حاجة غريبة جدا بعد تغيير البطارية

[Sehsss]

أنا طبعا غيرت البطارية المياه زي ما انتم عارفين بواحدة جافة، وركبتها وكله تمام، في حاجة غريبة بقى بتحصل مش عارف من إيه، لما بتكون العربية باردة وأدور بتدور عادي جدا بدون أي مشاكل، لكن لو نزلت مثلا أشتري حاجة وبطلت العربية لمدة دقيقتين أو 3، أدور تدور عادي والأر بي إم يعلى كالعادة وبعدين ينزل وتروح العربية مبطلة أروح مديها سنة بنزين وهي بتدور تروح دايرة عادي، طبعا رجعت لبتاع البطاريات قلتله قاللي إن الكونترول لسه ما (ولفش) على البطارية الجديدة وإن الحكاية دي حصلت مع كذا حد قبل كده ومجرد إن العربية تعمل لها مشوارين هاتبقى تمام، فطبعا أنا سكت وبلعت الكلام مع العلم إني مش مقتنع على أساس إن البطارية لو فيها مشكلة معاها ضمان استبدال، وعملت بيها من امبارح للنهاردة 3 مشاوير ولسه القصة زي ما هي.. يا ترى إيه الحل وهل المشكلة من البطارية مع إنها بتقوم العربية في ثواني ولا العربية عاوزة تروح التوكيل تتظبط على الكمبيوتر ولا إيه، أرجو الرد ضروري.. تحياتي

[DarkMagician]

معلش يا استاذ حسين انا معنديش اجابة للموضوع ده بس معتقدش لان شفت صاحبي مغير لاوكتافيا 2004 من يومين ومفيش الكلام ده وبرضو عربية بيجو 307 قريب

بس عندي سؤال ليه الناس مبتغيرش البطارية في التوكيل واي النوع اللي موجود في التوكيل

[Sehsss]

معلش يا استاذ حسين انا معنديش اجابة للموضوع ده بس معتقدش لان شفت صاحبي مغير لاوكتافيا 2004 من يومين ومفيش الكلام ده وبرضو عربية بيجو 307 قريب

بس عندي سؤال ليه الناس مبتغيرش البطارية في التوكيل واي النوع اللي موجود في التوكيل

متهيألي اللي في السبع هانكوك كوري

[DarkMagician]

متهيألي اللي في السبع هانكوك كوري

طب ليه الناس مبتحطهاش

[Sehsss]

طب ليه الناس مبتحطهاش

سعرها بيبقى أغلى من سعر السوق

[Sehsss]

ما شاء الله 17 مشاهدة وما فيش ردود، إيه الحكاية يا رجالة

[_hema]

أنا طبعا غيرت البطارية المياه زي ما انتم عارفين بواحدة جافة، وركبتها وكله تمام، في حاجة غريبة بقى بتحصل مش عارف من إيه، لما بتكون العربية باردة وأدور بتدور عادي جدا بدون أي مشاكل، لكن لو نزلت مثلا أشتري حاجة وبطلت العربية لمدة دقيقتين أو 3، أدور تدور عادي والأر بي إم يعلى كالعادة وبعدين ينزل وتروح العربية مبطلة أروح مديها سنة بنزين وهي بتدور تروح دايرة عادي، طبعا رجعت لبتاع البطاريات قلتله قاللي إن الكونترول لسه ما (ولفش) على البطارية الجديدة وإن الحكاية دي حصلت مع كذا حد قبل كده ومجرد إن العربية تعمل لها مشوارين هاتبقى تمام، فطبعا أنا سكت وبلعت الكلام مع العلم إني مش مقتنع على أساس إن البطارية لو فيها مشكلة معاها ضمان استبدال، وعملت بيها من امبارح للنهاردة 3 مشاوير ولسه القصة زي ما هي.. يا ترى إيه الحل وهل المشكلة من البطارية مع إنها بتقوم العربية في ثواني ولا العربية عاوزة تروح التوكيل تتظبط على الكمبيوتر ولا إيه، أرجو الرد ضروري.. تحياتي

اعتقد دا مش عيب بطاريه

واحتمال يكون كلبس من كلبسات كهرباء الموتور هوا اللى عامل كدا او ممكن الضفيره تكون فيها حاجه

دى استنتاجات

لان دا حصل معايا بس مكنتش مغير البطاريه

كانت العربيه تنش خفيف وممكن تبطل واما رحت السبع لقى ان العيب فى كليبسات الكهرباء اللى داخله للموتور كانت محتاجه تتركب كويس


والله اعلى واعلم

وفعلاً السبع عندهم بطاريات هانكوك الكورى
وتقريباً سعرها 450 ج على ما اظن


واتمنى لما تحل المشكله تطمنى

تحياتى لحضرتك

[Land_Cruiser]

ايوه فعلا اللى فى السبع هانكوك كورى و انا غيروهالى هناك. على فكره انا غيرتها و محصلش معايا حاجه من الكلام اللى حضرتك بتقوله ده خالص و انا كنت واقف مع المهندس و هو بيغيرها و معملش اى حاجه غير انه شال القديمه و ركب الجديده. انا بصراحه مش مقتنع بالكلام اللى الراجل بتاع البطاريات ده بيقوله و حاسس انه بيفتى .بس هى فى نقطه عايز بس أتأكد منك عليها هو حضرتك جبت البطاريه الجديده كام امبير؟ القديمه ٤٤ زى ما حضرتك عارف فلو حضرتك كنت جبت واحده اكبر من كده احتمال يكون ده اللى ملغبط كهربه العربيه و بيخليها تعمل كده و علشان كده الراجل بيقولك حكايه يولف دى. لكن لو كانت نفس امبير القديمه يبقى اكيد المشكله من البطاريه نفسها و هتحتاج تغيرها منه بواحده تانيه

[Sehsss]

ايوه فعلا اللى فى السبع هانكوك كورى و انا غيروهالى هناك. على فكره انا غيرتها و محصلش معايا حاجه من الكلام اللى حضرتك بتقوله ده خالص و انا كنت واقف مع المهندس و هو بيغيرها و معملش اى حاجه غير انه شال القديمه و ركب الجديده. انا بصراحه مش مقتنع بالكلام اللى الراجل بتاع البطاريات ده بيقوله و حاسس انه بيفتى .بس هى فى نقطه عايز بس أتأكد منك عليها هو حضرتك جبت البطاريه الجديده كام امبير؟ القديمه ٤٤ زى ما حضرتك عارف فلو حضرتك كنت جبت واحده اكبر من كده احتمال يكون ده اللى ملغبط كهربه العربيه و بيخليها تعمل كده و علشان كده الراجل بيقولك حكايه يولف دى. لكن لو كانت نفس امبير القديمه يبقى اكيد المشكله من البطاريه نفسها و هتحتاج تغيرها منه بواحده تانيه

الجديدة 55 أمبير

[Sehsss]

اعتقد دا مش عيب بطاريه

واحتمال يكون كلبس من كلبسات كهرباء الموتور هوا اللى عامل كدا او ممكن الضفيره تكون فيها حاجه

دى استنتاجات

لان دا حصل معايا بس مكنتش مغير البطاريه

كانت العربيه تنش خفيف وممكن تبطل واما رحت السبع لقى ان العيب فى كليبسات الكهرباء اللى داخله للموتور كانت محتاجه تتركب كويس


والله اعلى واعلم

وفعلاً السبع عندهم بطاريات هانكوك الكورى
وتقريباً سعرها 450 ج على ما اظن


واتمنى لما تحل المشكله تطمنى

تحياتى لحضرتك

يبقى شكلها فيها مشوار للتوكيل، لأني بصراحة مش شاكك في البطارية لأنها بتدور العربية عادي جدا بل أسرع وأفضل من القديمة، والأر بي إم تحت الواحد بكتير وثابت علشان كده انا استبعدت موضوع الضفيرة.. وإن شاء الله هابقى اطمنك.. ألف شكر على اهتمامك

[BassamHafez]

ما تفتح الكبوت كده وحاول تبص على اي حاجه ظاهرة قدامك بدل ما تروح مشوار على الفاضي وتطلع حاجه مش جامده

ممكن يكون بتاع البطاريات هز حاجه وهو بيركب من غير ما ياخد باله وكمان عشان تتطمن على البطاريه ممكن تكشف عليها عند حد تاني الاول عشان اكيد اللي باعهالك لو ما عندوش ضمير مش ها يقولك انه العيب منها

وابقا طمنا

[Sehsss]

ما تفتح الكبوت كده وحاول تبص على اي حاجه ظاهرة قدامك بدل ما تروح مشوار على الفاضي وتطلع حاجه مش جامده

ممكن يكون بتاع البطاريات هز حاجه وهو بيركب من غير ما ياخد باله وكمان عشان تتطمن على البطاريه ممكن تكشف عليها عند حد تاني الاول عشان اكيد اللي باعهالك لو ما عندوش ضمير مش ها يقولك انه العيب منها

وابقا طمنا

تمام يا بسام بتقرا أفكاري، أنا إن شاء الله كنت ناوي بكره أطلع على الكهربائي اللي كنت بتعامل معاه، وهو محترم جدا وشغال بالكمبيوتر علشان أحدد العيب منين قبل ما أطخ مشوار للتوكيل، شكرا على اهتمامك يا حبي

[حماده المصري]

متقلقش خالص خالص خالص العربيه عايزه ايدل ليرن

بص انت جرب وادعيلي افتح الكونتاكت 4 او 5 مرات واقفله والمره ال 5 او 6 دور هتلاقي العربيه شغاله معاك عادي جدا

وممكن تجرب تفتحه وتقفله 3 مرات والرابعه تدور مش فاكر والله العدد كام

بس انا حصل معايا زي ما حصل معاك وافتكرت ان الايدل ليرن بيتعمل وعملته واشتغلت عادي جدا

[sedyrohy]

التوكيل و ريح بالك حيظبتلك قارئات كمبيوتر العربيه و ابقى طمنا

[Sehsss]

متقلقش خالص خالص خالص العربيه عايزه ايدل ليرن

بص انت جرب وادعيلي افتح الكونتاكت 4 او 5 مرات واقفله والمره ال 5 او 6 دور هتلاقي العربيه شغاله معاك عادي جدا

وممكن تجرب تفتحه وتقفله 3 مرات والرابعه تدور مش فاكر والله العدد كام

بس انا حصل معايا زي ما حصل معاك وافتكرت ان الايدل ليرن بيتعمل وعملته واشتغلت عادي جدا

ألف شكر يا باشا، هاجرب إن شاء الله النهاردة ولو اتظبطط هادعيلك