زجاج الصني 2013 جالو سرطان اعمل اية

[egytamer]

السلام عليكم اخواني اعضاء قسم نيسان المحترم
قريبي جايب نيسان صني 2013 من حوالي 3 شهور والزجاج القدام يمين الي بيكون للراكب جمب السواق جالو سرطان وعايزين نغيرو لان العربية ممكن حد يسرقها بسهولة فهل التوكيل بيغطي موضوع الزجاج ولا لا ولو مبيغطيهوش ممكن تنصحوني اجيبو منين وبكام
ارجو لو تتكرمو بسرعة الرد لاني مظر اركبو بكرا علي اقصي تقدير
وشكرا ليكو مقدما

[Sehsss]

الضمان لا يشمل الكاوتش أو الزجاج أو أي حاجة رابر أو الطنابير أو طاقم الدبرياج لو مانيوال (القطع الاستهلاكية)

[dr.hazem]

الضمان لا يشمل الكاوتش أو الزجاج أو أي حاجة رابر أو الطنابير أو طاقم الدبرياج لو مانيوال (القطع الاستهلاكية)

ده حتى في حالة السرطان؟؟
يعني اجيب عربية جديدة قزازها يسرطن وميكونش عيب صناعة طب ازاي؟

Sent from my LT18i using Forum Runner

[Land_Cruiser]

قدر الله و ما شاء فعل.اعتقد برضه ان الزجاج خارج الضمان بس ممكن تتكلم فى التليفون تسال لو كان التوكيل بعيد عن حضرتك. لو عايز ممكن تركبه عند دكتور جريش و الموضوع مش مستاهل تركبه فى التوكيل لان هو اللى بيصنع الزجاج بتاع الصنى عامه

[egytamer]

شكرا لتفاعلكم وسرعة الرد
وغالبا هركب د جريش لانو هوا بتاع العربية فياريت لو حد يعرف فرع قريب من دورا شبرا يكتبلي رقمو وغالبا هيبقي السعر في حدود كمام
والله المستعان

[misoalex]

الضمان لا يشمل الكاوتش أو الزجاج أو أي حاجة رابر أو الطنابير أو طاقم الدبرياج لو مانيوال (القطع الاستهلاكية)

ازاى الضمال لا يشمل الطنابير وطقم الدبرياج ؟؟؟؟؟؟؟

ضمان ايه ده ؟؟ امال لو فيهم عيب صناعه ومستحملوش اغيرهم على حسابى ؟؟
وبعدين الازاز المسرطن دا غصب عن الضمان لازم يتغير بس بشرط انه يروح بيه موجود مكانه عشان يتأكد انه مسرطن مش اتكسر بفعل فاعل لانه لو اتكسر يبقى حقه ميغيرهوش

لكن الازاز المسرطن ده عيب صناعه لان بيبقى فيه فقاعات هواء فى الازاز نفسه ومبيستحملش الحراره فبيفرقع

[Youssef.Awad]

المفروض حضرتك اول ما ظهر السرطان ده كنت روحت اقرب وكيل معتمد لنيسان وتبلغ بيه وممكن فعلا يتعمل بيه ريبورت ويتغير كعيب فى الصناعة فى الضمان على حساب المصنع المورد ..

بالنسبة لباقى قطع الغيار الاستهلاكية الاخرى المذكورة بالموضوع انا شخصيا اعرف 3 معاهم صنى 2010 وغيروا طاقم دبرياج كامل فى الضمان فى اول 10 الاف كم والطنابير كان فيه حالة برضه فى اول عمر العربية بالقسم هنا واوقات بيتغير مقصات لتلف الجلب لكن مش قاعدة
بمعنى لازم يكون فيه سبب مقنع لاستبدالها فى الضمان لأن اغلب القطع دى من الممكن بسهولة جدااا تبوظ من سوء الاستخدام وساعتها بيبقى فيه فرق فى التعامل .

لو هاتغيره .. الافضل لك تركبه عند د جريش وليس التوكيل لأنه بيكون اقل بكتير برة التوكيل وهو هو نفس الزجاج
وده رقم المصنع بالعاشر من رمضان 015410003 اتصل بيهم واسألهم عن السعر والفروع المعتمدة ليهم .

ملحوظة هامة: للوقاية من سرطان الزجاج لأن اغلب العربيات الحديثة محكمة الغلق ولا يوجد بيها تسريبات او فراغات تسمح باستيعاب تمدد الهواء عند ركن السيارة فى الشمس .. يجب ان تفتح هوايات التابلوه والمكيف بحيث تكون على وضعية الهواء الخارجى والسيارة متوقفة وغلقها عند التحرك وتشغيل التكييف لتقليل الجهد اللازم لتبريد هواء ساخن من الخارج

[misoalex]

المفروض حضرتك اول ما ظهر السرطان ده كنت روحت اقرب وكيل معتمد لنيسان وتبلغ بيه وممكن فعلا يتعمل بيه ريبورت ويتغير كعيب فى الصناعة فى الضمان على حساب المصنع المورد ..

بالنسبة لباقى قطع الغيار الاستهلاكية الاخرى المذكورة بالموضوع انا شخصيا اعرف 3 معاهم صنى 2010 وغيروا طاقم دبرياج كامل فى الضمان فى اول 10 الاف كم والطنابير كان فيه حالة برضه فى اول عمر العربية بالقسم هنا واوقات بيتغير مقصات لتلف الجلب لكن مش قاعدة
بمعنى لازم يكون فيه سبب مقنع لاستبدالها فى الضمان لأن اغلب القطع دى من الممكن بسهولة جدااا تبوظ من سوء الاستخدام وساعتها بيبقى فيه فرق فى التعامل .

لو هاتغيره .. الافضل لك تركبه عند د جريش وليس التوكيل لأنه بيكون اقل بكتير برة التوكيل وهو هو نفس الزجاج
وده رقم المصنع بالعاشر من رمضان 015410003 اتصل بيهم واسألهم عن السعر والفروع المعتمدة ليهم .

ملحوظة هامة: للوقاية من سرطان الزجاج لأن اغلب العربيات الحديثة محكمة الغلق ولا يوجد بيها تسريبات او فراغات تسمح باستيعاب تمدد الهواء عند ركن السيارة فى الشمس .. يجب ان تفتح هوايات التابلوه والمكيف بحيث تكون على وضعية الهواء الخارجى والسيارة متوقفة وغلقها عند التحرك وتشغيل التكييف لتقليل الجهد اللازم لتبريد هواء ساخن من الخارج

ايوه كده ده كلام معقول لكن مينفعش يبقى الطنابير او طقم الدبرياج يبوظ بعد 4 ولا 5 الاف كيلو والتوكيل يقوللى د ىبره الضمان

وموضوع هوايات تاتكيف فعلا ده اسلم حل وفيه ناس كتير مبتاخودش بالها من النقطه دى

[Sehsss]

ازاى الضمال لا يشمل الطنابير وطقم الدبرياج ؟؟؟؟؟؟؟

ضمان ايه ده ؟؟ امال لو فيهم عيب صناعه ومستحملوش اغيرهم على حسابى ؟؟
وبعدين الازاز المسرطن دا غصب عن الضمان لازم يتغير بس بشرط انه يروح بيه موجود مكانه عشان يتأكد انه مسرطن مش اتكسر بفعل فاعل لانه لو اتكسر يبقى حقه ميغيرهوش

لكن الازاز المسرطن ده عيب صناعه لان بيبقى فيه فقاعات هواء فى الازاز نفسه ومبيستحملش الحراره فبيفرقع

حضرتك محتد عليا ليه.. أن مالي هو انا اللي وضعت شروط الضمان.. ده كلام أي توكيل ولو حضرتك مش مصدق اسأل في عدد كيلومترات تقريبا حوالي 5 آلاف كيلو وبعد كده ما بيغيرلكش طقم الدبرياج بعدهم او الطنابير وأنا واحد من ضمن الثلاثة أيوه اللي اتغيرلهم طقم دبرياج بعد 10 آلاف كيلو بس كانت لظروف معينة وصعب تتكرر تاني!!!!!!!!!!!!

[ART_tv90]

قدر الله وما شاء فعل .. ياريت حضرتك تطمنا عملت ايه

[Hulk 1]

الأزاز المسرطن بيتغير في التوكيل --بس لو اتأكدو ان دا عيب صناعه وليس بفعل فاعل

[egytamer]

اشكركم جميعا علي تفاعلكم وعلي الردود وفعلا عرغت لية قسم نييسان مميز علشان اعضائة المحترمين فعلا
رحت غيرت الازاز عند واحد برا التوكيل وسعر الازاز 120 جنية مصري د. جريش والصراحة لما لقيت سعرو رخيص قريبي قلي خلاص بلاش نروح التوكيل ونوجع قلبنا معاهم ومع احترامي لرئيه بس انا قلتلو ان دي سلبية يلا المهم الازاز اتغير وبقي تمام
ومرة تانية اشكركم جميعا

[gomana85]

أمال الضمان علي ايه بالظبط ؟

[Youssef.Awad]

أمال الضمان علي ايه بالظبط ؟

http://www.nilemotors.net/Nile/230147-a.html

http://www.nilemotors.net/Nile/177196-a.html

http://www.nilemotors.net/Nile/306720-a.html

[gomana85]

طيب دلوقتي المفروض البوجيهات في الصني الجديده كل 100 ألف يعني المفروض لو باظوا يبقي في الضمان، و تيل الفرامل المفروض بيقعد كتير بردوا اعتقد اكتر من 5 الاف كيلو ؟