عمود anti sway

[WalidAdel]

الله ينور عليك ياوليد وعلي الشرح الجميل ...

كابتن سامي ياباشا شاكرين لحضرتك والله

أنا قولت مفيش غير وليد هو اللي هيجيب اخيرها و هيظبط الموضوع ده لأنه يحب يجرب و يسأل علي كل حاجه بنفسه..

عم بيشوي انت فاهم اللي فيها يعني ياكبير

ومازلت بقول ان الميزان ملوش أي علاقة بالزوايا - إلا إذا اللي بيركبه ركبه غلط أو اضطر يفك بارة الدركسيون مثلا عشان يركبه - ساعتها لازم تعيد ضبط زوايا.

والله أعلم.

هو ممكن في الاكسيل كده لان الفرق كان فظيييييييييييييع بصراحه قبل و بعد التركيب

[sedyrohy]

هو بالتفحيص كده في العربيه و الكلام مع الميكانيكي بتاعي
انه مافيش في ال ex صالون ميزان او sway bar و افتكر ان مالوش علاقه كبيره باتزان العربيه علي اد ماله علاقه كبيره وانت بتظبط زوايا للعربيه لكن اتزان العربيه افتكر انه مش هايختلف جامد سواء موجود او مش موجود
هو موجود في عربيات كتير قديمه و علي راسهم ال 128 و الهيونداي اكسيل 94 الهاتش بالك و السيدان و الكيا برايد السيدان و الهاتشباك الكوري و اللانوس و في الاكسنت موجود ورا و قدام كمان لكن في النيو اكسنت متشال منها دا كلام الميكانيكي
هو عباره عن دراع حديد ممكن مفرغ او حديد صلب قطر كبير او صغيرعلي حسب يعني العربيه اللي هايركب عليها و هو ماشي من المقص الشمال مرور بصدر العربيه تحت الردياتير كده ثم المقص اليمين و بعد كده طالع بقي علي العفشه بمسمار طويل مسافة 20 سنتي مثلا و بيبقي متركب معاه جلد في نفس المسمار و مرورا بالمقص من الداخل او من نص المقص كده (عند الدايره الصفره كده) دي صوره للتوضيح مش اكتر و مالهاش علاقه بموديل العربيه دانا حتي مش عارف دي عفشة عربيه ايه بس لتوضيح الفكره عموما

دي عفشه اماميه



خالي بالكوا من ماكن الاسهم بالظبط و الدايره الصفرا دي و نظام العفشه ازاي

و دي عفشه خلفيه بردوا



نيجي بقي للمهم الجلد اللي في المسامير دا لما بيبوظ او بتتاكل بتلاقي العربيه بتعوم جامط علي السرعات العاليه و دا اللي بيخليه مهم في العربيات دي
انا شاري مسمارين زي دول لعربيه اكسيل بالجلد بتاعهم ب 25 الجوز كوري اصلي ركبناهم عند بتاع الزوايا لانه قال مش هاينفع يظبط زوايا للعربيه و هما متهالكين كده و بعدها ماشاء الله العربيه اختلفت علي سرعه
و في اللانوس اللي كانت معايا 2004 موجود فيها بس لما كنت بلاقي العربيه بتعوم من قدام علي سراعات كنت بخالي الميكانيكي ينزل يربطهم و بيبقوا مفكوكين حبه حلوين يعني مش بيلف المسمار لفه او لفتين لا بيربط عليهم حبه
علي اختلاف عدم وجوده و هو هايبقي المقص عادي قاعد علي مسامير في شاسيه العربيه علطول يعني في اختلاف في العفشه واضح و دا هايرجع لطريقة تركيبه في العفشه اصلا
هو عموما موجود في التيدا لكن تيدا مانيوال و تيدا اوتوا او نيسان ex و نيسان سوبر صالون دي مش عارفها بس هاعرفها لما اروح التوكيل ان شاء الله يوم الاحد القادم بس من وجهة نظري المتواضعه صعب و دا لاني بكده هاعمل تغير في العفشه فهاعمل عفشه للسوبر صالون و عفشه لل ex و مقصات سوبر صالون و مقصات ex يعني هاتكلف اكتر ماهنزله في العربيه و اريح دماغي و دا زي ما وضحت انه مش غالي اصلا و زي ماقال الاستاذ كريم كله علي بعضه ب 200 جنيه
بس بره بيركبوه في عربياتهم حتي لو مش نازل في عربيات stock او ال tuned cars و دا فيديو بيوضح الفرق قبل و بعد التركيب

[youtube]http://www.youtube.com/watch?v=ltiwtj7cbas[/youtube]

مستني تعليقاتكم بعد مشاهدة الفيديو انا مش هاعلق عليه دلوقتي

مجهود رائع و جبار
تسلم اديك

[WalidAdel]

شكرا للاستاذ sedyrohy

بالنسبه لاخر الاخبار انهارده بعد مارجعت من التوكيل

الفني اللي جالي علشان يفهمني ماهو الاستبليزر ماقالش حاده جديده في الموضوع ده خااااااااااالص و تقريبا نفس الكلام اللي انا كاتبه فوق
ملخص الحوار اللي دار بيني و بينه و انتوا تحكموا

انا: والله ياباشا كنت عايز اسال حضرتك هل يوجد استبليزر في النيسان صني
الفني: اه موجود في EX
انا: طيب منا معايا EX و مش موجود فيها
الفني: يبقي موجود في السوبر صالون قدام بس (موجود في واحده منهم بس مش فاكر انهي)
انا: دا ايه فايدته
الفني: دا مسئول عن ميزان جميع ألات التوجيه في العربيه من تحت
انا: طيب دا كده حاجه كويسه يعني و مش موجود في ال EX ليه
الفني: قالي علشان هما عوضوا وجوده فيها بالعفشه الرياضيه و اللي مش بتحتاج ليه اصلا
(علامة استفهام كبييييييييييييييره علي اخر جمله دي و حاسيته ابتدي يحور عليه)

انا: طيب علي كده في اختلاف بين العفشه اللي في ال EX و العفشه اللي في السوبر صالون
الفني: لأ هما الاتنين واحد في كل حاجه
انا: طيب انهي اللي احسن في رايك من حيث العمليه يعني
الفني: الاتنين كويسين خااااالص
انا: شكرا و سيبته و مشيت

ياريت بقي اي حد معاه سوبر صالون و هو بيغير زيت عند بنزيه و العربيه مرفوعه يصورها من تحت من الاربع اتجاهات للعفشه الاماميه
-اتجاه من الخلف (ظهرك للخلف و وشك للمكنه من تحت)
-اتجاه من الامام (تقف عند النمر بالظبط و تصور يبقي وشك للنمره و بتصور من تحت الردياتير كده
-اتجاه شمال (تقف نايحه الفتيس من تحت و تصور المساعد الشمال من تحت لفوق)
-اتجاه اليمين (يمين تقف ناحية الموتور من تحت و تصور المساعد اليمين لفوق)
علشان نحاول نعرف الفرق يعني
او الاسهل اي حد بيغير زيت في موبيل خليفه المأمون اعدي عليه ساعتها و انا اصور بنفسي علشان نحاول نعرف الفرق

[yoko]

العفشتين واحد بالملي وركب الإستبلايزر بدام قادر على تمنة هيفرق جدا

[KFLDS]

السلام عليكم ...
واضح إن الموضوع ده اخد اكبر من حجمه ....

أولا .. علشان يبقى الكلام دقيق .. يعني إيه عفشه؟ مساعدين وسوسات؟ ولا مقاصات ولا طانابر ولا أجهزة فرامل؟ ولا إيه بالضبط ؟
نيسان N16 من 2001 ل 2011 وده كود العربية بغض النظر عن اسمها .. نازل منها كذا موديل لمهوا مسمى بالعفشه ...
يعني مثلا .. نازل منها تنابر مقاس 13 ومقاس 14 .. وأجهزة فرامل نفس الوضع .. نازل منها شكلين ل شاسيه جهاز الفرامل ونوعين من التيل
و3 أنواع من المساعدين ..

ثانيا : عفشت ورا مفيهاش ستبيليزر .. وماينفعش يركبلاها ستبيليزر علشان هي على دنجل .. فيها حاجة زي رابطة الدنجل ده سهاسيه العربية بيقوم مقام الستبيليزر.. وده موجود في supersalon وEX saloon ...

ثالثا : العفشه الرياضية .. كانت قبل 2007 عبارة عن مساعدين غاز وزيت اكس عريض ..ستبيليزر قدام . طنابي ر مقاس 14 .. مفيش حاجة غير كده ..

رابعا : ستبيليزر عبارة عن عمود حديد بيمسك الميقاصين بالقنطرة بتاعت العربية علشان في الغرز والملفات تدق تحكم أكتر في العربية ..

خامسا : بالنسبة للأستاذ sedyrohy اللي عمل اقتباس ل كلامي وعمل تحتيه Emoticon واحد بيترقع باللبانة .. يعني إيه ؟ lol

تحياتي
كريم فرحات

[KFLDS]

[yoko]

ثانيا : عفشت ورا مفيهاش ستبيليزر .. وماينفعش يركبلاها ستبيليزر علشان هي على دنجل .. فيها حاجة زي رابطة الدنجل ده سهاسيه العربية بيقوم مقام الستبيليزر.. وده موجود في supersalon وEX saloon ...

كلامك تمام بس توضيح بسيط الsway bar بيمسك بين المقصيين أو المساعدين مش متوصل بالقنطرة (على حسب معلوماتي)
تاني حاجة ورا بيبقى فيه إستبلايزر (لإني مفهمتش من كلام حضرتك فيه ولا مفيش)
كلامي عام لإني مملكش صني أصلا

[KFLDS]

أستاذ Yoko ..
هو مقاصات العربية مربوطة في إيه ؟ :)
عموما حضرتك ممكن تبص عالصورة وحضرتك هتفهم إن الستبيليزر أعد عالقنطرة وماسك في الميقاصين ..
معلش يمكن أنا مش عارف اوصل ل حضرتك المعلومة ..

ثانيًا.. في نيسان نظام العافسها ورا مختلف .. عبارة عن دنجل حديد ماسك فيه كل حاجة.. فـال عجلتين ورا بيتحركوا مع بعد.. مش زي قدام في مقاصات .. فـستبيليزر بالمعنى بتاعه المجرد ماينفعش يركب ورا .. في حاجة تانية sport ممكن تركب مع إنها اسبابتت إنها مش مفيدة قوي ..

[yoko]

أستاذ Yoko ..
هو مقاصات العربية مربوطة في إيه ؟ :)
عموما حضرتك ممكن تبص عالصورة وحضرتك هتفهم إن الستبيليزر أعد عالقنطرة وماسك في الميقاصين ..
معلش يمكن أنا مش عارف اوصل ل حضرتك المعلومة ..

ثانيًا.. في نيسان نظام العافسها ورا مختلف .. عبارة عن دنجل حديد ماسك فيه كل حاجة.. فـال عجلتين ورا بيتحركوا مع بعد.. مش زي قدام في مقاصات .. فـستبيليزر بالمعنى بتاعه المجرد ماينفعش يركب ورا .. في حاجة تانية sport ممكن تركب مع إنها اسبابتت إنها مش مفيدة قوي ..

انا بتكلم بشكل عام أنا عربيتي المقصات في القنطرة وعليهم المساعد والsway bar ماسك المساعدين عن طريق تيوش الميزان
أما ورا فعندي غستبلايزر بار ماس العفشة مع إنها دونجل برده لكن semi dependent

[yoko]

ويا ريت براحة ولو فيه صورة أوضح لإني ممكن أكون بهيس من أثر الإمتحان

[yoko]

راجعت شويه مواقع وكتب هيا يا بتمسك في المساعد بتيوش يا المقصات بدون تيوش
وفي الحالتين بتمسك من النص في الشاسيه

[KFLDS]

lool
ربنا معاك إن شاء الله في امتحاناتك .. إن شاء الله تعدي على خير...
كل عربية ليها نظام التعليق بتاعها .. سيستم عربية حضرتك مختلف تماما عن نيسان .. ممكن أبعتلك Service Manual كله لو تحب... :)

[KFLDS]

تمام .. عندك حق.. بس نيسان هنا في مصر مش بتمسك في المساعدين .. ستبيليزر بيمسك في المقص وعمود ستبيليزر نفسه يا بيوعد عالقنطرة زي ماقلت ل حضرتك يا بيتربت في الشاسيه بكوتشتات وافزان حديد .. لإن السكاترا بتبقى قريبة جدا من القنطرة والشاسيه ... لو حضرتك ركزت في الصورة شوية هتلاحظ ..

وعموما نيسان بره في موديلات منها عافشتها مختلفة تماما .. وممكن تلاقي منها all-wheel-drive كمان ..

[yoko]

lool
ربنا معاك إن شاء الله في امتحاناتك .. إن شاء الله تعدي على خير...
كل عربية ليها نظام التعليق بتاعها .. سيستم عربية حضرتك مختلف تماما عن نيسان .. ممكن أبعتلك Service Manual كله لو تحب... :)

لو مرفوع جاهز إبعته بحب أنا الحاجت دي
مع إني كهربى ولسه جي من إمتحان ماشين
وعندي بكرة مادتين كمان
وده بقى ال workshop لعربيتي بس موديل الهاتش باك

http://dl.dropbox.com/u/1226595/DTE%20Manuale%20Tecnico%20D%27officina%20-%20Fiat%20Punto%20II%20Serie%20%28188%29.iso

بس ده قديم مفيهوش الموتور الي عندي لكن غير كده عربيتي زي الديزل ال١٩٠٠ سي سي بالظبط

[KFLDS]

http://pdftown.net/1/2001%20Nissan%20Almera.zip

ده فيه معظم الحاجات الحيويه .. ميكانيكا وعفشه وكده يعني .. الشكل الخارجي وكده مختلف طبعا ..