استفسار من كل اعضاء نيسان

[SonaSteel]

أنا كان معايا ال إي إكس وبعتها وجبت السوبر صالون مستعملة إستعمال خفيف عشان أنا عندى ولاء للصنى عموما , بصى ياستى بالنسبى للفرق من ناحية العفشة فهو يتلخص فى 3 فروق وهى :-
أولا / المساعد : فى السوبر صالون (دبل أكشن) يعنى بيقفل ويفتح فى المطبات أما فى ال إي إكس (single) يعنى بيفتح بس ويدب بعد كده فى العفشة .
ثانيا / يوجد بين العجلتين الخلفيتين عمود إتزان (stablizer) وهو عمود صلب وأصم يعطى توازنا للسيارة من الخلف خصوصا على السرعات العالية أما الإي إكس لايوجد .
ثالثا / الجنوط : فى الإي إكس الجنوط ألومنيوم وهى أخف وزنا وأعلى كثافة من الجنوط الصلب فى الإيى إكس وبرغم أنها أخف ولكنها آمنة تماما وشكلها شيك جدا (وعلى فكرة سعر الواحد منها 2200جنيه*4= 8800 جنيه ).
عشان الفروق الثلاثة سالفة الذكر بيقولوا ان العفشة ناشفة .
أما بالنسبة للكماليات حدث ولاحرج فيوجد أكثر من 15 فرق داخلى وخارجى فبالإضافة الى ماذكره الأعضاء الكرام يوجد فرق وهو أكثرهم أهمية من وجهة نظرى (الإيرباج) للراكب الأمامى اللى بجوار السائق الى جانب إيرباج السائق وهو غالى الثمن أيضا , كما أن السوبر صالون الزجاج الخلفى لها وزجاج الأبواب الخلفية كذلك بينزل فاميه وكذلك الفانوس الأمامى والخلفى فاميه أيضا وهو شكله شيك جدا .
يعنى بصراحة عربية بتقول أنا أهو , ولو قارنتى الفروق الجوهرية وكذلك الكماليات دى كلها هتلاقى السوبر صالون أحسن بكثير .
وختاما (ربنا يرزقك خيرها ويكفيك شرها وشر الطريق)
وإلى مشاركة أخرى إن شاء الله

تصحيح بس ياخالد بيك
العفشة ببقيت واحدة دلوقتي في الاتنين
والجنط الالمونيوم اعتقد اتقل مش اخف،.... والعفشة بيه انشف من العادية
الهاي لاين اتوقف تصنيعا اللي كان فيها فاميه
انا مع السوبر صالون قلبا وقالبا... ومتنسيش الاستخارة

[Land_Cruiser]

بص هو من الاخر كده الفرق اغلبيته كماليات و لا تؤثر على كفاءه العربيه و حسب المبلغ المتاح مع حضرتك تقدر تحدد و حتى فى بعض الكماليات ينفع تجيبها بعدين و تركب عادى و ده يرجعنا لنقطه حضرتك عايز مثلا ٢ ايرباجز بدل واحده و لا عايز كاسيت بفلاشه و بس و كمان حاجه زى الجنوط مثلا حضرتك ممكن تشتريها بس هتبقى غاليه جدا و لو كنت عايزها يبقى هات السوبر صالون فحاول تحدد احتياجاتك علشان تعرف تختار