اشتريت صنى 2002 اتوماتيك

[ShekeeS]

اولا :السلام عليكم ورحمه الله وبركاته
ثانيا : هدخل فى الموضوع على طول كان معا اكسل قعدت معايا سنتين وبعدها فليشيا سنتين بردة والحمدلله بعتها
اما بعد الحمدلله ربنا كرمنى اول امبارح وجبت نيسان صنى 2002 اتوماتيك ومشاءالله عجبانى
وحببها هى عامله 130 كم لونها فيرانى وطبعا اى عربيه مستعمله بتكون محتاجه حبت تظابيط مبدائيا
1-العفشه فيها حاجات محتاجه تتغير وان شاءالله هروح اعملها
2-اى المفروض اعمله تانى من صيانه
3-الاتوماتيك فى حاجه اسمها od دة اشغله امتى ودة وظيفته توفير البنزين ولا عادى
وكمان فى زرار احمر جنب الفتيس اسمه شيفت دة المفروض بيعمل اى ؟
4-اكلها بنزين 90 ولا 92 ؟
5-شكر لرئيس قسم نيسان على مجهودة الرائع وجميع الاعضاء الكرام

[Dr'AhmZZong]

اولا :السلام عليكم ورحمه الله وبركاته
ثانيا : هدخل فى الموضوع على طول كان معا اكسل قعدت معايا سنتين وبعدها فليشيا سنتين بردة والحمدلله بعتها
اما بعد الحمدلله ربنا كرمنى اول امبارح وجبت نيسان صنى 2002 اتوماتيك ومشاءالله عجبانى
وحببها هى عامله 130 كم لونها فيرانى وطبعا اى عربيه مستعمله بتكون محتاجه حبت تظابيط مبدائيا
1-العفشه فيها حاجات محتاجه تتغير وانشاءالله هروح اعملها
2-اى المفروض اعمله تانى من صيانه
3-الاتوماتيك فى حاجه اسمها od دة اشغله امتى ودة وظيفته توفير البنزين ولا عادى
وكمان فى زرار احمر جنب الفتيس اسمه شيفت دة المفروض بيعمل اى ؟
4-اكلها بنزين 90 ولا 92 ؟
5-شكر لرئيس قسم نيسان على مجهودة الرائع وجميع الاعضاء الكرام

أولا ألف مبروك عالعربية ونورت قسم نيسان ..
1.موضوع العفشة إن شاء الله تعمله بس متتأخرش عليها .. عشان إنت عارف طرق بلدك
2.حضرتك روح التوكيل .. وخليهم يعملوا مقيسة للعربية ويقولولك علي اللي عايز يتغير .. وتابع معاهم لو حبيت ..
3.حضرتك OD اختصار كلمة OVERDRIVE .. وده معناه إن وحضرتك دايس عليه مريح العربية جدا وبتنقل عادي ومش هتلاقي لمبة برتقاني منورة في التابلوه ..
لما بقى تقفله هتلاقي لمبة مكتوب عليها O/D off و ده معناه إن حضرتك قافلت النقلة الرابعة .. ومش هينقل عليها خالص .. ده لو حضرتك عايز تجري ولا حاجة ..وطول ما أنت دايس عليه العربية هتبقى مرتاحة و ده بيساعد في تقليل استهلاك البنزين .. وفايدته لو حضرتك عايز عزم عالي للعربية وده وإنت قافله طبعا .. أحسن حاجة لحضرتك تفضل سايبه متداس عليه .. عشان العربية ماتسحبش بنزين جامد ..

موضوع الزرار الاحمر ده .. لو حضرتك واقف صف تاني و عايز تاخد المفتاح معاك .. لإن الصني فيها نظام أمان إن المفتاح ميخرجش من مكانه غير والعربية متعاشقة على ال p .. فـ لو حضرتك عايز العربية تتزء .. خرج المفتاح منها عادي.. ودوس على الزرار لاحمر .. ودوس على زرار الفتيس الفضي ده وهاته على ال N .. وبكده تتزق عادي جدا ..

4.الاحسن طبعا بنزين 92 عشان تحافظ على الموتور ..

وشكرا ....

[ShekeeS]

الله يبارك فيك و شكرا جدا لسرعه الرد ولذوق حضرتك

[Youssef.Awad]

رد زى الفل والف مبروك عليك واهلا بيك فى القسم

[Dr'AhmZZong]

الله يبارك فيك و شكرا جدا لسرعه الرد ولذوق حضرتك

مفيش شكر بين الاخوات يا باشا .. وأنا تحت امرك في أي حاجة ...

[Dr'AhmZZong]

رد زى الفل

متشكر اويي ....

[minicooper20]

مبروك يا باشا

[ShekeeS]

شكرا على الردود الجميله دة
الحمدلله عملت العفشه وغيرت
1- 2بيضة مقص= 130 جنيه
2- 2جلبة مقص= 60 جنيه
3- بارة دركسيون= 160 جنيه
4- 2علاية للموساعدين من ورا علشان مطبات بلدنا= 10 جنيه
وجبت الحاجه من الشرقاوى فى جسر السويس ومصنعيه 120 جنيه
والحمدلله زى الفل

استفسار تانى عن الاوفر درايف
اشغله عادى حتى فى الزحمه والاشارات ولا لازم اقفله فى الزحمه ؟

[Youssef.Awad]

الحمدلله عملت العفشه والحمدلله زى الفل

استفسار تانى عن الاوفر درايف
اشغله عادى حتى فى الزحمه والاشارات ولا لازم اقفله فى الزحمه ؟

اولا: الف مبروك على تجديد العفشة
ثانيا: انا مش قادر افهم من حضرتك اهتمامك بموضوع الاوفر درايف ده
ببساطة شديدة الاوفر درايف = حرق وتشبيع ع الغيار الثالث واستهلاك اعلى للوقود ومهمته الاساسية الشد على طريق سريع (Drag Racing) يعنى مالوش اى لازمة وسط الزحمة ولا فى 90% من وقت قيادتك جوة وبرة البلد يعنى خليه مطفى عالطول وريح دماغك واستخدمه فقط وقت الحاجة زى ما بتسقط نقلة كده فى الفتيس المانيوال عشان تخطى عربية وتاخد تسارع افضل من العادى

[Bishoy.Girgis]

اولا الف الف مبروك علي العربية الياباني الجميلة .. كنت عايز اعرف العربية سعرها كام ؟؟

http://www.nilemotors.net/Nile/104431-over-drive.html

http://www.nilemotors.net/Nile/77545-over-driver.html

[kar!m]

تمام جدا .. انت أكيد كده العفشة اتحسنت معاك كتي بعد ما غيرت بيض المقصات.

بس المهم تكون جبت بيض بلدى

[ShekeeS]

العربيه جبتها 55 الف ونص و التسجيل خد 800 جنيه
ولسه هجدد الرخصه هشوف فى المرور هياخدو كام على الثلاث سنين ؟

[szaalouk]

الف الف مبروك يا باشا
ربنا يديك خيرها و يكفيك شر طريقها

[SonaSteel]

الف الف مبارك عليك
ربنا يرزقكك خيرها و يكفيك شرها وان شاء الله تتبسط منها

تمام جدا .. انت أكيد كده العفشة اتحسنت معاك كتي بعد ما غيرت بيض المقصات.

بس المهم تكون جبت بيض بلدى

وبصفاريـــــــــــن :))

[ShekeeS]

شكرا على ردودكم وعلى روحكم الطيبه
والحمدلله العربيه عجبانى

والنهاردة روحت للميكانيكى وشاف السيور وقالى كويسه وشاف الزيوت و زيت الفتيس وقالى بردة كويس
المهم كان عندى مشكله ان الصبح لما بدور العربيه بقوم بسند رجلى على دواسه البنزين دقتين لحد ما العربيه تسخن واقدر امشى بيها وان معملتش كدة تبطل
,,قولت للميكانيكى قالى هات اسبريه منظف للانجيكشن
وضفها بعد كدة صوت الموتور اتغير واكنه بيتشنج لما بيعلى الموتور
بعد كدة رحنا عند واحد بيكشف بالكمبيوتر وكشف وعمل ريسترت والصوت رجع زى الاول الحمدلله
وقولتله على مشكله الدوارة الصبح قالى شوف بكرة هتتعدل بعد ما الكمبيوتر ظبط العربيه
وهى بتقول بتسخين العربيه لما بتكون بارددة بس مش فاكر اسمها هو قالى عليها بس نسيت

يا جماعه تنصحونى باى