renault scala 2013 =sunny 2013 :):)

[MaHmOuD MaGdY]

[media]http://www.youtube.com/watch?v=XNzK4eUa_h4[/media]











دى صور رينو سكالا اللى هاتنزل الهند قريب
السؤال بقى إيه رأيكم فى الشكل ده ؟؟ هوه ولا نيسان ؟؟
أنا رأيى الشخصى إن الشكل ده أفضل
بس لا أعتقد أنه هاينزل مصر فى وجود الصنى الشكل الجديد
ولا إيه رأيكم ؟؟

[MaHmOuD MaGdY]

‫رينو سكالا 2013 الجديدة كلياً‬‎ - YouTube
دا رابط الفيديو ما اعرفش ما ظهرش ليه ؟؟

[Ahmed.TV]

تسلم على الموضوع الجميل ده

بصراحة .. انا شايف ان الفوانيس الامامية والخلفية اشيك طبعا من نيسان صنى الشكل الجديد
وشايف ان الاكصدام من قدام شيك

بس دى الشبه بينها وبين الصنى الشكل الجديد متقارب جدااااااا .. واعتقد ان مش حينزلوها مصر .. لان ممكن تعمل مشكلة

لان الاسكالا اللى كانت موجودة هى شبه الصنى من جوة لكن كان شكلها من بره مختلف تماما عن الصنى الشكل القديم

لكن بالاسكالا الشكل الجديد قريبة جدا من شكل الصنى الشكل الجديد من بره .. فعشان كدا معتقدش انها حتنزل مصر
وخصوصا ان الشركتين بيهم شراكة ومش حيخبطوا فى بعض فى مصر

هو ممكن بره مصر ينفع لكن فى مصر .. انتوا عارفين الثقافات فى حركة البيع مختلفة شوية

والله اعلم

[hossam_elwani]

من ورا احلى بكتير من الصنى من قدام الصنى تكسب بجداره ............

[yasserelsayad]

ايه السرقة دى ...
دول عملين الـ hexagonal grille بتاعت هيونداى صريحة يعنى

[i_Am_Legend]

شكلها احلي من الصني بكتيييييييييييييير.

[hossam_elwani]

ايه السرقة دى ...
دول عملين الـ hexagonal grille بتاعت هيونداى صريحة يعنى

فعلا نفس الرسمه

[MaHmOuD MaGdY]

تسلم على الموضوع الجميل ده

بصراحة .. انا شايف ان الفوانيس الامامية والخلفية اشيك طبعا من نيسان صنى الشكل الجديد
وشايف ان الاكصدام من قدام شيك
اتفق معاك تماما

بس دى الشبه بينها وبين الصنى الشكل الجديد متقارب جدااااااا .. واعتقد ان مش حينزلوها مصر .. لان ممكن تعمل مشكلة
هى اصلا صنى معدلة
لان الاسكالا اللى كانت موجودة هى شبه الصنى من جوة لكن كان شكلها من بره مختلف تماما عن الصنى الشكل القديم
ودي كمان من جوه هى هى نفس الصنى الجديدة
لكن بالاسكالا الشكل الجديد قريبة جدا من شكل الصنى الشكل الجديد من بره .. فعشان كدا معتقدش انها حتنزل مصر
وخصوصا ان الشركتين بيهم شراكة ومش حيخبطوا فى بعض فى مصر

هو ممكن بره مصر ينفع لكن فى مصر .. انتوا عارفين الثقافات فى حركة البيع مختلفة شوية

والله اعلم

ودى صور من جوه




بس تحسها احسن عن الصنى الجديدة اللى فى مصرفى الكماليات (تكييف تاتش - عدادات ليد -مرايات ضم - طارة مالتى -نواكل )

[MaHmOuD MaGdY]

ايه السرقة دى ...
دول عملين الـ hexagonal grille بتاعت هيونداى صريحة يعنى

تصدق فعلا!!! صح الملاحظة دى:b4_388:

[tarekmomo]

الرينو اجمد وكمان التكيف بتاعها ديجيتال

[د. علاء ابراهيم]

حاسس الصنى شكلها افضل من الامام كتير
من الخلف مش عارف حاسس ان السكالا مليانة خطوط مش عارف مش بالعها اوى
بس بردك فى حاجة مهمة و هى ان انتا اما تشوف الصور بردك غير ما تشوف الحقيقة يعنى انا قبل ما اشترى الصنى الجديدة ما اقتنعتش بشكلها فعلا الا اما شفتها فى الحقيقة

فيما عدا الاختلافات الطفيفة فى الفوانيس و الاكصدام الامامى اعتقد العربيتين واحد
و ده طبيعى يا جماعة لان الصنى الجديدة و السكالا القديمة و اللوجان كمان انتاج مشترك نتيجة تحالف نيسان مع رينو و جايز السنة القادمة تجد هذا الموديل نازل تحت اسم نيسان صنى 2014 مثلا
يعنى عندك السكالا القديمة كانت مازلة فى بلاد تانيه تحت اسم نيسان صنى
و و الصنى الجديدة نازله فى بلاد تانية تحت ايم نيسان الميرا و بموتور 1200cc
ده مش سرقة هما الشركتين كل واحدة بتنتج كام موديل خاص بيها و فيه كام موديل تانيين بينتجوهم سوا
ولا اعتقد ان السيارة دى حتنزل مصر نهاااائى

[S O P H O S]

مشكورررر يا باشا ..

[Youssef.Awad]

فعلا من قدام الرينو احلى انما من ورا النيسان احلى ..
ولو حصل والاسكالا نزلت مصر هاتكون اغلى من الصنى المجمعة المحليا لكن مفيش ما يمنع نزولها اذا لم يتم الاتفاق بين التوكيلين على سياسات التسويق

[arakysolom]

الله ينور علي الموضوع و فعلا الاسكالا احلي بكتير جدا سواء من الامام او من الخلف فشكل الفوانيس الخلفية احلي من الصني اللي الفوانيس فيها مضيعة شكلها

[kliken]

انا برضه شايف السكالا احلى كتير من الامام
و شكرا لصاحب الموضوع