مش عاوز اكره التيدا ساعدونييييييي

[Youssef.Awad]

اشكر حضرتك يا استاذ يوسف علي المرور بس بجد انا زعلت من العربية لان اليباني المفروض ميبقاش فيه الاصوات دي حتي لو كان تقفيل مكسيكي

والله انا شايف ان ده اهون من اصوات تانية فى عربيات تانية
وبعدين ما تنساش حضرتك انك قولت واغلب الاعضاء اللى ظهر معاهم الصوت ده بيكون على طرق غير ممهدة مش طرق عادية ولا ظروف قيادة عادية

[ghanem]

أولاً يا رب تلاقى حل لمشكلة الاصوات دى ..ثانياً تنصحونى اشترى تيدا ولا لأ ؟؟ لأنى بفكر فيها جدياً وسألت مهندس صيانة صديقى كان شغال فى التوكيل وقالى العربية كويسة ..لكن موضوع الأصوات دة بيروشنى وعملى قلق..مش الغى فكرة التيدا ولا اية

[mido_fn]

والله بامانة هو العيب الوحيد في السيارة دي الاصوات ودي مش في كل العربيات ي في بعضها وراجع للتقفيل المكسيكي
انما العربية كمتور ماشاء الله عليه وهم التكييف تلااااااااااااااااااااااااااااااااجة
انا اخر سرعة جبتها 140 كانت ثابتة جدا بس معرفش بصراحة اكتر من كده ايه
حملت كل العيلة وشنط عليها وسافرت علي طريق مصر اسكندرية الزراعي مفيش مطب واحد حكت فيه
قطع الغيار رخيصة بالنسبة لباقي التوكيلات انما لو حاجات تقليد فهي موجودة بس اقل من باقي الماركات التانية
والله بجد كلام من اخ انا قبل ما اشتري العربية دي جربت كتييييييير لانسر كيا بانواعها سيول كارينز سيراتو جربت بيجو جربت كل حاجة بامانة ملقتش احسن من دي بالنسبة للسعر ده 131500 يمكن الحاجة الوحيدة الي كنت في حيرة معاها هي الرينو فلونس بس بتهيالي قطع غيارها هتبقي صعبة قوي عن التيا
يعني بجد لو رجع بيا الزمن هشتري تيدا برده بس هدعي تكون من غير اصوات :)
وان شاء الله لو مجبتش الماني لما اجي غير اكيد هجيب التيدا الجديدة الي في انتظار نزولها كمان سنتين تلاتة

[SHNORY]

انا اسف انا فعلا مش عارف اعمل اي حاجة هنا ابيض يا ورد
انا بعت علي راسلنا دي بس مش عارف يعني اغيره انا من نفسي ؟ ولا اعمل ايه

حضرتك اختار الاسم اللي يعجبك لتغيير اسمك ليه
بس ميكونش مستخدم
دا الموضوع المخصوص لكده
طبعا احنا اسفين بس علشان ميحصلش خلط

http://www.nilemotors.net/Nile/281696-a.html

[zangry]

انا في اخر فترة في حياة التيدا كنت بسمع صوت زنه من التابلوه برده !! ولما احود الدريكسيون اسمع صوت تكه كده وكانت بتحصل بشكل مستمر والعربية كانت عاملة 20 الف كيلو

[mido_fn]

حضرتك اختار الاسم اللي يعجبك لتغيير اسمك ليه
بس ميكونش مستخدم
دا الموضوع المخصوص لكده
طبعا احنا اسفين بس علشان ميحصلش خلط
http://www.nilemotors.net/Nile/281696-a.html

done ya kbeeeer
بس انا شايف اعضاء كتير كاتبين لسه متغييرش الاسم ليه كل ده وحاجات زي دي
هو الادارة مش بتستجيب بسرعة للطلب او المفروض اني ابعت كذا مرة ؟؟؟

[Ahmed_selmy]

طيب يا جماعه هل الاصوات دى من النوع اللى بيضايق, ولا صوت عابر خفيف يمكن التعايش معاه وخصوصا ان الواحد دايما بيشغل الكاسيت , لان انا اللى كان مجننى فى ال127 الاصوات وسبتها علشان كدا رغم ان العربيه كانت ماشيه معابه بما يرضى الله, اه طبعا فى اختلاف رهييييب بين دى ودى , بس تتغير السيارات والاصوات واحده.
انا الحمد لله لسه مسمعتش حاجه رهيبه , ممكن اسمع صوت خافت بسيط فى التابلوه لو ماشى فى شارع ملاوش ملامح , بس لما بمشى فى طريق محترم واكون قافل الشباك والكاسيت مطفى مبسمعش حاجه خالص , ولا الهوا.
يارب تفضل كدا علطول ومايظهرش اى حاجه مزعجه.

[mido_fn]

طيب يا جماعه هل الاصوات دى من النوع اللى بيضايق, ولا صوت عابر خفيف يمكن التعايش معاه وخصوصا ان الواحد دايما بيشغل الكاسيت , لان انا اللى كان مجننى فى ال127 الاصوات وسبتها علشان كدا رغم ان العربيه كانت ماشيه معابه بما يرضى الله, اه طبعا فى اختلاف رهييييب بين دى ودى , بس تتغير السيارات والاصوات واحده.
انا الحمد لله لسه مسمعتش حاجه رهيبه , ممكن اسمع صوت خافت بسيط فى التابلوه لو ماشى فى شارع ملاوش ملامح , بس لما بمشى فى طريق محترم واكون قافل الشباك والكاسيت مطفى مبسمعش حاجه خالص , ولا الهوا.
يارب تفضل كدا علطول ومايظهرش اى حاجه مزعجه.

لا يا استاذ احمد من النحية دي متقلقش خااااااااااااالص
كل الاصوات الي بتكلم عليها دي في عربيتي
مش بسمعها الا في تلات حالات
1- ارض مش ممهدة تفلق الحجر زي ما بيقولوا
2- قافل الازاز كله
3- مشغل التكيف علي اقل درجة مع العلم ان لو عليته علي تاني درجة مش هسمعها حتي لو ارض مش ممهدة
4- مطفي الكاسيت وش
انما لو اختل اي من الشروط دي مش بتسمع حاجة نهائي واعتقد ده راي اغلب الاعضاء
الاصوات دي للملاك الي من النوع الحساس قوي بعربياتهم لو واحد عادي قلبه جامد شوية عمره ما هياخد باله منها

[Ahmed_selmy]

من حيث القلب الجامد متقلقش, انا معرفش القلب دا فين اصلا ,هههههههههههههههههههه
شكرا يا باشا طمنتنى, انا كدا تمام.