تعديل فوانيس صني الخلفية بالصور

[Hossam_Zaky]

السلام عليكم

الموضوع كله جاء بالصدفة لأن الفانوسين الخلفيين في عربيتي صني 2009 كانو مكسورين من فترة كبيرة و صديق لي صمم أنه يصب لهم زجاج في الحرفيين و أنا كنت رافض علي أمل شراء جديد و برضه عشان التقفيل بتاع الصنايعية في مصر

المهم كنت مع صديقي في الحرفيين ( عربيته مازدا 3 و فك فوانيسها الأمامية قبل كدة للتنظيف و تركيب عدسة كانت وقعت و الفوانيس رجعت تمام ) و صمم أنه يفك الفوانيس الخلفية و أديهاله من مبدأ أني أجرب ماهم مكسورين أصلا و بالفعل أخد الفوانيس و رحت معاه الحرفيين عند واحد أسمه حسن ( حجيب بيانته لما أروح تاني ) و كانت المفاجأة بالنسبة لي أن معظم الفوانيس اللي عنده عشان يعملهم باغ جديد فوانيس مرسيدس عيون حديثة - باسات - جيتا - لانسر

و كانت المفاجاة برضه لي ان صاحب المحل قاللي ممكن يعدل الفوانيس الأمامية و يركبلها رينجات زي البي أم أو عدسات

أنا كنت قلت لصديقي أني حصب باغ شفاف علي الفوانيس الخلفية بدل الباغ الأحمر بتاعها علي الشاسيه بتاع الفانوس اللي لونه فضي نيكل للأستفادة من ميزة أن لمض التوقف أصلا عليها غطاء أحمر داخل غلاف الفانوس الخارجي

و انا داخل المحل في الحرفيين شدني فانوس خلفي صني معمول زي ما أنا عاوز لكن بدل الفضي الداخلي مرشوش أسود و شكله تحفة فقررت أعمل زيه
علما باني برضه عملت الفوجات عندي عشان كانت مكسورة و التكلفة الأجمالية للفوانيس الخلفية و الفوجات ( 300 جنيه ) و دي صور الفوانيس الخلفية ( تكلفتها منفصلة حوالي 200 جنيه للأتنين )
( شكرا يوسف باشا علي تقرير رفع الصور )

http://

http://

http://

[emelu]

تمام الشغل دة ياريت تقول على مكان المحل عشان عايز اعمل زيهم

[aboamr]

شغل ممتاز ربنا يباركلك فيهم

[Mostafa.Ismail]

شغل شكلة نضيف قوى, ربنا يباركلك فى الفوانيس.

[fady_anis]

شكلهم جاااااااااااااااااااااااااامد موووووت بعد التعديل مبروووك عليييك

[Kareem Fawzy]

شكلهم حلو فعلاً مبروك عليك وياريت لما تجيب التفاصيل تبعتهالى على الخاص بعد ازنك لانى عايز اعمل فوانيش عربيتى كدة

[hany63]

طب انا فانوس السيفيك زينون اصلي اتشرخ لو اتصب هيبقى نفس درجة لون التاني بالمللي؟ ولا هيفرق
واستأذنك في العنوان و التليفون ضروري

[Ahmed.TV]

بسم الله ماشاء الله يا حسام بيك .. ولا اروع .. حاجة جميلة .. اكنها نازلة الهاى لاين
الله واكبر .. وربنا يحرسك يا ابنى من الحسد ومن شر الطريق
واعتقد السعر معقول ولا انا متهيالى

[Powert]

ما شاء الله جميلة اوي هو حضرتك عملت الفوجات كمان وسعر كويش

[SonaSteel]

الف الف الف مبارك عليك يا حسام باشا
ربنا يحفظهالك من العين يارب
التكلفة مش عارف هي غالية ولا رخيصة علشان داخل فيها صب الوش الباغ
لكن كتعديل اعتقد انه رش الجزء الفضي ف الفانوس وخلاه سموك
طيب لو ليدات و رينجات والشغل العالي ده ..... قالك يتكلف كام تقريبا
وياريت فعلا تبعتلي رقمه وعنوناه علي الخاص اروح ابص عليه بصة وانا راجع من الحرفيين ونحاول نوصل معاه لعروض خاصة للصقور بأمر الله :))

[Youssef.Awad]

هااااااااااااااااااااايلة .. تحفففففففففففففففة .. تجننننننننننننننننننن
10000000000 مبروووووووووووووووك يا حسام وفعلا شكلهم حلو ماشاء الله والسعر خرافى 100ج الفانوس ولا حاجة لأنه حرام ترميه عشان تجيبلك واحد كامل ديبو لمجرد انه وشه اتكسر
بس ياترى فيه نوعيات من وش الفانوس .. بمعنى ان ده شفاف واملس مش زى الاصلى بيبقى فيه خطوط بارزة رفيعة لانه زجاج مقسم
بس على كلٍ ولا الهايلاين واهو تجديد برضه (على فكرة هاتليق على النبيتى اكثر كمان عشان اللون الداخلى الغامق)
----------------
تعرف وانا باقرا اول الموضوع قولت لنفسى لو لقيتك مش حاطط صور .. والله ما كنت اعرف هاعمل فيك ايه؟
بس نفدت منى المرة دى .. ههههههههههههههههه

[caboo_1]

ياريت رقم تلفونة وهبلغ برده عصابة الاوبل بيه

[mahmoud_afifi]

بسم الله ما شاء الله. شغل عالي وتقفيل نضيف.
والسعر جميل مقارنة بانك تجيب فوانيس جديده.
بس معلش ياريت تحط البيانات والعنوان عشان محتاجها ^_^
ربنا يباركلك في عربيتك

[BassamHafez]

ما شاء الله لا قوة الا بالله

جميل فعلا يا حسام

[bmya]

شغل جميل اوي والسعر كويس على فكره لان سالت في المنصوره قبل كده قالي 150 للفانوس كان هيصبله وش فقط