تقرير صيانة ال 60000

[MOK3336]

كنت حاجز الساعة 9 الصبح في مودرن الحضرة
وصلت 9.15 فضلت واقف في الأستقبال بتاع 10 دقائق مفيش حد معبرني ؟
قولت للعامل انتوا مش شغالين من 9 ؟؟ قالي آه قولتله طيب فين مهندسين الأستقبال ؟ قالي مفيش ؟؟؟
مفيش ولا مهندس إستقبال من ايلي كانوا موجودين
ولقيت محمود بتاع الأكسسوارات هو ايلي بيملي أوردر الصيانة المهم
قولتله علي التكييف و مياه الردتير بالإضافة للصيانة العادية

المهم ولقيت مهندس لسة جديد هناك هو ايلي بيتابع الصيانة ( ده علي أساس إنه بيتابع )

أنا كنت أول واحد في كشف الحجوزات و بالرغم من كده كانت العربية رقمها 12 في عمليات الصيانه
كلمت المهندس الجديد ده قالي إنت ليك تاخدها في الوقت ايلي انا قوتلك عليه مش مهم الترتيب (ده برضة علي أساس إني هاستلمها في ميعادي )

شوية و لقيته جايلي بيقولي
التكييف عايز شحن قولتلك إزاى يبقي فيه تسريب ولا حاجة قالي لأ هو بيقل من الأستخدام و ده عادي خالص ( مش عارف لكلام ده صح ولا غلط ياريت ايلي عارف يقولي )
قالي إية نشحن قولتله إشحن
شوية و جالي قالي المقصات الجلد مشققها فيها و عايزة تتغير
قولتله دي بكام قالي لأ دي تبع الضمان مش هتدفع حاجة
قولتلك ماشي و غيرها علي حساب التوكيل و لقيتها مكتوب عليها made in japan
شوية جالي تاني قالي التيل الأمامى عايز يتغير ؟؟ قولتله عامل كام قالي 300 جنيه قولتله يعني ميشتغلش شوية كمان قالي بش عشان الطنابير متبوظش و دي لوحدها ب1000 جنيه
قولتله غير
شوية و جالي تاني قالي التيل ايلي ورا الصيانه الجاية أعمل حسابك إنه يتغير هو و الطنابير
قولتله ماشي يا مين يعيش للصيانه الجاية
إنطباعي عن الخدمة ( زى الزفت ) مفيش أى نظام في أى حاجة
بس ايلي فرحانله اني غيرت المقصات علي حسابهم
و إن شاء الله لما مودرن موتورز تتصل بيا تسألني عن إنطباعي عن أخر صيانه ربنا يوفقني و أقول ايلي من نصيبهم

اه إكصدام الصني الجديدة عامل 500 جنيه بالشبكة بكل حاجة ( محدش يسألني إزاى )

[S O P H O S]

مبروك يا باشا ..

[Dr_MaTrix]

مبروك على الصيانة والمقصات :)

[ahmedb1]

شوية جالي تاني قالي التيل الأمامى عايز يتغير ؟؟ قولتله عامل كام قالي 300 جنيه قولتله يعني ميشتغلش شوية كمان قالي بش عشان الطنابير متبوظش و دي لوحدها ب1000 جنيه
قولتله غير
شوية و جالي تاني قالي التيل ايلي ورا الصيانه الجاية أعمل حسابك إنه يتغير هو و الطنابير
قولتله ماشي يا مين يعيش للصيانه الجاية
إنطباعي عن الخدمة ( زى الزفت ) مفيش أى نظام في أى حاجة
)

ههههههه شغل التوكيل

[tarekiooo]

اهم حاجة فى التعامل مع التوكيل طول البال

[Ahmed.TV]

مبروك الصيانة .. المقصات فعلا مش بتتغير فى الضمان .. وحاجة كويسة انه غيرهالك فى الضمان يا محمد
يمكن لانك عميل عنده بقالك فترة وبتصين عندهم

ياريت يامحمد تسجل انطباعك هنا

http://www.nilemotors.net/Nile/268776-2012.html

[Youssef.Awad]

كل صيانة وانت طيب يا باشا..
وفعلا شحن فريون تكييف الصنى بينقص مع الاستخدام والوقت
لأن فيه صمام مهمته اخراج جزء لحماية الكومبريسور اذا زاد الضغط عن حد معين طبقا لظروف التشغيل ..
اما موضوع التيل والطنابير الخلفية .. ده شائع تغير الاتنين مع بعض لظهور ريجة (عدم استواء السطح الداخلى) وصعوبة صنفرتها بالجهاز الموجود فى مركز اتوايجيبت لأنه مخصص فقط للديسكات (الاقراص) وليس الطنابير (الطبلة) .. انا عندى نفس المشكلة دى فى اخر صيانة وقالى عادى طالما التيل لسه فيه يبقى كمل وغير الاتنين سوا لما التيل يخلص
اما التيل الامامى .. فينصح بتغييره اذا قل سمكه عن 5 مللى
ومبروك انك غيرت المقصات فى الضمان .. هاتحس بفرق ونعومة فى مطبات الهواء زى ما كانت جديدة بالظبط ومشكلتها ان الجلب كبس ولازم عشان تغيرها تغير المقص بالكامل والواحد ب650ج

[Bishoy.Girgis]

الف مبروك يا محمد الصيانة و عقبال صيانة الـ 500000 كيلو ان شاء الله

[MOK3336]

شكرا يا جماعة علي إهتمامكم بالموضوع
بس بجد لو حد منكم راح و شاف قله النظام كان هيقول أكتر من كده

[Elsebily]

أولا مبروك الصيانه

ثانيا هو حضرتك متأكد من موضوع المقصات اللي تبع الضمان دي اصلي بصراحه اول مره اعرف الموضوع ده وبالذات لانهم في التوكيل معايا طلبوا مني 1100 عشان تغيير مقصين

[egyptiandiver]

مبروك الصيانه

[MOK3336]

أولا مبروك الصيانه

ثانيا هو حضرتك متأكد من موضوع المقصات اللي تبع الضمان دي اصلي بصراحه اول مره اعرف الموضوع ده وبالذات لانهم في التوكيل معايا طلبوا مني 1100 عشان تغيير مقصين

أيوة يا عم Elsebily
أنا شايفهم و هما جايبنهم لسة بكرتونتهم و خلعوا القدام وركبوا الجداد قدامي

[MOK3336]

مبروك الصيانه

الله يبارك فيك يا egyptiandiver