فرامل النيسان الصني العادية

[momo_h]

بص حضرتك انا عندى سوبرصالون2008 مكنش لسه نزل الabs فا العربيه واقدر اقولك بكل امانه ان الفرامل ممتازة جداً وقوية

شكرا لحضرتك

[momo_h]

بص يا باشا انا معايا 2007 وطبعا مكنشي نزل حاجة اسمها abs والكلام الكبير ده وانا فعلا مجربتوش بس بدون مبالغة الفرامل العادية تحفة وبتكلبش في الارض بشرط التيل الاصلي وبالنسبة لل abs الاخوة تفضلوا بتقديم تجربتهم وربنا يوفقك للخير.

شكرا لحضرتك

[mohsunny2009]

انا معايا 2009 طنى من غير abs و الفرامل بتاعتها ما شاء الله , على فكره انا مغير كاوتش ميشلان بصراحه ممتاز و شايف انه مرن عن البريدجستون وده بيبان فى المطبات

[WalidAdel]

انا معايا ال 2008 و مافيش اي بي اس ماشاء الله عليها بصراحه فرامل زي الفل بس عايزه حد فاهم و يقدر يركز لما يحصل مفاجأه و يشيل رجله لو العربيه زحفت و كده هاتظبط معاه الدنيا اوي
سوقت عربية حسين و احنا راجعين من اسكندريه بليل في مقابلة عيد ميلاد المنتدي اللي فات ماحستش باختلاف بيني و بينك في اي حاجه خااااالص طول الطريق الا ان الفرامل عنده طريه شويه عن عندي
تم تجربة عربيه الاستاذ تامر ميريت لما كنا بنعمل ظبط زوايا عند عمرو بدوي
لما كنت بدوس فرامل في حته رمله و بعوج الدركسيون جامد العربيه كانت بتعدل نفسها لوحدها و تمشي في خط مستقيم غتاته (الضهر بيتلم لوحده) و دي حاجه كويسه بصراحه في نظام الفرامل ال ebd و abs
بس ده تق يبا الفرق اللي لاحظته من خلال سواقتي لعربيه حسين و الاستاذ تامر (صني 2011) و عربيتي 2008

[Sameh_OO7]

يا جماعة مينفعش تبقى العربية من غير abs ، ebd ومتزحفش وتعوم عند الفرملة القوية المفاجئة حتى لو التيل اصلى ولسه جديد والكوتش المانى وجديد لااااااااااااااااازم تززززززحف وتعوم من ورا ، فمن الاخر لو حضرتك معاك تمن السوبر صالون او اى اكس بabs و ebd لا تتردد لحظة وهاتها خصوصا لو حضرتك بتسافر كتير ومن هوات السرعات العالية 160 وانت طالع علشان مفيش وجه مقارنة بين الفرامل العادية والفرامل abs معاها ebd ولو هتعمل مقارنة هتبقى لصالح الabs ميزة الفرامل العادية انها مدة توقفها اقل من الabs بس بحاجات بسيطة بردوا لان الabs بيمك ويسيب اكنك بتكارك بس طبعا بسرعة جدا

[Missie]

بجد يا جماعة انا كل يوم باحترم المنتدى عن اليوم اللى قبله..

انا كنت عايزة اسأل حاجة بما انى نويت ان شاء الله على صنى, بس غالباً هاتبقى 2010 او 2009..

لو جبتها Ex Salon, هل ممكن اضيف ال ABS و ال EBD من عند التوكيل؟؟ انا كنت شفت فى البروشور انه اختيارى فى ال EX فهل ده معناه انى ممكن اركب الأنظمة دى فى أى وقت؟ ولا ده بيبقى عند الحجز بس و كده؟؟

[Dr'AhmZZong]

بجد يا جماعة انا كل يوم باحترم المنتدى عن اليوم اللى قبله..

انا كنت عايزة اسأل حاجة بما انى نويت ان شاء الله على صنى, بس غالباً هاتبقى 2010 او 2009..

لو جبتها Ex Salon, هل ممكن اضيف ال ABS و ال EBD من عند التوكيل؟؟ انا كنت شفت فى البروشور انه اختيارى فى ال EX فهل ده معناه انى ممكن اركب الأنظمة دى فى أى وقت؟ ولا ده بيبقى عند الحجز بس و كده؟؟

اقري حضرتك الموضوع ده إن شاء الله تستفيدي على الآخِر :

http://www.nilemotors.net/Nile/79638-abs-ebd-2008-a.html

تحياتي ..

[Missie]

اقري حضرتك الموضوع ده إن شاء الله تستفيدي على الآخِر :

http://www.nilemotors.net/nile/79638...bd-2008-a.html (تركيب abs&ebdفي صني 2008)

تحياتي ..

الف شكر لحضرتك =)