renault scala 2013 =sunny 2013 :):)

[lenasam]

موضوع جميل و شكرا لصاحبه

[the_air_devil]

الموضوع كله اختلاف في الماركة المحطوطة على العربية من قدام .... وبعض التعديلات الطفيفة في الشكل


بس ماحدش ينسى ان رينو سكالا القديمة كانت هي نفس النيسان صني القديمة كذلك ...وانت كانت أغلى في السعر بفرق بسيط


انما الأهم من كله ده مش شكل شبكة أمامية وفوانيس (هي نفس فوانيس صني) .... الأدهى هو التوكيل بأسعاره بأسلوب خدمته .... ناس بتفضل توكيل رينو وناس تفضل توكيل نيسان ... وان كان حتى الآن توكيل نيسان يكسب من وجهة نظري


أهم من شكل السيارة : خدمة ما بعد البيع

[Formulator]

ايه السرقة دى ...
دول عملين الـ hexagonal grille بتاعت هيونداى صريحة يعنى

الكلام ده هنااااااااااااااااااااااك.. فـ مصر يا باشا،
يمكن بس عشان اللى إتشافت الأول هى الإلنترا؟!!

- لكن هنااااااااااااك أوى بقى (فـ الهند) .. فيه كده:


دى رينو Pulse يا برنس، اللى أساسا مبنية على أختها اليابانية الـMicra الشهيرة:



- بص كويس كده فـ الشبكة والفوانيس.. وانت تعرف الـScala أصلها أيــــــــــه؟؟

عايز تعرف بقى أصل الأصل (وزهرة الزهرة وخلاصة الخلاصة) :::
خد بقى المصدر:



ياراجل دا حتى الـChrome-blade اللى عـ الشبكة.. بيقولك GT-R
هههههههههههههههه

هيونداى مين بس ياعم ياسر اللى RENAULT-NISSAN هتسرق منها تصميم شبكة؟؟!!!
هههههههههههههههههههههههههههه

[Formulator]

ولو حصل والاسكالا نزلت مصر هاتكون اغلى من الصنى المجمعة المحليا لكن مفيش ما يمنع نزولها اذا لم يتم الاتفاق بين التوكيلين على سياسات التسويق

+1
هما فعلا لو نزلوها كورى (متجمعة فـ مصانع Samsung بتاعتهم)، هتبقى أغلى سيكا
بالضبط زى السكالا اللى فاتت.

- بس ممكن تلاقى إختلافات غلسة شوية..؟!!
يعنى دلوقتى بقى عندهم رينج كبيييييييييييييير من المواتير والجيربوكسات
مثلا: ينزلهالك بالموتور الـ109 حصان والفتيس الـCVT (بدل الـ99 والجير الأوتو 4-سرعات فـ الصنى)؟؟!!!

عشان حتى فرق السعر..!!

الصراحة: لو حد عاجبه شكلها، وهيفضلها عن الصنى.. لااااااااااازم يتأكد من تطابق الأجزاء الميكانيكية مع النيسان الأول،
قصدى: ان ده كان سبب قوى أعرف ناس اشتروا السكالا القديمة عشانه (أنها sunny)؟!!!

Rgds،

[MaHmOuD MaGdY]

حاسس الصنى شكلها افضل من الامام كتير
هوا الموضوع فى الأول والاخر أذواق طبعاً
من الخلف مش عارف حاسس ان السكالا مليانة خطوط مش عارف مش بالعها اوى
هوا يمكن بس عشان حضرتك شوفتها بعد النيسان لكن يمكن لو فصلت النيسان عن تفكيرك شوية وبصيت تانى للصور ممكن نحب الشكل دا أفضل ودا اللى حصل معايا فعلا أول ما شفتها قولت إيه العك ده لكن بعد شوية قولت أنسى النيسان كأنها منزلتش الأول فعجبنى وبرضه دى (أذواق)
بس بردك فى حاجة مهمة و هى ان انتا اما تشوف الصور بردك غير ما تشوف الحقيقة يعنى انا قبل ما اشترى الصنى الجديدة ما اقتنعتش بشكلها فعلا الا اما شفتها فى الحقيقة
أتفق معاك طبعا انا برده لما شوفت النيسان على الواقع كان أفضل بكتيير من الصور وحبيتها كمان وممكن نفس الكلام على الرينو دى ممكن يبقى الواقع أفضل أو أسوأ الله اعلم
فيما عدا الاختلافات الطفيفة فى الفوانيس و الاكصدام الامامى اعتقد العربيتين واحد
و ده طبيعى يا جماعة لان الصنى الجديدة و السكالا القديمة و اللوجان كمان انتاج مشترك نتيجة تحالف نيسان مع رينو و جايز السنة القادمة تجد هذا الموديل نازل تحت اسم نيسان صنى 2014 مثلا
ما هو رينو ونيسان إيه ما هو واحد
يعنى عندك السكالا القديمة كانت مازلة فى بلاد تانيه تحت اسم نيسان صنى
و و الصنى الجديدة نازله فى بلاد تانية تحت ايم نيسان الميرا و بموتور 1200cc
فعلا أنا شوفت الكلام ده
ده مش سرقة هما الشركتين كل واحدة بتنتج كام موديل خاص بيها و فيه كام موديل تانيين بينتجوهم سوا
ولا اعتقد ان السيارة دى حتنزل مصر نهاااائى

[MaHmOuD MaGdY]

مشكورررر يا باشا ..

موضوع جميل و شكرا لصاحبه

و شكرا لصاحب الموضوع

العفو ياجماعه ده ولا حاجة بالنسبة للحاجات اللى الناس بتعملها هنا فى القسم والمنتدى

[dodyam]

أنا شايف ان الصنى شكلها أحلى بصراحة سواء من الأمام أو الخلف أنا برضه مش بالع خلفية السكالا دى خالص
وأعتقد لو نزلوا السكالا هتبقى كذا فئة
على فكرة الصنى برضه فيها نفس التكييف الديجتال و الطارة المالتى
ده صالون السكالا من جوا بكل الكماليات كوبى من الصنى بالظبط حتى بالأوكر النواكل
بس هما فى مصر نزلوا الصنى أقل فئة بدون الأوبشنز دى كلها
و اعتقد فترة و هينزلوا الفئة الأعلى من الصنى بنفس الأوبشنز دى
أما بالنسبة لسعر السكالا لو نزلت مصر متهيألى هتبقى أغلى
الا لو تم انتاجها فى مصنع المغرب و استفادت رينو من اتفاقية أغادير
و كده ممكن سعرها يبقى زى الصنى لانها هتستفاد من الاعفاء الجمركى زى اللوجان كده

[حماده المصري]

هو من الاخر رينو ونيسان وشركه تانيه اسمها سامسونج كوري اتحدوا مع بعض

والموضوع بقى كله تسويق ممكن العربيات كلها تخرج من مصنع واحد في كوريا ويتحط عليها ال 3 علامات تبعا للظروف التسويقيه للبلد الي رايحالها ودمتم بخير

[yasserelsayad]

الكلام ده هنااااااااااااااااااااااك.. فـ مصر يا باشا،
يمكن بس عشان اللى إتشافت الأول هى الإلنترا؟!!

- لكن هنااااااااااااك أوى بقى (فـ الهند) .. فيه كده:


دى رينو Pulse يا برنس، اللى أساسا مبنية على أختها اليابانية الـMicra الشهيرة:



- بص كويس كده فـ الشبكة والفوانيس.. وانت تعرف الـScala أصلها أيــــــــــه؟؟

عايز تعرف بقى أصل الأصل (وزهرة الزهرة وخلاصة الخلاصة) :::
خد بقى المصدر:



ياراجل دا حتى الـChrome-blade اللى عـ الشبكة.. بيقولك GT-R
هههههههههههههههه

هيونداى مين بس ياعم ياسر اللى RENAULT-NISSAN هتسرق منها تصميم شبكة؟؟!!!
هههههههههههههههههههههههههههه

اللى انت جبتهم دول باردوا موديلات جديدة مش قديمة
اول concept هيونداى نزلته بالشبكة دى كان فى 2007
وبعدين الـ gtr مش hexagonal زى الهيونداى وزى التانيين
لو على المبدأ دا تبقى الزهرة بقى اللانسر Evo هى الاصل اللى فى رأى ان الـ gtr اصلا مقلداها
حتى شوف الـ concept بتاعها



وبعدين عادى ايه المشكله لما RENAULT-NISSAN تقتبس تصميمات .. بسيطة يعنى