نتشة في نقلات الفتيس الأوتومتك

[م/محمد]

تقريري كالآتي

انا غيرت البطارية الكولرايد بتاعة العربية بتاعتي نيسان صني 2009 اوتوماتيك بعد سنتين بالظبط و التغيير كانت ركنة العربية في الجراج اسبوع في ايام الثورة
كانت البطارية طبعا 45 امبير و لما غيرتها جبت بطارية جافة 55 امبير
لا يوجد اي تغيير جزري او حدث اي شيئ و لا يوجد فرق بين القديمة و الحديثة
الفرق الوحيد اللي كنت ملاحظه في دوراة العربية لما كانت البطارية القديمة كانت الدوراة مش عجباني
لكن لا يوجد اي نتشة ف الفتيس قبل التغيير او بعده و زي ما قولت و من الاخر اللي مش عاجبه موضوع النتشة .. يعمل reset لكمبيوتر العربية و هيلاحظ الفرق طبعا

كيفية عمل reset للعربية

في البداية احب انوه انك تكون قافل زجاج العربية عشان تسمع كويس اللي هيحصل جوا العربية :

هنحط مفتاح العربية في الكونتاكت و ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم عاملين الخطوة اللي فاتت تاني ندور المفتاح للوضع on بس مندورش العربية لغاية ما لمبة الاوفر درايف تنور و اول ما تفصل علي طول نقوم نلف مفتاح العربية علي وضع off و نستني حوالي 5 ثواني لغاية اما نسمع صوت تكة من الناحية اليمين للطابلوه و بعدين نقوم مدورين العربية عادي جدا

في هذه الحالة تم عملreset للعربية ملحوظة هامه : اوعي و انت بتعمل الموضوع ده تكون دايس علي اي دواسة من الدواسات و خصوصا دواسة البنزين لأن و الريسيت بيحصل بيظبط حساسات و حاجات كتير في العربية منها tps

ارجوا اكون افادتكم

بقولك ايه يا بيشو هو حوار الريسيت فيه اي مشاكل او اعراض جانبيه
لاني عايز اعمله بس خايف او بمعني اصح قلقان

[Bishoy.Girgis]

انا عملته 10000 مرة قصدي 10001 و كله تمام
الموضوع ده بالظبط زي ما التوكيل بيحط العربية علي الكمبيوتر

[Youssef.Awad]

انا عملته 10000 مرة قصدي 10001 و كله تمام
الموضوع ده بالظبط زي ما التوكيل بيحط العربية علي الكمبيوتر

انا عملته كتير برضه ايام الضفيرة القديمة قبل التغيير وكان عادى جدااااا
ساعات تصيب معايا وساعات تخيب بس دلوقت مش باحتاج اعملها
وافتكر ان النتشة فى الاتوماتيك ده امر عادى يعنى وبيكون اقل فى الفتيس الcvt على ما اعتقد لأنى ركبت اللانسر بومة كتير وما حستش بيها بصراحة

[omar-saad]

النتشة موجودة حتى بعد تغيير البطارية
لسة ماكملتش شهر
وبتبقى موجودة من التانى للاول
وبالذات لما تخف رجلك بسرعة من على البنزين
او قارص على الموتور

[FBIAhmed]

المفاجأه انها موجوده في المانيوال كمان بتحس ان العربيه فرملت لوحدها بصوا دي من التكيف لما الكومبريسور بيبقى فاصل و بعدين يجي يحمل في الوقت الي حضرتك فيه مبتكونش دايس بنزين فبيسحب من عزم النقله في العربيه كانك سقطت نقله من غير ما تدوس بنزين بالظبط و متقلقوش و جربوها و انت قافلين التكيف مش هاتحصل و عن تجربه

[Elsayed]

فيه مقاومه اسمها dropping Resistance لما بتضعف او يكون فيها مشكله بتعمل نتشه فى النقلات خصوصا من الاول للتانى ثم تضعف النتشه فى التالت ولا تشعر بها فى الرابع
هذا حدث معى وغيرت المقاومه واللى قال لى عليها مهندس فى التوكيل.

[Elsayed]

نسيت اقول ان المقاومه دى موجوده فى كبوت العربيه من فوق الموتور من على الجنب وتركيبها سهل ليس له علاقه بوحده الفتيس

[ahaleem]

فيه مقاومه اسمها dropping Resistance لما بتضعف او يكون فيها مشكله بتعمل نتشه فى النقلات خصوصا من الاول للتانى ثم تضعف النتشه فى التالت ولا تشعر بها فى الرابع
هذا حدث معى وغيرت المقاومه واللى قال لى عليها مهندس فى التوكيل.

و ال dropping resistance دى بكام و هل هناك تحسن بعد تغيرها ؟

[wesam_salom]

نسيت اقول ان المقاومه دى موجوده فى كبوت العربيه من فوق الموتور من على الجنب وتركيبها سهل ليس له علاقه بوحده الفتيس

ممكن صوره لها ولمكانها وطريقه التغيير

[FBIAhmed]

شكلها كده و قياسها مقاومتها المزبوط

[Ali_Abo_Amr]

فيه مقاومه اسمها dropping resistance لما بتضعف او يكون فيها مشكله بتعمل نتشه فى النقلات خصوصا من الاول للتانى ثم تضعف النتشه فى التالت ولا تشعر بها فى الرابع
هذا حدث معى وغيرت المقاومه واللى قال لى عليها مهندس فى التوكيل.

حضرتك معاك صنى وتيدا
يا ترى حضرتك تقصد اى واحدة فيهم اللى غيرت فيها المقاومة دى وفى اى مركز صيانة ؟

[Elsayed]

انا كان معايا صنى 2006 والمشكله حصلت فيها وغيرت المقاومه بواحده اخرى استيراد لانه لم يكن هناك جديد بالتوكيل وكانت على ما اظن 700جنيه وبعدها رجع الفتيس زى الجديد تماما.
انا الان معى تيدا 2010