تجربتى مع صنى الجديدة test drive

[mohdabdelhaiy]

ممكن استفسر انا عاوز اشترى بعد العيد اجيب تيدا ولا صنى2013

[hytham.abbas]

شكرا على تقريرك بس انا عايز اضيف حاجة بالنسبة لؤشر الحرارة هو فيه بس ديجيتال بتدوس حضرتك على زر فى التابلوه اكثر من مرة لحد ما يظهر لك avg و جنبها 12.6 او رقم تانى مش فاكر المهم هى دى درجة الحرارة ادعى لى ربنا يكرم و تيجى العربية انا حاجز من شهر

[dadado]

استاذ هيثم السلام عليكم
الموضوع اللى حضرتك قولت عليه هو عشان حساب متوسط استهلاك البنزين وهو ما يعرف باسم كومبيوتر رحلات ولكن العربيه فيها لمبة حرارة فقط زى الالانترا القديمه واليارس وان شاء الله تفرح بالعربيه ويباركلك فيها

[shady_hamdy]

حد يا جماعة لاحظ موضوع التأخير فى النقل دا تانى؟
احنا كده عندنا تأكيدين على الموضوع ده...

و ياترى ياباشا محتار بين الصنى و الاكسنت او الريو زيى ولا خلاص استقريت على الصنى

كل ما اروح المعرض الناس بتوع المبيعات يحاولو يقنعونى بالاكسنت و انا طبعا عارف ان دا كلام مبيعات و همة مصلحة التاجر مش العميل بس برضة العيارالى مايصبش يدوش :) وبعدين هما بيقولو كده فى الوقت الى الحجز على العربية شغال على ودنه لدرجة انها بتغلى تقريبا كل كام يوم للتسليم الفورى... ايه رأيك؟

فعلا الحيرة بين ال 3 عربيات دول صعبة اوى الصنى عملية موفرة جداا للبنزين ضمان محترم الاكسنت صالون احلا شكل خارجى احلا متور اعلا الريوا شكلا ممتاااز صالون شيك متور 1400 استهلاك عالى للبنزين مش عارف المقارنة صعبة ياريت اى حد بيفكر فى نفس المقارنة يفكر معايا بصوت عالى و شكرا

[د.هشام]

فعلا الحيرة بين ال 3 عربيات دول صعبة اوى الصنى عملية موفرة جداا للبنزين ضمان محترم الاكسنت صالون احلا شكل خارجى احلا متور اعلا الريوا شكلا ممتاااز صالون شيك متور 1400 استهلاك عالى للبنزين مش عارف المقارنة صعبة ياريت اى حد بيفكر فى نفس المقارنة يفكر معايا بصوت عالى و شكرا

لو بصيت على الرفيوهات اللي في أمريكا حتلاقي ان أعلى نسبة مبيعات بالنسبة للفئة السعرية دي الاكسنت والصني والاثنين بينافسوا بعض بقوة. طبعا فيه عربيات تانية موجودة كمقارنة زي الريو, بس أعلى مبيعات فعلا للأكسنت والصني, وكل عربية فيهم فيها المميزات والعيوب, مش حتلاقي عربية كاملة. طيب هي العربيات دي هي هي اللي في أمريكا بغض النظر عن ال categories المختلفة وتوزيعة الكماليات المختلفة؟ الاجابة: فيه شوية اختلافات:
-بالنسبة للاكسنت: اللي في مصر مافيهاش وسائل امان (air-bags, ABS, EBD) للفئة اللي نازلة basic
-بالنسبة للصني: اللي في مصر الموتور 1500 (99 hp) ,واللي في امريكا 1600 (109 hp), واللي في مصر بتتقفل في مصر, واللي في أمريكا بتتقفل في المكسيك.
اختار انت بقا, أرجو اني ماكنش حيرتك اكتر

[dadado]

استاذ اكرامى انا هحاول اساعدك ان احنا نقلل عدد العربيات من 3 الى 2 فقط والعربية اللى هنشيلها هتكون طبعا الكيا ريو 1400 سى سى لانها لا ترقى الى الصنى او الاكسنت ار بى وذلك لانك لو قارنت السعر هى اغلى واحدة وقارنت السعة اللترية فهى اقل واحدة وعلى ما سمعت من مالكيها فان استهلاك بنزينها عالى بلاضافة انها لامة عيوب العربيتين الاتنين بمعنى لو حد هيقول على الصنى سحبها مش زى الاكسنت فاكيد الريو اقل واقل ولو اتكلمنا على صعوبة التشكيلات الخارجية فى الصيانة فى الاكسنت فالريو زيها واكتر ولو جينا اتكلمنا على وسع الصالون انصحك تعاينها فى المعرض اما بقى عن وسائل الامان فالصنى تتحدث عن نفسها ومش هطول عليك فلو عايز تقارن مقارنة نسبيا معقولة فخليك فى الصنى او الاكسنت واخر حاجة بقى ماقولنهاش وهى سعر اعاده البيع والذى هو اكيد مش فى صالح الريو

[islamabady1980]

تقرير وافي