تجربة قيادة النيسان قاشقاى

[houseiny]

هو مافيش حد راح ولا إيه يا شباب
أنا بصراحة نفسي انضم انيسان بس مستني رايكم في العربية دي بالذات عشان أحجز ، بجد انتوا خليتوني أحب نيسان بعد ما كنت بترعب منها ، لكن فعلاً انتوا خليتوني اعيد تفكير في النيسان تاني وان شاء الله تكون العربية دي

[SonaSteel]

هو مافيش حد راح ولا إيه يا شباب
أنا بصراحة نفسي انضم انيسان بس مستني رايكم في العربية دي بالذات عشان أحجز ، بجد انتوا خليتوني أحب نيسان بعد ما كنت بترعب منها ، لكن فعلاً انتوا خليتوني اعيد تفكير في النيسان تاني وان شاء الله تكون العربية دي

http://www.nilemotors.net/Nile/232895-a.html

[houseiny]

يا حسين باشا الف شكر عالرابط وربنا يقدرنا على رد الجميل يا باشا ونباركلك وانت جاي بلعربيةالأرمادا من الحج يا رب وتكون راكن في البيت واحدة قشقاي واتنين تيدا وتلاتة أربعة مرسيدس على بي أم

[SonaSteel]

يا حسين باشا الف شكر عالرابط وربنا يقدرنا على رد الجميل يا باشا ونباركلك وانت جاي بلعربيةالأرمادا من الحج يا رب وتكون راكن في البيت واحدة قشقاي واتنين تيدا وتلاتة أربعة مرسيدس على بي أم

ماشاء الله ......... أمين يارب العالمين
دعوة جميلة اوووووووي ربنا يعزك ويبارك في عمرك
انا طلعت من الدعوة ديه
1- بحج
2- ارمادا
3- بيت
4- كولكشن قشقاي علي مرسيدس وبي ام
هههههههههه
ولك مثله اخي الكريم ... ونورتنا والله

[Youssef.Awad]

السلام عليكم ورحمة الله وبركاته

النهاردة رتبلى القدر مقابلة حبيبتى القاشقاى الشقية اللى خطفت القلوب من قبل ما تجرى فى شوارع البلد دية
وصلت داندى مول الساعة 5 تقريبا عصر اليوم ودخلت على الوحش الكاسر اللى واقف عند الباب
كان جنب العربية الاستاذ محمد محمود من الاتحاد الوطنى كلمته وطلبت منه تجربة العربية ومليت الطلب وسجلت البيانات وقعدت ادردش معاه فى حاجات كتير عن العربية وشغلنا والصنى لحد اما العربية ترجع من برة
يادوب قعدت ربع ساعة استغلتها فى تقليب العربية اللى كانت واقفة للعرض وجربت القعدة جواها قدام وورا وفتحت الشنطة
بصراحة العربية ماشاء الله تقفيلها يهبل وكل حاجة معمولة بعناية وحرص بالغ
هوب جه وقت التجربة اتفضل يافندم ننزل الجراج وتجرب العربية اللى قررت ان تكون عملية زيادة عن اللزوم لأنى باقدر العربية وقوتها واحساسى بركوبها وده بان انى اول ما ركبت طفيت التكييف اللى كان اللى قبلى سايبه شغال وفتحت الازاز وده اثار استعجاب الاخ محمد بس بررته انى مش جاى اقيس قوة تكييف نيسان لأنى راكب صنى وعارفه كويس

ما لها:
- رحابة الصالون وحجم مدروس بعناية وراحة لم اراها فى عربية من قبل خاصة كرسى السواق مريييييييييييييح جداااااااااا ومتأكد انه مهما كان حجم جسم السواق هيتناسب مع الكرسى سواء كان فيه بروز او اطوال زى العبد لله وكمان لفت انتباهى مسند الدراع المتحرك لملائمة كافة الاوضاع والتحكم الكامل للطارة وعصا الفتيس وبعد الدركسيون عن جسم السائق بشكل يتيح للدراعين انهم يتفردوا
- هدير المحرك ناعم بيخفى وراه قوة لا يستهان بيها وده اتأكدت منه وانا طالع من الجراج لما تعمدت اعلق العربية واطلعها على شعرة بنزين وطبعا الفضل للدبرياج التحفففففففففففففة اللى ما شوفتش زيه قبل كده وكمان لما قرصت ع التالت والرابع فوق ال4500 rpm بكل سلاسة والعربية وصلت ل140كم ع الرابع وما كنتش واخد بالى اصلا من نعومتها
- النقل اليدوى سلس وفكرنى دراعه بدراع النيو اكسنت المقبض كبير وغير مهتز زى الصنى
- وضعية ركوب تجنن واحساس لا يوصف وانا شايف العربيات من فوق كده والكبوت قدامى مفرود وضخم (برستيج) وكشفك للطريق والمرايات الجانبية الضخمة ساهموا كتييييييييير جدااااااااااا انى اسوق العربية واحس انى باركبها كل يوم ومتعود عليها ومش هايب حجمها ولا ابعادها
- السقف البانوراما يشرح القلب وتبقى نفسك تسوق كل مشاويرك بالنهار من شكل الاضاءة والسماء
- التسارع جيد جدا (بدون تكييف) وما يهمنيش بالتكييف لأنه ما يختلفش عن الصنى
- ثبات وقوة ع الطريق تحسسك بالامان والثقة وده راجع للجنوط ال17 واطارات كونتينينتال الجبارة

ما عليها:
- صوت الكلاكس ضعيف جدااااااااا لدرجة وانا جوة العربية مش سامعه خالص (طبعا عارفين صوت الصنى عامل ازاى) وده ما ياكلش مع الشوارع فى مصر لا بشر ولا نقل ولا حتى تاكسيات
- الباور الكهرباء .. احلى مافيه ساعة الركن والانتقال من حارة لحارة ودخول اليو-ترنات لكن ما اخده عليه عدم دقة التوجيه وقت عبور النقر وشروخ الاسفلت مع عدم استقامة العجلات الامامية بينقلك شعور مختلف عن الحقيقة وتصحح اتجاه الطارة بعدها
- العفشة الامامية حلوة اووووووووووووووى فى المطبات العالية انما الواطية مش عاجبانى اوووووووى تلاقى العربية اتهبدت كده ولا كأنها عربية عادية سيدان مش كروس اوفر وبتحس جامد بيها
- السعر لو زاد عن كده ولو 1000ج يبقى افتراء وحراااااااااام لأنه لو حصل وتم اقبال كبير عليها هنلاقى الاوفر برايس شغال الله ينور وكل شهر تزيدلها 3000-5000ج اقل واجب
- عدم وجود تفاصيل اكتر عن قطع الغيار وتكلفة الصيانات الدورية وغيرها من الحاجات اللى بتساهم بشكل كبير فى انتشار اى عربية فى مصر

وبعد ما رجعنا بعد رحلة قصيرة جداااا من عند البوابات حتى ملف الامن المركزى ما كنتش عاوز انزل بصراحة وسواقتها ممتعة اوووووووووى
وفى الاخر مليت استطلاع الرأى وشكرتهم على ذوقهم
وادونى هدية رمزية عبارة عن ماج ابيض وملون مكتوب عليه NISSAN QASHQAI

لو كنت حبيتها قبل ما اروح اقابلها النهاردة قيراط
فأنا راجع وحبى ليها زاد 24 قيراط

شكرا نيسان على حبيبتى القاشقاى اللى باذن الله هاستنى اخويا لما ينزل اجازة من برة ونروح نطلب ايديها وندفع مهرها