دبرياج وتشيل رجلك وترجع تدوس بنزن بتنتش صح انا علربيتى 2004 وعندى نفس العيب ولما روحت حاملة الصيانة قالولوزى العربية ما فيهاش حاجة وا سجلتشى اعطال قاللى مكن تكون الضفيرة فيها فيشة مهزوزة ونضف بوابة الانجيكشن