تيدا 2013 من اوتو ايجبت مدينة نصر

[M.A.EL-SATAR]

متشكر جدا يا شباب على اهتمامكم وربنا يجعلوا دايما في ميزان حسناتكم وربنا يبارك لنا كلنا ويبعد عنا السوء ان شاء الله

[Yas_12345]

مشكلة المرايه كانت عند جوزي هو معاه تيدا 2011 و راح الصيانه اشتكى منها فغيروها بمرايه من موديل قديم ب 75 جنيه و فعلا احسن كتير من المرايه بتاعت 2011

[M.A.EL-SATAR]

متشكر جدا لرد حضرتك انا في اول صيانة ان شاء الله هعملها لانها فعلا خطر جدا

[Youssef.Awad]

1000 مبرووووووووووووووك يا باشا .. الاستلام والانضمام لفريق صقور نيسان
وفعلا غريبة حكاية المراية دى .. وانا بأقرا الموضوع فكرت فى اللى قولته والله اعلم طبعا .. لكن طالما سعرها بسيط كده غير كف المراية وريح بالك

[M.A.EL-SATAR]

شكرا يا باشا هي فعلا حاجة غبية او يمكن مش عارفين ثقافة الغرز اللي عندنا اللي بتخاليك باصص ورالك وانت سايق اكتر ما بتبص قداماك والا الموتوسيكلات تلاقيهم يزنقوا نفسهم متعرفش ازاي وربنا يستر ان شاء الله

[Ahmed_selmy]

اسف على التاخير بس انا لسه نازل من الشغل,
فعلا المريتين مختلفتين ,
بص يا سيدى المرايه اليمين بتعطى ابعاد غير حقيقيه (بتبقى مقعره او محدبه مش فاكر بالظبط) ولكن هى فايدتها انها تجيب اكبر مساحه ممكنه علشان كدا بتحس انها جايبه كل حاجه وكاشفه الدنيا ولهذا حضرتك حتلاقى عليها تحذير ان الاشياء حتبان ابعد من الواقع (تقريبا على قد مانا فاكر)
انما المريا الشمال فهى مرايا عاديه خالص بتبين اللى وراها بس يعنى ابعاد حقيقيه , لا بتكبر ولا بتصغر ولهذا مبتبقاش مبينه كل حاجه
انا بالنسبالى لان عربيتى القديمه ال127 مكانش اصلا فيها مرايا يمين والمرايا الشمال كانت ابعاد حقيقيه فالموضوع مش مسببلى مشاكل.
وهو فعلا فى معظم العربيات الاتنين بيكونوا زى بعض, عموما حضرتك ممكن تغيرها فعلا وتريح نفسك من القصه دى.

[S O P H O S]

الف مبروك يا باشا ..

[M.A.EL-SATAR]

شكرا يا شباب هبقى اقولكم عملت ايه

[د.اشرف هنداوى]

هل قطغ غيار التيدا متوفرة و لا لأ بسبب عدم انتشار العربية ؟ و هل كله موجود في التوكيل؟

يا ريت الرد من اللي عنده التيدا

[JOKER_KLEN]

طيب ممكن اعرف سعر التيدا 2013 كام دلوتى ؟

[M.A.EL-SATAR]

نفس الاسعار من 2011 بس اللي عرفه ان السيدان بقي قلقل جدا وهقولك على اسعار الهاتش باك عشان دي اللي عارفها
اول فئة 120000 - البلس 128500 البلس فتحة سقف 131500

[د.اشرف هنداوى]

اخبار قطع الغيار ايه يا جماعة التيدا ؟؟؟؟

[bakka2010]

مبروك عليك العربيه الجديده يا باشا . وربنا يمتعك بيها ويكفيك شرها .

[M.A.EL-SATAR]

الله يبارك فيكم يا شباب

انا امبارح رحت عملت صيانة الالف في اوتو ايجيبت وطبعا اهم حاجة قولتلهم على المرايا لكن للاسف متغيرتش للمراية الياباني المقعرة للاتي مع اني مش مقتنع باسباب عدم التغير .

اولا : مكان تثبيت المريا كلها في الباب الياباني غير الباب المكسيكي في الياباني المرايات مترحلة ناحة خلف السيارة حوالي 5 سم عكس المكسيكي اللي بجوار الشراعة الامامية مباشرة ودة برضوا هيزود النقطاء العمياء حتى لو ركبت المراه المقعرة

ثانيا: ودي حاجة كمان ان الكف الياباني غير الكف المكسيكي يعنى ممكن يركب وموتور التحريك ميشتغلش !!!!!!!!!

ثالثا: انا قلتلهم ان في ناس غيرتها فعليا بناء على مشاركة في هذا الموضوع

رابعا: اخر لما موصلناش لحاجة انا قلتلهم اني عايز اكتب ملاحظة على الموضوع دة وفعلا كتبت لنسيان مصر وهما قالولي هنبعتها وهما هيتابعو معاك لانهم يعتبروا مقدمي خدمة.

انا الصراحة مش عارف هما مريضيوش يركبوها لاحسن خايفين ارفض دفع تمنها والا هي فعلا متركبش لاني مش مقتنع الصراحة باسباب عدم التركيب(مع كامل الاحترام والتقدير لجميع مهندسي اوتو ايجيبت) مع اني كنت هتحمل ثمن الكف قصاد راحتى وانا سايق وعلى العموم انا مستني الرد الفنى

اما بخصوص المركز هو الصراحة منظم جدا وانت شايف الورشه كلها من الاستراحة كل دة وتشغيل تجريبي اكد هيبقى احسن 100 مرة بعد الافتتاح النهائي

[M.A.EL-SATAR]

اخر التتطورات يا شباب فعلا الكف الياباني غير الكف المكسيكي ونزلت النهاردة شارع دمشق كدة لفيت على السريع لاقيت واحد عنده الكف بتاعها ومرايا محدبة بس مصمم على 120 جنينة وفضل ماسك فيها اللي خلاني مجيبوش انه شكله تياواني صيني ودي مش مشكلة بس المشكلة في الاستغلال لان واحد تاني قالي انه 75 جنيه ومش موجود هيجيله على يوم الخميس وفي التوكيل 73 جنية قبل الضريبة (بس زي اللي راكب فيها) فحسيت انه بيشتغلنى وخلاص

معلش انا صدعتكم معايا واكيد زمانكو بتقولو عليا هايف بس مدام فتحت الموضوع معاكوا وزي ما استفد من المنتدي العظيم دة لازم اخلص الموضوع عشان برضو غيري يستفاد لان للاسف اكتر حاجة بتغيظني تلاقي الواحد ميلجاش للمتندي غير لما يكون عنده مشكلة ولما يحلها ميقلناش حتى عمل ايه (الا من رحم ربي)

سؤال جانبي حد عنده فكرة ازاي الكف ده بيركب