الحمد لله ركبت الأوسرام نايت بريكر بلس

[goudamahdy]

الف مبروك يا دكتور .. والله لو ما كنت فى اليوم ده عندى ضغط .. كنت روحت معاك ومش سبتك ابدا
ومبروك اللمض الجديدة
وشاكر تقديرك
ويارب نشوفك على خير

الله يبارك فيك يا أخي ..... والله جزاك الله خيرا ... وبعدين ازاي " كنت جيت معاك " طب ما انت كنت معايا فعلا بالتليفون وما سبتنيش خالص ....
ربنا يجعله في ميزان حسناتك ... اللهم آمين

الف مبروك بس لو عندك fog lights حتحتاجلهم لمض نايت بريكر برضه و كمان اللمبات الصغيره علشان كده هتلاقى كل القديم عندك اصفر فى حين ان الجديده بيضاء فجهز شويه فلوس تانيه

الله يبارك فيك يا أخي ...
فعلا سألت عن " الفوجات " بس المشكلة اني ما كنتش عارف نوعهم بالنسبة للصني 2011 لأنة وراني نوعين وخلاني اختار فقولتله مش عارف وخليها مرة تانية ... ربنا ييسر المرة الجاية وابقي اجيبهم

ما شاء الله لمض بجد تحفة .. أنا عندي في صني

فعلا والله جميلة جدا واللي عاجبني قوي " العالي بتاعها " دا انا والله بانوره كده والعربية راكنة من غير ما اكون ماشي حتي لأنه جميل جدا .. وفي نفس الوقت قوي

ألف مبروك يا باشا، واللمض فعلا عن تجربة سنة عندي ممتاااااااااااازة

الله يبارك فيك يا باشا وربنا يباركلك فيهم

الف الف مبروك علي اللمض يا دكتور
هما فعلا أدائهم فوق الممتاز و عن تجربه داخله علي سنه دلوقت .

الله يبارك فيك وربنا يحفظك ويحفظلك العربية

الف مبروك يا باشا والتقرير اكتر من رائع بس ما تقولنا شوية معلومات عن " الأوسرام نايت بريكر بلس " للي ميعرفهاش زيي كدا .. :d

الله يبارك فيك يا اخي ...
وده رابط المشارك الأصليه بتاع العمدة أحمد tv وفيها كل حاجة عن اللمبات وانواعها
[url]http://www.nilemotors.net/Nile/198388-h1-h3-h4-h7-h11.html[/url]

[goudamahdy]

مبروك على اللمض ياباشا .. هى جميلة جدا فعلا

الله يبارك فيك يا باشا

واللف مبروك

الله يبارك فيك يا اخي

ماشاء الله الف الف مبارك يا دكتور ...... ربنا يرزقك خيرهم ويكفيك شرهم وتدوبهم في عرق الطريق :))
اقعد بالعافية :d :d

سونا حبيب قلبي !!!!!!!!
الله يبارك فيك يا حبيبي ...
وشكرا على دعواتك الجميله وعلى مساعدتك لي واطمئنانك علي خطوة بخطوة انت واخونا الكبير احمد tv
وربنا يديم الود والمحبة

الف مبروك.
تقرير محترم.

الله يبارك فيك يا باشا .....
دا بس من ذوقك

[EhabVet]

مبارك عليك اللمض يا دكترة
والله أنا فرحان عشان انت مبسوط منهم

[mem]

انت شجعتنى انى اركبهم

[_hema]

الف مبروك يا باشا والتقرير اكتر من رائع بس ما تقولنا شوية معلومات عن " الأوسرام نايت بريكر بلس " للي ميعرفهاش زيي كدا .. :d

[_hema]

ا

لحمد لله ركبت الأوسرام نايت بريكر بلس

القصة تبدأ بأني سألت أخويا وحبيبي الكبير وعمدتنا كلنا .....أحمد tv - سألته عن الطريق للوصول إلى محل المدينة بشارع دمشق .....علشان أشتري اللمبات ....
وحيث أنه عندي امتحان بالقصر العيني اليوم ... قلت فرصة أروح روكسي أشتري اللمبات .. وبالفعل اتصلت بالاستاذ احمد وبالباشمهندس حسين ووصفولي الطريق من عند القصر العيني ... وهو كالآتي :
تركب اي حاجة رايحة التحرير ( من جنب القصر العيني الفرنساوي ) ومن التحري تتمشي لغاية تحت الكوبري تحديدا ( اللي ورا المتحف المصري ) تركب اتوبيس 356 اللي رايح روكسي وتقوله شارع دمشق " وهو متفرع من شارع الأهرام ؟؟؟؟!!!!!! والسواق هينزلك هناك قصاد شارع تمشيه لآخرة تلاقي شارع دمشق ... ومحل المدينة هتلاقيه قصاد بنزينة التعاون...
ومن الجيزة ممكن تركب اتوبيس 357 cta وبيروح برضه نفس المكان ... وده هو اللي هنرجع بيه لميدان الجيزة ....

ووصلت المحل واشتريت اللمبات بـــ 125 جندي ... واشتريت حاجة كدة بتضاف في قربة المياه بتاع المساحات بــ 13 جنيه ... واشتريثت مساحات ( الجلدتين بس ) طقم كامل بـــ 45 جندي .. وبكده خلصت كل الفلوس اللي كانت معايا !!!!!!!!!!

والحقيقة الراجل قمة الذوق والخبرة في التعامل ...وأمين جدا

نيجي بقي لتركيب اللمبات ....
طبعا ما صبرتش لما اروح لكهربائي اركبها وركبتها بنفسي والخطوات كالتالي :
1- تفك الفيشة بتاع اللمبة من ظهر الفانوس .
2- تشيل جلدة دائرية الشكل من على اللمبة الأصلية .
3- هتلاقي كلبس بطرفين ماسك اللمبة تفكة برضو وبكدة اللمبه تبقى حرة .
4 - تشيل اللمبة بكل حرص وتمسكها من الدواية المعدن واوعى تلمس الزجاج بتاع اللمبة علشان ما تخيمهاش.
5- تبدأ تركب اللمبة الجديدة وتعكس الخطوات الأربع السابقة .


ومش هاقولكم بقي علي الإضاءة .... ما شاء الله لا قوة الله بدأت أشوف كويس والرؤية واضحة جدا والعالي بتاع اللمبات جميل جدا لونة ازرق فاتح وقريب من الزينون .... ومداه كويس جدا .

ما علهش طبعا التقريير غير مدعوم بالصور لأني من الفرحة ما حبيتش أأخر التقرير .

وأخواني طبعا ما نيسوش يتصلو بي يطمنوا عليا وانا راجع اتصل بي الاستاذ احمد والباشمهندس حسين وطمنتهم اني الحمد لله اشتريت اللمبات وراجع وكله تمام .

وباكرر الشكر تاني لاخواني أ.احمد ومهندس وحسين والجندي المجهول د. يوسف ... ربنا يعينة على شغله.

متأسف ع الإطالة,,, ويا ريت التقرير يعجبكم
-----

تم نقل المشاركة بناء على طلب من منسق القسم
لافادة الاعضاء جميعا

مشرف القسم
1ب

الف مبرووووك ياباشا

ياسلام لو فى صور

وياجبذا لو الصور دى والاضاءه بتاعه الفوانيس بليل واااااااااااو