اشتريت صنى 2002 اتوماتيك

[Dr'AhmZZong]

شكرا على ردودكم وعلى روحكم الطيبه
والحمدلله العربيه عجبانى

والنهاردة روحت للميكانيكى وشاف السيور وقالى كويسه وشاف الزيوت و زيت الفتيس وقالى بردة كويس
المهم كان عندى مشكله ان الصبح لما بدور العربيه بقوم بسند رجلى على دواسه البنزين دقتين لحد ما العربيه تسخن واقدر امشى بيها وان معملتش كدة تبطل
,,قولت للميكانيكى قالى هات اسبريه منظف للانجيكشن
وضفها بعد كدة صوت الموتور اتغير واكنه بيتشنج لما بيعلى الموتور
بعد كدة رحنا عند واحد بيكشف بالكمبيوتر وكشف وعمل ريسترت والصوت رجع زى الاول الحمدلله
وقولتله على مشكله الدوارة الصبح قالى شوف بكرة هتتعدل بعد ما الكمبيوتر ظبط العربيه
وهى بتقول بتسخين العربيه لما بتكون بارددة بس مش فاكر اسمها هو قالى عليها بس نسيت

يا جماعه تنصحونى باى

متابع بإهتمام ..

[Youssef.Awad]

والنهاردة روحت للميكانيكى وشاف السيور وقالى كويسه وشاف الزيوت و زيت الفتيس وقالى بردة كويس
المهم كان عندى مشكله ان الصبح لما بدور العربيه بقوم بسند رجلى على دواسه البنزين دقتين لحد ما العربيه تسخن واقدر امشى بيها وان معملتش كدة تبطل
,,قولت للميكانيكى قالى هات اسبريه منظف للانجيكشن
وضفها بعد كدة صوت الموتور اتغير واكنه بيتشنج لما بيعلى الموتور
بعد كدة رحنا عند واحد بيكشف بالكمبيوتر وكشف وعمل ريسترت والصوت رجع زى الاول الحمدلله

ممكن بالمرة تكشف على فلتر الهواء سواء كان محتاج للتنضيف او للتغيير والبوجيهات تكون ngk اصلية 5 مللى يابانى
ولو محتاج منظف انجكشن هات احسن ليكوى مولى ب 35ج ماركة محترمة والمانى ومضمون نتيجتها

[Dr'AhmZZong]

ممكن بالمرة تكشف على فلتر الهواء سواء كان محتاج للتنضيف او للتغيير والبوجيهات تكون ngk اصلية 5 مللى يابانى
ولو محتاج منظف انجكشن هات احسن ليكوى مولى ب 35ج ماركة محترمة والمانى ومضمون نتيجتها

[Ahmed.TV]

حضرتك شيك على فلتر الهواء .. وشوف اخر مرة اتغير امتى
وكمان البوجيهات بردوا مهم تغيرها الى بوجيهات اصلية .. فى حاجات فى العربيات لازم تتجاب اصلى زى البوجيهات كدا .. وتجبها من عند محمد جابر فى الحرفين
وكمان حضرتك مفروض تغير اى حاجة فى العربية زى ما كتاب الضمان قالك

يعنى السيور تتغير كل 30 او 40 الف .. زيت الفتيس الاتوماتيك كل 40 الف .. مياه الرديتير كل 40 الف .. زيت الفرامل كل 50 الف او مثلا سنتين او تلاتة بالكتير .. غطاء الردياتير كل 50 الف .. ترموستات الحرارة كل 100 الف ويستحسن كل 80 الف .. فلتر الهواء كل 25 الف .. فلتر البنزين كل 30 او 40 الف

كل ده منه الدورى ومنه اللى يحبذ تغيره .. عشان تحافظ على العربية .. ومش تستنى لما حاجة يحصلها حاجة وتروح تغيرها

وياريت كل فترة كبيرة تروح التوكيل وتدخل العربية على الكمبيوتر عندهم عشان يظبطوها

تحياتى

[ShekeeS]

ممكن بالمرة تكشف على فلتر الهواء سواء كان محتاج للتنضيف او للتغيير والبوجيهات تكون ngk اصلية 5 مللى يابانى
ولو محتاج منظف انجكشن هات احسن ليكوى مولى ب 35ج ماركة محترمة والمانى ومضمون نتيجتها

الميكانيكى نظف الفلتر وكله تمام وقالى البوجيهات مش محتاجه تتغير

[ShekeeS]

حضرتك شيك على فلتر الهواء .. وشوف اخر مرة اتغير امتى
وكمان البوجيهات بردوا مهم تغيرها الى بوجيهات اصلية .. فى حاجات فى العربيات لازم تتجاب اصلى زى البوجيهات كدا .. وتجبها من عند محمد جابر فى الحرفين
وكمان حضرتك مفروض تغير اى حاجة فى العربية زى ما كتاب الضمان قالك

يعنى السيور تتغير كل 30 او 40 الف .. زيت الفتيس الاتوماتيك كل 40 الف .. مياه الرديتير كل 40 الف .. زيت الفرامل كل 50 الف او مثلا سنتين او تلاتة بالكتير .. غطاء الردياتير كل 50 الف .. ترموستات الحرارة كل 100 الف ويستحسن كل 80 الف .. فلتر الهواء كل 25 الف .. فلتر البنزين كل 30 او 40 الف

كل ده منه الدورى ومنه اللى يحبذ تغيره .. عشان تحافظ على العربية .. ومش تستنى لما حاجة يحصلها حاجة وتروح تغيرها

وياريت كل فترة كبيرة تروح التوكيل وتدخل العربية على الكمبيوتر عندهم عشان يظبطوها

تحياتى

ل
شكرا جدا لنصيحه حضرتك يا استاذ احمد
وبصراحه شديدة مليش فى التوكيلات علشان اللى بسمعه من مبالغ كبيرة جدا
المهم ياجماعه مشكله الدوارة الصبح لسه موجودة ( بس هيا مش مضياقنى )
دلوقتى وانا ماشى بالعربيه ولما باجى ادوس فرامل بسمع صوت تزييق رخم جدا
اعتقد ان كدة تيل الفرامل محتاج يتغير
فممكن اللى يعرف ميكانيكى كويس محترم يقولى عليه
وشكرا لمساعدتكم ليا جدا جدا جدا

[ShekeeS]

معلش يا جماعه فى حاجه نسته بس ضروريه هى ان المياة بتنقص بشكل ملحوظ بمعنى امبارح مزود المياة الخضراء لحد ماكسمام والنهاردة لقتها عند منيمم
مش معقوله العربيه بتشرب المياة بسرعه كدة !!!

[ShekeeS]

فى بردة حاجه ابتدت تظهر وانا ماشى صوت تزييق كدة من عند الدواسات مش مخلينى استمتع بالعربيه
اعمل اى

[ShekeeS]

محدش رد ليه ؟؟؟؟؟؟؟؟؟؟

[Youssef.Awad]

يا استاذى الفاضل اسمع كلامنا وروح بيها اى مركز خدمة معتمد يكشفوا ع العربية بالكومبيوتر ويعملولك مقايسة اصلاح وانت حر تصلح جوة او برة بعد ما تشترى قطع غيار اصلية
وموضوع السخونة ده خطير جدا وماتنساش ان العربية 2002 يعنى 12 سنة شغل والله اعلم كام واحد ركبها قبلك بدل ما كل شوية حاجة تتطلعلك اعرف كل اللى محتاج تصليح فيها ورتب اولوياتك
ولو هاتروح احجز فى اى يوم غير السبت عشان الزحمة

[ShekeeS]

فى مركز صيانه لنسيان فى الهايكستب دة قريب منى ممكن اروحله وقصدك هما يكشفوا عليها احسن طيب وهشوف لو صلحوا اللى فيها هيكون بكام وربنا يسهل
على فكرة العربيه مش بتسخن فى مقدار المياة بيقل وانا شاكك ان فى حاجه بتسرب بس مش عارف منين

[Youssef.Awad]

فى مركز صيانه لنسيان فى الهايكستب دة قريب منى ممكن اروحله وقصدك هما يكشفوا عليها احسن طيب وهشوف لو صلحوا اللى فيها هيكون بكام وربنا يسهل
على فكرة العربيه مش بتسخن فى مقدار المياة بيقل وانا شاكك ان فى حاجه بتسرب بس مش عارف منين

كويس احجز وروح وابقى طمنا
ومش شرط السخونية يعنى ارتفاع مؤشر الحرارة فى التابلوه ممكن ده يتم لو المياه نقصت عن الحد الادنى ومن غير ما تزودها
لأن كون المياه تنقص يبقى فيه تبخير او تسريب ولا احتمال ثالث

[Hossam_Zaky]

السلام عليكم
مبروك علي العربية الجميلة
أخواتي بالقسم قامو بالواجب و تابعو معاك و هو ده العادي بتاع قسم النيسان
أسمحلي أضم صوتي لهم و أقولك روح التوكيل أعمل مقايسة كشف علي العربية و أسأل علي تكلفتها قبل ما تعملها ( أعتقد كانت في حدود 300 جنيه في السبع ) و هي تقرير شامل عن العربية
أسأل علي قطع الغيار في التوكيل الأول و لو الفرق بينها و بين برة مقبول يكون الأفضلية للتوكيل
تيل الفرامل للصني 1600 سي سي في التوكيل بحوالي 350 جنيه بالتركيب معرفش يركب علي ال1300 ولا لآ
تزييق الدواسات ده من السوسته بتاعة الدواسة

حضرتك ذكرت أنك جبت علايتين للعربية من الخلف عشان تزود ارتفاع العربية
أسمحلي أنصحك عن تجربة بأنك متركبهمش للأسباب التالية
العربية ثباتها حيقل و حتدبدب معاك في المطبات من ورا
حتتسبب في تلف المساعد الخلفي
العلاية كانت سبب شرخ في شاسيه عربيتنا القديمة بيجو 505 عند منطقة بداية الشنطة فوق محور العجل الخلفي

[ShekeeS]

السلام عليكم
مبروك علي العربية الجميلة
أخواتي بالقسم قامو بالواجب و تابعو معاك و هو ده العادي بتاع قسم النيسان
أسمحلي أضم صوتي لهم و أقولك روح التوكيل أعمل مقايسة كشف علي العربية و أسأل علي تكلفتها قبل ما تعملها ( أعتقد كانت في حدود 300 جنيه في السبع ) و هي تقرير شامل عن العربية
أسأل علي قطع الغيار في التوكيل الأول و لو الفرق بينها و بين برة مقبول يكون الأفضلية للتوكيل
تيل الفرامل للصني 1600 سي سي في التوكيل بحوالي 350 جنيه بالتركيب معرفش يركب علي ال1300 ولا لآ
تزييق الدواسات ده من السوسته بتاعة الدواسة

حضرتك ذكرت أنك جبت علايتين للعربية من الخلف عشان تزود ارتفاع العربية
أسمحلي أنصحك عن تجربة بأنك متركبهمش للأسباب التالية
العربية ثباتها حيقل و حتدبدب معاك في المطبات من ورا
حتتسبب في تلف المساعد الخلفي
العلاية كانت سبب شرخ في شاسيه عربيتنا القديمة بيجو 505 عند منطقة بداية الشنطة فوق محور العجل الخلفي

شكرا جدا لنصيحه خضرتك , وبجد هنا فى الموقع الاعضاء ممتازين بيحاولوا يساعدوا وكلهم ذوق جدا , ومن نسبه للعربيه حجزت فى مودرن نيسان اللى فى الهايكستب وقالولى الكشف كامل على العربيه بـ 150 جنيه هروح الاربعاء واشوف وهتابع معاكم بردة

حقيقى انت عندك حق من نسبه للعاليات انا باخد المطب وبحس بدبدبه من ورا وبقيت مضايق منها بس اعمل اى ما المطبات رخمه بردة

[ShekeeS]

السلام عليكم ورحمه الله وبركاته
انا روحت مودرن موتورز الهايكستب وعملت كشف شامل على العربيه موتور وعفشه وصاج وفرامل والمهم قبل ما اقولكم على تقريرهم انا كنت قبل كدة لحظت ان المياة بتنقص والموضوع دة اتحل لوحدة ومبقتش بنقص ودة لوحدها الحمدلله
المهم ارجعلكم بالتقرير ودة كان صادم ليا جدا الصراحه واولا انا روحت الساعه 9 وخلصوا العربيه الساعه 11
التقرير خاص بملاحظات السيارة
تغيير
- 2 مقص امامى
- قاعدة موتور امامى
- تغيير المساعدين الامامى والخلفى بالكاوتش المساعد بتاعهم
- علبه دركسيون كامله
- اويل سيل كرنك و اويل سيل كوبلين يمين
- طنابير امامى وخلفى
- وتيل امامى وخلفى
- واخيرا عمل صيانه شامله للسيارة

بقيت مزهول ببص للورقه واقول فى سرى كل دة فى عربيتى يانهار ابيض دة مبقتش عربيه خالص
المهم قولت اعرف اسعارهم اى وكدة يعنى اتصدمت اكتر بس اللى مريحنى انى لما بركب العربيه مش بحس انها فى مشاكل كتير بالعكس بحس ان فى حاجات بسيطه جدا وتتحل

منتظر ردودكم وارائكم ومنتظر حد يقولى على عفشجى كويس وانا سكنى قريب من الحرفين بردة