استفسار من كل اعضاء نيسان

[galaxy83]

السلام عليكم
انا ان شاء الله نويت شراء صني 2012 ex لكن سمعت ان في فرق بينها وبين السوبر صالون كبيير في العفشه فالان متردده هل اتوكل على الله واشتري اي اكس ولا استنى احوش فرق الفلوس واجيب سوبر صالون
ياريت الي معاه اي اكس 2012 يقولي ايه الاخبار وهل العفشه مريحه والعربيه ايه مميزاتها وعيوبها بكل امانه وشكرا لكم

[Dr'AhmZZong]

حضرتك اقرا الموضوع ده إن شاء الله تستفيد على الآخِر

http://www.nilemotors.net/Nile/163656-a.html

[citadeldeath]

الأخ العزيز،

أولاً، إذا تم اختزال الفروق بين النسختين ex والسوبر صالون في العفشة أو نظام التعليق بمعنى أدق، فلن يكون هناك فرق على الإطلاق؛ فالاثنين يستفيدان من نظام تعليق أمامي مستقل من قوائم ماكفرسون وآخر خلفي متعدد الوصلات، وهو نظام تعليق متعارف عليه ومدعّم بالعديد من السيارات. البعض يقول إن الفرق بين النسختين في العارضة المانعة للتمايل الجانبي المزوّدة بالنسخة سوبر صالون، ولكني لم أجدها صراحة في المواصفات الميكانيكية للسيارة. ولكن، حتى لو افترض وجودها، فهي لن تؤثّر على راحة العفشة بوجه عام، ولكنها تفيد أكثر أثناء الدخول على المنعطفات القاسية.

عموماً، العفشة لن تجدها غاية في الراحة، في النسختين، ولكنها مقبولة جداً.

وشكراً

[galaxy83]

شكرا لكم وفي انتظار باقي الاراء

[Manchestrawy]

السوبر صالون معظم اختلافاتها في الشكل الخارجي ..
فلو بتهتم بالشكل هات السوبر صالون ..

بس لو مكان حضرتك وهجيب زيرو مش هتنازل عن السوبر صالون
لو بصيت على الكماليات الي فيها هتلاقي فرق السعر قليل اوي ..
نصيحه خليك في السوبر عشان خاطري ياعم :d :d

[alaa_eliwa]

الزيادات فى السوبر صالون
عفشه و جنوط اسبور
2 ايرباج
خاصيه باحزمه الامان اسمها خاصيه الشد المسبق
المرايات بتقفل بالكهرباء
كونسوله اماميه ابانوس
مسند ذراع خلفى و حامل اكواب
وكونسوله بالسقف اماميه بيبقى فيها مكان للنظاره الشمسيه
مرايه للراكب الامامى فيها اضاءه
الهاندبريك و الفتيس و الدريكسيون متغطيين بجلد طبيعى

اعذرونى لو فى حاجه نسيتها

[_hema]

الزيادات فى السوبر صالون
عفشه و جنوط اسبور
2 ايرباج
خاصيه باحزمه الامان اسمها خاصيه الشد المسبق
المرايات بتقفل بالكهرباء
كونسوله اماميه ابانوس
مسند ذراع خلفى و حامل اكواب
وكونسوله بالسقف اماميه بيبقى فيها مكان للنظاره الشمسيه
مرايه للراكب الامامى فيها اضاءه
الهاندبريك و الفتيس و الدريكسيون متغطيين بجلد طبيعى

اعذرونى لو فى حاجه نسيتها

تمااام 100 100

بس اسمحلى اضيف

الابانوس اللى بيخلى شكل العربية جميلة من جوة

الغماز بتاع الاشارة لونه ابيض مش اصفر

الكاسيت فيه فلاشة و دى مهمة جدا (رأى شخصى )

[tiger76]

الزيادات فى السوبر صالون
عفشه و جنوط اسبور
2 ايرباج
خاصيه باحزمه الامان اسمها خاصيه الشد المسبق
المرايات بتقفل بالكهرباء
كونسوله اماميه ابانوس
مسند ذراع خلفى و حامل اكواب
وكونسوله بالسقف اماميه بيبقى فيها مكان للنظاره الشمسيه
مرايه للراكب الامامى فيها اضاءه
الهاندبريك و الفتيس و الدريكسيون متغطيين بجلد طبيعى

اعذرونى لو فى حاجه نسيتها

تمااام 100 100

بس اسمحلى اضيف

الابانوس اللى بيخلى شكل العربية جميلة من جوة

الغماز بتاع الاشارة لونه ابيض مش اصفر

الكاسيت فيه فلاشة و دى مهمة جدا (رأى شخصى )

+1111

[Bishoy.Girgis]

لو بقي ناوي تحوش فلوس الفرق يبقي استني بقي لمعرض الفورميلا و شوف النيسان صني الجديدة :))))))))

[alaa_eliwa]

تمااام 100 100

بس اسمحلى اضيف

الابانوس اللى بيخلى شكل العربية جميلة من جوة

الغماز بتاع الاشارة لونه ابيض مش اصفر

الكاسيت فيه فلاشة و دى مهمة جدا (رأى شخصى )

اه طبعا الفلاشه مهمه جدا برضه بالنسبه ليا و كمان فى حاجه نسيتها هى ان الكاسيت مجهز بوصله IPod

[Hossam_Zaky]

والله أنا معايا صني ex2009 أوتوماتيك ممتازة و مريحاني جدا
و أحد أصدقائي معاه السوبر صالون

الكماليات الزيادة اللي في السوبر صالون تستاهل فرق التمن
و ياريت حضرتك تنزل لأي معرض لنيسان و تشوف الأتنين علي الطبيعة و تحس الكماليات بنفسك
و في الأخر هي أراء شخصية يعني ممكن واحد تاني يقول انا حعمل أيه بكمالية كذا ولا كذا يبقي الex كافية بالنسبة له
لكن لو حنجيب الex ياريت تكون بالabs

و بالنسبة للعفشة فالأتنين عفشة ناعمة متماسكة بس السوبر صالون علي السرعات بيكون ثباتها في الملفات أفضل ( مع العلم ان عربيتي الEX ثباتها ممتاز برضه ) و ده لو سيادتك غاوي سرعة !!
لأن بعد 2008 أصبح العربيتين بيستعملو نفس المساعدين و العفشة عدا الستيلايزر و هو عارضة مركبة بالعفشة الخلفية علي حد معلوماتي لتقليل تمايل العربية علي السرعات موجودة بالسوبر صالون فقط لكن للأستعمال اليومي العادي و الطريق الدائري و كده فالعربيتين مافيش أختلاف جذري بينهم

[SonaSteel]

خد المفييييييييد
والله كل حاجة موجوده في الفهرس ........ لو حد دخل مش هايلحق يطلع الا وهيلاقي العربية طلعت من الضمان عقبال ما يخلصه :)))

http://www.nilemotors.net/Nile/110198-ex-super.html

http://www.nilemotors.net/Nile/74007-ex-salon-super-salon.html

ولو عايز بين الصني والتيدا

http://www.nilemotors.net/Nile/148515-a.html

http://www.nilemotors.net/Nile/241647-a.html

http://www.nilemotors.net/Nile/234308-a.html

[moumen_hs]

خد المفييييييييد
والله كل حاجة موجوده في الفهرس ........ لو حد دخل مش هايلحق يطلع الا وهيلاقي العربية طلعت من الضمان عقبال ما يخلصه :)))

http://www.nilemotors.net/Nile/110198-ex-super.html

http://www.nilemotors.net/Nile/74007...per-salon.html

ولو عايز بين الصني والتيدا

http://www.nilemotors.net/Nile/148515-a.html

http://www.nilemotors.net/Nile/241647-a.html

http://www.nilemotors.net/Nile/234308-a.html

باااااااااااااشا

[Bently]

انا معايا ex 2012 هى طبعا عربية جمييييلة بس لو تقدر تجيب السوبر يبقى افضل لصالح الكماليات و ليس الاساسيات غير نقطة العفشة الى وضحهالك الاخوة الاعضاء
لكن لو ختجيب ال ex هاتها ب ABS

[khaledshaheen]

أنا كان معايا ال إي إكس وبعتها وجبت السوبر صالون مستعملة إستعمال خفيف عشان أنا عندى ولاء للصنى عموما , بصى ياستى بالنسبى للفرق من ناحية العفشة فهو يتلخص فى 3 فروق وهى :-
أولا / المساعد : فى السوبر صالون (دبل أكشن) يعنى بيقفل ويفتح فى المطبات أما فى ال إي إكس (single) يعنى بيفتح بس ويدب بعد كده فى العفشة .
ثانيا / يوجد بين العجلتين الخلفيتين عمود إتزان (stablizer) وهو عمود صلب وأصم يعطى توازنا للسيارة من الخلف خصوصا على السرعات العالية أما الإي إكس لايوجد .
ثالثا / الجنوط : فى الإي إكس الجنوط ألومنيوم وهى أخف وزنا وأعلى كثافة من الجنوط الصلب فى الإيى إكس وبرغم أنها أخف ولكنها آمنة تماما وشكلها شيك جدا (وعلى فكرة سعر الواحد منها 2200جنيه*4= 8800 جنيه ).
عشان الفروق الثلاثة سالفة الذكر بيقولوا ان العفشة ناشفة .
أما بالنسبة للكماليات حدث ولاحرج فيوجد أكثر من 15 فرق داخلى وخارجى فبالإضافة الى ماذكره الأعضاء الكرام يوجد فرق وهو أكثرهم أهمية من وجهة نظرى (الإيرباج) للراكب الأمامى اللى بجوار السائق الى جانب إيرباج السائق وهو غالى الثمن أيضا , كما أن السوبر صالون الزجاج الخلفى لها وزجاج الأبواب الخلفية كذلك بينزل فاميه وكذلك الفانوس الأمامى والخلفى فاميه أيضا وهو شكله شيك جدا .
يعنى بصراحة عربية بتقول أنا أهو , ولو قارنتى الفروق الجوهرية وكذلك الكماليات دى كلها هتلاقى السوبر صالون أحسن بكثير .
وختاما (ربنا يرزقك خيرها ويكفيك شرها وشر الطريق)
وإلى مشاركة أخرى إن شاء الله

------------------------
ممنوع الكتابة باللون الأحمر لانه مخصص للمداخلات الادارية
يرجي مراجعه قواعد المنتدي
مشرف القسم مـ7