If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
معلش يا جماعة مكنتش متابع عشان كنت بسافر كتير الأسبوع اللي فات
و بالنسبة للعنوان أنا بالفعل بعت علي الخاص لأكتر من 20 عضو
لكن معلش أستنو شوية عشان الفانوس الشمال فك السيليكون بتاعه حاجة بسيطة و أنا رايحله بكرة الجمعة يعيد تظبيطه و حقولكم علي النتيجة بخلاف أني حصور فوانيس عربية صاحبي لانسر الأمامية اللي أتظبطت
بس أستنو علي العنوان لما أشوف حيكون رده أيه علي الفانوس اللي فك سيليكون
النهاردة رحتله الحرفيين عشان الفانوس اللي السيليكون بتاعه فك و كان معايا صديقي معاه صني برضه زيي
المهم
الراجل بصراحة رحب بينا و زعل أن الفانوس فك سيليكون و خللي الصنايعية فكو الفانوسين بتوعي و دخلهم الورشة فكهم و ركبهم من جديد و عملهم بالحرارة كأنه بيصبهم من جديد و مخدش مني اي فلوس و اعتذر بشيكة
و ملاحظاتي المرة دي مش حلوة لأن حتي لو صاحب الورشة كويس الصنايعية مكانوش أوي يعني الصنايعي اللي بيعمل الفانوس بعد ما لزقه تاني لقيت اللون الأسود الداخلي قشر جزء واضح منه البيه طنش و كبر دماغه و لما شفته خليته فكه تاني و رشه و ركبه من جديد و مشكلة اعادة التركيب كان طبعا اني حسيت الصنايعي زهق و لما جه صاحب المحل ظبط الموضوع و الفانوس خلص و ركب زي الفل
صاحبي اللي كان معايا عمل الفوانيس الأمامية و الخلفية ( حصورهم يوم الصبح عشان مشينا بالليل ) النتيجة النهائية شكل جميل فعلا لكن أتفاجئنا أن تكلفة تعديل الفوانيس الخلفية 300 جنيه و الأمامية 100 جنيه
المشكلة مش في ال100 جنيه طبعا لأني شايفها مقبولة
المشكلة في ال300 جنيه
لأن الوضع الطبيعي أن الفانوس الخلفي ماركة ديبو المحترمة بحوالي 190 إلي 210 جنيه يعني الجوز بحوالي 400 يعني كان بلاها الفوانيس الأمامية و جبنا جوز فوانيس خلفية و خلاص و ده اللي زعلني
يا جماعة متزعلوش مني بس للأسف أخر واحد من أصحابي راحله من يومين و بنيسان صني برضه عمله الفوانيس بعد ما صاحبي طلع عينه مع الصنايعية و كمان بتكلفة للفوانيس الخلفية 300 جنيه للأتنين برضه و منزلش في السعر و كمان الشغل مكنش حلو زي أول مرة لما رحتله و للأسف ان صاحبي فضل عنده برضه طول النهار و برضه أشتكالي من الصنايعية
بحييك على صراحتك ومتابعتك للموضوع يا حسام بجد معلش الواحد مش بيتعلم ببلاش
[CENTER][COLOR=#ff7700][SIGPIC][/SIGPIC][/COLOR][/CENTER]
[CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
[CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
[CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]
Comment