تيدا 2013 من اوتو ايجبت مدينة نصر

[Ali_Abo_Amr]

تقصد ايه بالكف ... المرايا كاملة يعنى؟ ولا مجرد الجزء الزجاجى؟

[Yas_12345]

الله يبارك فيكم يا شباب

انا امبارح رحت عملت صيانة الالف في اوتو ايجيبت وطبعا اهم حاجة قولتلهم على المرايا لكن للاسف متغيرتش للمراية الياباني المقعرة للاتي مع اني مش مقتنع باسباب عدم التغير .

اولا : مكان تثبيت المريا كلها في الباب الياباني غير الباب المكسيكي في الياباني المرايات مترحلة ناحة خلف السيارة حوالي 5 سم عكس المكسيكي اللي بجوار الشراعة الامامية مباشرة ودة برضوا هيزود النقطاء العمياء حتى لو ركبت المراه المقعرة

ثانيا: ودي حاجة كمان ان الكف الياباني غير الكف المكسيكي يعنى ممكن يركب وموتور التحريك ميشتغلش !!!!!!!!!

ثالثا: انا قلتلهم ان في ناس غيرتها فعليا بناء على مشاركة في هذا الموضوع

رابعا: اخر لما موصلناش لحاجة انا قلتلهم اني عايز اكتب ملاحظة على الموضوع دة وفعلا كتبت لنسيان مصر وهما قالولي هنبعتها وهما هيتابعو معاك لانهم يعتبروا مقدمي خدمة.

انا الصراحة مش عارف هما مريضيوش يركبوها لاحسن خايفين ارفض دفع تمنها والا هي فعلا متركبش لاني مش مقتنع الصراحة باسباب عدم التركيب(مع كامل الاحترام والتقدير لجميع مهندسي اوتو ايجيبت) مع اني كنت هتحمل ثمن الكف قصاد راحتى وانا سايق وعلى العموم انا مستني الرد الفنى

اما بخصوص المركز هو الصراحة منظم جدا وانت شايف الورشه كلها من الاستراحة كل دة وتشغيل تجريبي اكد هيبقى احسن 100 مرة بعد الافتتاح النهائي

انا جوزي غير المرايه بتاعة 2011 بواحده لموديل 2010 في مركز السبع اللي في زهراء المعادي و بجد بقت احسن كتير و مظبوطه و مفهاش مشاكل

[M.A.EL-SATAR]

الزجاج

[M.A.EL-SATAR]

شكرا لاهتمام حضرتك انا فعلا كنت ناوي اسال في السبع لان اكيد في حل بس مش عارف ايه المنطق من عمل المرايا بالشكل الغريب دة
وربنا يستر طريقنا جميعا

[د.اشرف هنداوى]

هي التيدا بتاخد بنزين 92 و لا 95 ؟

[SonaSteel]

هو الموصي بيه 95
بس 92 شغال فل ماشاء الله

[M.A.EL-SATAR]

يا باشا في الكتالوج مكوتر 91 او اعلى

[M.A.EL-SATAR]

يا باشا في الكتالوج مكتوب 91 او اعلى

[Ultramisho]

ياريت صاحب الموضوع يقدم لنا تقييم مبدئي للتيدا 2013
يعني من حيث التقفيل والسحب والعزل وتوفر قطع الغيار وسعرها والتكييف والعفشة وعلو العربية ووسع الصالون خاصة ورا ورؤية ابعاد العربية وقوة فراملها واتزانها على السرعات العالية
وهل فيها حساسات ركن ولا لأ
وايه ابرز مزاياها واهم عيوبها

اكيد فيه ناس كتير هتستفيد من تقييمك لو تفضلت به
تفبل مروري

[Ahmed Tiida013]

انا جبت تيدا 2013

الف مليون مبروك
وربنا يعطيك خيرها ويكفيك شرها
ايوة كدا خالوا ملاك التيدا يزيدوا وينوروا القسم

الحمد لله انا جبت تيدا سيدان أعلى فئة 2013
اوعوا تقروا عليا دي بنك ناصر ههههههههههه
المهم ان فيها بردوا نفس المشكلة بتاعت المراية ايه الحل بقى اعمل ايه؟؟
وفي مشكلة تاني برده وهي موضوع الفوجات مش بتشتغل الا مع النور العالي او الواطي انما مش لوحدها حاجة سخيفة بصراحة وقفلاني اوي من العربية

[Ahmed Tiida013]

مشكلة المرايه كانت عند جوزي هو معاه تيدا 2011 و راح الصيانه اشتكى منها فغيروها بمرايه من موديل قديم ب 75 جنيه و فعلا احسن كتير من المرايه بتاعت 2011

طيب ممكن تقوليلي بعد اذن حضرتك هو راح انهي توكيل؟؟؟

[3bdelr7man23]

ممكن طيب سؤال ضروري .. فين العربية ؟

الاقي العربية فين دلوقتي ؟؟؟؟؟؟
والله كلمت اوتو ايجبت ، قالولي كمان 3 شهور ، انا حاجزها بقالي شهر ونص في uitK ، قولولي اسأل عليها فين يا ناااااااااااااااااااااااس ،

[mego20082007]

انا برضه عندي نفس المشكلة الشمال غير اليمين وعربيتي موديل 2011