للاسف السبع كان زماااااان

[Magdy_press]

للاسف كان زماااااان
الان السبع في النازل .. وانا خر صيانة عندهم كانت 20 الف للاسف ماتبسطش ..

من بداية الكافتيريا والسبوبة اللي حاصلة فيها :

يعطيك تيكت ب15 جنيه تاخد حاجات من الكافتيريا وتلاقي ان الشاي ب 9 جنيه ونص ههههه اه والله في كوب بلاستيك وطبعا مافيش باقي للتيكت والاسعار ناااااااااااار
ده غير قلة الذوق في المعاملة من العاملين في الكافتيريا واللعلم نا واخرين لا اعرفهم عملنا شكوى ..
طبعا ده بعكس اوتو ايجبت ابورواش والمقابلة والاستضافة والذوق ..
وللعلم السبع كان زمان كدة والان نقل الكافتيريا القديمة بعمالها الذوق الي مقر كيا اللي فتحوه جديد عندهم واجروا الكافتيريا لشركة سيئة تبحث عن الربح بشكل خايب سينقص من رصيد السبع لدى عملائه ..

نيجي بقي للصاينة :

بقوا يكبروا دماغهم معنا بنظام ريح الزبون وخدوا على قد عقله ( اسف على قد عقلهم هم) لان كذا شكوى كانت عندي والمهندسة تقولي اتعملت .. واكتشف انها لا تعلم ولم تتابع
بدليل انها تكتشف صدق كلامي وتذهب تراجع من قاموا بالصيانة .. وتتعمل تاني لاني اكتشفتها .. يعني لو ما راجعتش كانت عدت ..

وهذا الكلام ابلغته للمتابعة اللي اتصلوا بي تليفونيا ببعد الصيانة وكنت في منتهى الضيق ..

ومدحت لهم في اوتو ايجبت وان السبع في النازل .. اقسم بالله العظيم ان هذا حدث .. انا لا احب المجاملة والدعاية لمن لا يستحق ..

يجب على ادارة السبع ان تراجع نفسها :

من بداية الاستقبال الي تنفيذ الصيانة والتسليم بشكل يرضي العميل .. والا سيفقد السبع كل عملائه حتى من يسكنون بجواره اذا استمر بهذا الشكل وهذا الاداء...

تقبلوا تحياتي .

[Dr'AhmZZong]

بصراحة يا باشا اهم حاجة في المراكز ديه الاستمرار .. و شكل السبع كده بيتراجع ..

[zangry]

ياريت حضرتك تعمل تقييم وتقول رايك فى الموضوع ده

شارك معنا بتقييمك وأقتراحتك .. فـى .. تقييم مـراكز الخدمة

[hany79]

والله انا عربيتي 2008 و بروح السبع من اول صيانة لها كل 5000 كم و لكن فعلا للاسف مبقاش فيه اهتمام بالعملاء بتاتا زي زمان ايام ما كان لسه المركز بيعمل سمعة كويسة و كمان دلوقتي جايبين مهندسات للاسف مينفعوش في الشغلانة دي و للاسف كمان مبيعرفوش يعاملوا الناس بذوق و همهم يلبسوا الزبون في الفاتورة و بس.
و انا قررت ان شاءالله اعمل الصيانة الجاية باذن الله في اوتو ايجيبت.

[Bishoy.Girgis]

ممكن حضرتك تعرض لينا المشاكل اللي كانت في العربية و كيف تعامل التوكيل معها و شاكر تقريرك

[goudamahdy]

ممكن حضرتك تعرض لينا المشاكل اللي كانت في العربية و كيف تعامل التوكيل معها و شاكر تقريرك

كلام 100 100
وبالمرة ممكن الاعضاء يفيدوك بحلول للمشاكل بتاعة عربيتك

[Ahmed.TV]

استاذ مجدى .. ان شاء الله تكون بخير
وحشنا .. اخبارك ايه واخبار الحياة معاك

ليه عتاب عليك .. عارف انك متابعنا دايما .. وبتشاهد قسم نيسان .. مفيش مشاركة تطمنا فيها عليك .. معقولة كدا !!

ياريت تحكلنا ايه المشاكل اللى كانت فى عربيتك وهى داخلة تعمل الصيانة
وياريت تقولنا بعد ما بغلتهم فى التليفون عن سوء التقصير اللى بدر من ناحيتهم والمشاكل اللى متحلتش
ايه اللى تم بعد كدا معاك .. فى حد تابع معاك تانى وقال لحضرتك انك ترجعلهم تانى ومنتظرينك

ياريت حضرتك تعمل تقييم وتقول رايك فى الموضوع ده

شارك معنا بتقييمك وأقتراحتك .. فـى .. تقييم مـراكز الخدمة

+11111
الله ينور عليك
وياريت الاعضاء تذكر بعضها دايما .. هو ده دور الجميع ..فى القسم
وكل اعضاء القسم اللى بيعملوا صيانات فى كل مراكز خدمة نيسان يسجلوا تقيماتهم فى موضوع التقييم

عشان نستفاد من تقيماتكم والمراكز كمان تستفاد .. من اجل تحسين مستوى الخدمة لصالح العملاء

[kshahin]

والله انا عربيتي 2008 و بروح السبع من اول صيانة لها كل 5000 كم و لكن فعلا للاسف مبقاش فيه اهتمام بالعملاء بتاتا زي زمان ايام ما كان لسه المركز بيعمل سمعة كويسة و كمان دلوقتي جايبين مهندسات للاسف مينفعوش في الشغلانة دي و للاسف كمان مبيعرفوش يعاملوا الناس بذوق و همهم يلبسوا الزبون في الفاتورة و بس.
و انا قررت انشاءالله اعمل الصيانة الجاية باذن الله في اوتو ايجيبت.

[Sehsss]

ياريت حضرتك فعلا تحكي اللي حصل معاك بالضبط علشان نفهم

[S O P H O S]

متابع باهتمام لمعرفة مدي مستواه الان
تحياتي

[Magdy_press]

اهلا بك أستاذ احمد مصطفى

اهلا بك أستاذ احمد .. انت فعلا وحشني ، لكن أكيد انت الوحيد في المنتدى الذي تعلم ظروف عملي ، والله هذا خارج عن إرادتي ، لكن حبي لك وللأعضاء المحترمين هو ما يجعلني أختلس الدقائق من يوم لآخر وأدخل أطمئن عليكم ولو بمجرد نظرة .. ربما خلال الصيف يكون هناك وقت أوفر أستطيع أن ألتقي بكم وأتشرف بكم إن شاء الله .. وأرجو أن تقبل إعتذاري وتقصيري بحقكك وحق المنتدى الرائع .. أستسمحك أن أخرج الآن وسوف اعود لاحقا بعد قليل إن شاء الله لأذكر لك ما حدث في مركز السبع .......

[DarkMagician]

السبع كويس بس في حل المشاكل ولازم طبعا تكون عارف المشكلة فين

لكن كصيانة ومشكلات عادية بتظهر في الصيانة فللاسف اي حاجة في مصر بيبقى عليها ضغط بتحاول تنجز وخلاص

لكن اعتقد اوتو ايجبت ان شاء الله حيكسر القاعدة دي

[Magdy_press]

اهلا بكم أخواني .. شاكر لكم إهتمامك بما ذكرت من نقد لمركز السبع ، وبرغبتكم في معرفة ما حدث معي .. أولا كانت البداية أني سلمت السيارة وذكرت للمهندسة ملاحظاتي على السيارة والتي أرغب في إصلاحها .. وكانت ان السيارة بتحدف شمال قليلا وان التكييف ليس بالكفاءة المطلوبة والتي كانت عليها السيارة عن شرائها ، وايضا كان درج التخزين اسفل التابلوه في الجانب الايمن لا يقفل بسهولة لابد من ( رزعه بعنف) حتى يقفل وكذلك سماعات التسجيل الامامية لا تعمل او صوتها خافت جدا ، وطلبت منها أن يركبوا لي الستارة الخلفية التي كانوا قد خلعوها في الصيانة السابقة لآننا كنا داخلين على الشتاء ، فقالت دي حاجة بسيطة وسأطلب منهم يركبوها لك.. كذلك لاحظت ان الفانوس الامامي مفارق حوالي ستيمترين عن الاكصدام لكن المهندسة ظلت تقنعني ان هذا عادي وعندما اكدت لاها انه غير عادي قالت انه ربما نتيجة خبطة فقلت لها اذا كانت خبطة فلابد ان تترك اثر في السيارة المهم بدون تطويل قالت ان اصلاح هذا العيب سيتطلب فك الاكصدام والفانوس والجانب وحسستني ان الدنيا حاتخرب فقلت لها خلاص خلي دي مرة تانية .. المهم بعد كدة دخلت الكافتيريا للانتظار وكانت لطمة أخرى بسؤ المعاملة والنظام الجديد السئ ، وانا للاسف لا اسكت على أي سلبيات فأعلنت لهم عن أن نظام الكفاتيريا الجديد بمثابة سبوبة( السلعة فيها نحن العملاء) بعدما أجر السبع الكافتيريا لشركه هدفها الربح بشكل خايب وغير مقبول، ونقلوا الكافتيريا السابقة بعمالها إلى فرح كيا الجديد لديهم .. المهم عندما جاء موعد الإستلام سألت المهندسة هل تم عمل كل ما طلبت فأكدت أن كل شيئ تم عمله والسيارة جاهزة لاستلامها ، وبالفعل كنت حاخدها وامشي مثل كل مرة معتمدا على أن كلام المهندسة ثقة .. لكن بمجرد نظرة واحدة وجدت أن الستارة لم تركب(هههههه) وكانت هذه شرارة البداية حتى أراجع على ما طلبت لآن وكانت المفاجأه ان درج التخزين زي ماهو ولم يلمسوه!!!! والغريب أن المهندسة تجادل وتقولي لا كدة عادي وكل النيسان كدة ، فاخذتها ومعها احد العمال الي سيارة اخرى انتهت من الصيانة ففتحها العامل وجرب الدرج في الفتح والغلق وقال لها فعلا في فرق واضح فلم تنظق وطلبت منه ان يدخل السيارة تاني لاصلاح عيب الدرج وتركيب الستارة ، فقلت لاها والسماعة هل تم اصلاحها فتذكرت وقالت لي للاسف السماعات بايظة لكن لا تقلق فهي في الضمان ومن حقك ان تستبدلها لكن لا يوجد في المخزن لديهم سماعات وسيطلبونها وعندما تصل سيتصلون بي لتركيبها ( حتى الان لم يتصل أحد ) ، فقلت لها وأخبار التكييف ايه قالت لي فعلا كان ضعيف ولهذا ظبطنا الترموستات وستلاحظ الفرق ( أقسم بالله لم أجد أي فرق) باختصار هذه الملاحظات البسيطة جعلتنا افقد الثقة في مصداقية الصيانة .. ولكل عاقل إذا كان هذا فيما تراه عيني فما الحال فيما لا تراه .. وبالطبع اتصلوا اليوم التالي للاطمئنان وسماع كلمات المديح كما هو الحال عندما كنت اثق فيهم .. لكن هذه المرة أسمعتهم ما لا يسر أذانهم من نقد لاذع ، بل أخبرتهم ان مركز اوتو ايجبت الجديد في البورواش افضل منهم بمراحل سواء ( ذهبت لديهم في صيانة وحيدة) لكن اسلوبهم محترم في ضيافة العملاء او في اسلوب الاستقبال والتدوين والمكان الذي نتابع منه سياراتنا وعندهم مهندس ( الذي تعاملت معه) اسمه مهندس أحمد عبد العزيز إنسان مهذب وكفء ومحترم حتى أنه خرج بالسيارة ليجربها ، وكان عندي البكرة اللي بترفع كرسي السائق مخلوعة فربطها وقال لي ان هذا حل مؤقت إلى حين إحضار قطعة أخرى وتركيبها مجانا وحدد لي موعد بعدها بيومين اثنين فقط لتركيبها وذهبت في الموعد ركبها ، ولم يكتفى بذلك بل أدخل السيارة تتغسل مرة أخرى رغم أنه غسلها قبل يومين ، لكنه قال ان هذا ترضية لك لأننا أحضرناك مرة أخرى .. إلى هذا الحد الاحترام في التعامل مع عملاء نيسان .. وبعد كل هذا تتسألون لماذا أنا غاضب من السبع وتراجع مستواه في الضيافة وفي الاستقبال وفي تنفيذ ملاحظات الصيانة وفي التسليم بلامبالاة .. صدقوني لو إستمر هكذا سيخسر معظم عملاءه .. سامحوني على الإطالة لكن أخي أحمد مصطفى عاتبني على عدم دخولي وطلب مني الإفصاح عن سبب نقدي للسبع .. مرة أخيرة صدقوني أني أقدر هذا المنتدى الرائع وخاصة أخواني في قسم نيسان المتميزين .. لكن أقسم بالله عدم الدخول باستمرار او كتابة التقارير هو امر خارج عن ارادتي بسبب ظروف عملي الذي يستنذف كل وقتي كما يعلم أخي أحمد مصطفى .. تقبلوا جميعا خالص تحياتي وتقديري ومودتي .......

[DarkMagician]

بص يا فندم معاك حق في انك تزعل بس الصيانة نفسها بتفاصيلها هل تمت ؟؟ده سؤال؟

وانا عاوز برضو تصبر وتستنى الرد عشان حكمك ممكن يتغير ساعات كتير بتحصل

وهم بيعتبرو الشكاوي الاخرى "سماعات -تكييف- اصوات تزييق مثلا" ساعات يعني بيسقطوها وبيهتمو بالصيانة
ولما حضرتك بياخدو التقييم او حضرتك عملت شكوى بعدم حل المشاكل حتلاقيهم اهتمو

ده من اغلب تجارب الناس في كذا توكيل غير نيسان حتى

بس حضرتك لازم تعرف اني مش بدافع عن السبع انا مرتحتش في السبع لكن برضو لازم اوضحلك الدنيا ماشية ازاي

بس اوتو اييجبت ان شاء الله يستمر بطريقته المحترمة دي في ارضاء العميل من الاول مش بعد الشكوى

[atefadel]

واة بقي الي اتصلح
امال العربية دغلت تعمل اة