تجربتى مع صنى الجديدة test drive

[toty_305]

-تقييم جميل
-الصني عوضت الشكل القبيح داخليا و خارجيا و الاداء الضعيف بعوامل الأمان و المساحه الداخليه
-الأذواق بتفرق و المتطلبات بتفرق و مفيش شئ مطلق يعني أكيد الأكسنت والصني كويسين كل في منطقته
-نسبه التكوين في السياره من مكونات يبانيه منخفضه و مقلقه

[د. علاء ابراهيم]

كلام من الاخر مقارنة بلاكسنت الصنى تكسب

واذا كان على الفرش وجودته فى الصنى الكراسى فى الصنى تضاهى الالنترا من حيث الراحه والاحتواء

لكن لو الكسوه مش عجباك اعمل كسوه جلد تفصيل عند جينز كار وحتلاقى العربيه حاجه تانيه

تحياتى

[Dr'AhmZZong]

كلام من الاخر مقارنة بلاكسنت الصنى تكسب

واذا كان على الفرش وجودته فى الصنى الكراسى فى الصنى تضاهى الالنترا من حيث الراحه والاحتواء

لكن لو الكسوه مش عجباك اعمل كسوه جلد تفصيل عند جينز كار وحتلاقى العربيه حاجه تانيه

تحياتى

+99999999999

[Ahmed.TV]

تسلم على التقرير وعن انطباعك اللى اكيد محتاجينه فى القسم
وبارك الله فيك اخى الكريم

[dadado]

يا جماعة انا حاليا فى مشكلة حبيت اتكلم معاكوا فيها انا مش عارف اشترى العربية حاجة تغييييييييييييييظظظظ الحجز عند السبع تستلم بعد شهرين واكتر وفى ناس بتقول 3 شهور وكمان ناس بتقول ان الحجز وقف عشان الضغط وكمان حاجة لذيذةاوى انا رحت زى الشاطر وقلت اجى على نفسى واعمل استغفر الله العظيم زى ما الناس ما بتعمل ورحت لسمير ريان وقلت ماشى اوفر برايس 2000 جنيه وتوتو على كبوتو لقيت العرسة فى السحلية وبقى الاوفر برايس 4 بواكى وكملت مع الراجل وقلت يا واد طنش خااااااالص واخد البيانات وبعدين لقيت العرسة فى السحلية بس المرة دى اكبر ومحدش كلمنى ولا قالى العربية اهى يابن الحلال قوم بقى ايههه؟؟؟؟ اروح يقى اجيب الشيب القديم ومن فات قديمة تاه ولا اعمل فيها الرجل الاخضر واخش عدل على البروتون البيرسونا على اساس نفس السعر تقريبا ونفس الكماليات حد يفيدنا يا جماعة لاحسن انا خلاص قربت انزل اجيب لب من تانزانيا

[Ahmed.TV]

ما ده اللى قولته ومحدش صدقنى فى الموضوع اللى انا فاتحه .. واقراء مشاركتى فيه .. وشوف انا قولت ايه على المعارض الخاصة .. اهم عملوا معاك زى ما قولت

بصراحة لو انت مستعجل جدا على استخدام العربية .. هات الار بى
ولو مش مستعجل يبقا اصبر واحجز ..

[dadado]

شكرا يا باشا على المرور والمتابعة انا بس كنت عايز اشوف حل وخصوصا ان الانتظار هيحطنى تحت احتملات زيادة سعر العربية الرسمى اما بالنسبة لللاكسنت انا شيلتها من دماغى خالص وبفضل عليها البيرسونا لقربها من الصنى

[Ahmed_selmy]

لو متنع بالعربيه يبقى الصبر مفتاح الفرج واعصر على نفسك لمونه واحجز واستنى شويه , والايام بتعدى طياره

[dadado]

انا للاسف فعلا مفيش قدامى غير الانتظار شكرا للمرور والاهتمام

[dodyam]

على فكرة هما فعلا وقفوا الحجز عند كل الموزعين دا من مشاركات الأعضاء و حتى هنا فى اسكندرية
أنا متهيألى ممكن تنزل أى محافظة قريبة منك ممكن تستلم منها فى اسبوعين ولا حاجة
وكل تأخيرة وفيها خيرة

[Youssef.Awad]

على فكرة هما فعلا وقفوا الحجز عند كل الموزعين دا من مشاركات الأعضاء و حتى هنا فى اسكندرية
أنا متهيألى ممكن تنزل أى محافظة قريبة منك ممكن تستلم منها فى اسبوعين ولا حاجة
وكل تأخيرة وفيها خيرة

ممممممممم مش فاهم .. يعنى نيسان نفسها اللى وقفت حجز المعارض للصنى الجديدة عشان الانتظار ما يطولش ولا ايه؟

[dodyam]

ممممممممم مش فاهم .. يعنى نيسان نفسها اللى وقفت حجز المعارض للصنى الجديدة عشان الانتظار ما يطولش ولا ايه؟

أنا عرفت من الأعضاء خصوصا اللى فى القاهرة ان الموزعين وقفوا الحجز فعديت على الموزع المعتمد عندنا فى اسكندرية لقيته موقف الحجز هو كمان و اللى فهمته منه تقريبا ان الكلام ده من مصنع نيسان و الله أعلم

[kareem11]

يا جماعة هو ال test drive ده بيتعمل فين
و ازاى اقدر اشترك فيه
انا عايز اجرب العربية بصراحة قبل ما اشتريها

و كمان سمعت ان فى فئة هتنزل على شهر 10 باذن الله

فايه الفرق بينها و بين الفئة اللى موجودة حاليا و هيبقى سعرها فى حدود كام

و شكرا جزيلا

[dadado]

استاذ كريم انا جربت العربية عند السبع اتوموتيف فى المعادى وتكون المواعيد من 12 ظهرا حتى 5 مساء بس معرفش مواعيد رمضان ايه

[kareem11]

استاذ كريم انا جربت العربية عند السبع اتوموتيف فى المعادى وتكون المواعيد من 12 ظهرا حتى 5 مساء بس معرفش مواعيد رمضان ايه

تمام يا فندم
شكرا جزيلا :)