حجز الصني السوبر صالون

[hisham_hamza]

السلام عليكم لكل الأعضاء المحترمين
أنا حاجز صني 2013 من 10/10
كنت حاجز الأول الصني ex وغيرت لسوبر صالون بعد مانزلت
ووعدوني ان التسليم مايزيدش عن شهرين
لكن للأسف حتى اليوم وأنا داخل عى تلات شهور كل ما اتصل يقولولي
الاسبوع الجاي
انا حاجز من اوتو ايجبت مدينة نصر
انا اعتقد منتظرين لحد ما الاسعار تزيد
ارجو الافادة و هل في اعضاء حجزين في نفس المعاد واستلموا؟

ارجو المساعده

[akmm]

متابع .............. ومبروك مقدما .

[canner]

لازم تتابع و تتصل بيهم كل شويه و تهددهم بالشكوى لنيسان نفسها و حماية المستهلك و كل ده مش ح يحل المشكلة بس ح يسرع المواضيع شويه

تحياتى

[HaNo_ELBeh]

السلام عليكم لكل الأعضاء المحترمين
أنا حاجز صني 2013 من 10/10
كنت حاجز الأول الصني ex وغيرت لسوبر صالون بعد مانزلت
ووعدوني ان التسليم مايزيدش عن شهرين
لكن للأسف حتى اليوم وأنا داخل عى تلات شهور كل ما اتصل يقولولي
الاسبوع الجاي
انا حاجز من اوتو ايجبت مدينة نصر
انا اعتقد منتظرين لحد ما الاسعار تزيد
ارجو الافادة و هل في اعضاء حجزين في نفس المعاد واستلموا؟

ارجو المساعده

بص حضرتك انا كمان حاجز من فرع اوتو ايجيبت مدينة نصر مع الاستاذ/احمد مصطفى مسئول المبيعات انا حاجز من يوم 10/11 وكلمتهم من 3 ايام قالولى لسة شوية كتير بس مش راضيين يقولولى ميعاد محدد وطبعا الكلمة المعتادة هانبقى نكلم حضرتك
وربنا يسهل ونستلم انشاء الله وكلنا ندعي

[hatahet]

انا كمان حاجز سوبر صالون من يوم 2/نوفمبر ولسا ماستلمتش بس انا روحت المعرض النهارده وقالولى ان اللون السيلفر موجود بس انا حاجز لون اسود او برونزى بس انا عرفت ان المصنع كان موقف التسليمات بسبب بعض التصليحات للعيوب اللى الناس اشتكت منها بس الدفعة من الالوان الاخرى هتيجى ان شاء الله الاحد الجى وربنا يسهل علشان كده الواحد يزهق بس بصراحه ماشاء الله العربية تستاهل الصبر

[hossam_elwani]

انا اعتقدت ان الاقبال علياه قل عن الاول

[youssef_u]

انا كمان حاجز من ١٩ اكتوبر و كلمتهم النهرده ( النهرده ١٩ ديسمبر ) قالولي ممكن تدخل في ٣ شهور مع اني لما حجزت قالولي شهرين ونص بالكتير ،،، انا حاجز من فرع المهندسيين

[hisham_hamza]

انا كمان حاجز سوبر صالون من يوم 2/نوفمبر ولسا ماستلمتش بس انا روحت المعرض النهارده وقالولى ان اللون السيلفر موجود بس انا حاجز لون اسود او برونزى بس انا عرفت ان المصنع كان موقف التسليمات بسبب بعض التصليحات للعيوب اللى الناس اشتكت منها بس الدفعة من الالوان الاخرى هتيجى ان شاء الله الاحد الجى وربنا يسهل علشان كده الواحد يزهق بس بصراحه ماشاء الله العربية تستاهل الصبر

انا حاجز برونزي بس مش عارف ليه انا حاسس ان التأخير ده في التسليم عشان زيادة الأسعار

[hisham_hamza]

انا كمان حاجز من ١٩ اكتوبر و كلمتهم النهرده ( النهرده ١٩ ديسمبر ) قالولي ممكن تدخل في ٣ شهور مع اني لما حجزت قالولي شهرين ونص بالكتير ،،، انا حاجز من فرع المهندسيين

انا لما غيرت لسوبر صالون قالولي كويس عشان تستلم بسرعه خلال شهرين
وشكلي حاخش على تلات شهور وماستلمتش برضو

[mmohamed15]

انا ملاحظ ان استاذ حسام علواني صرف نظر عن النيو صني خالص

[youssef_u]

عايزين عضوية auto egypt اللي عالمنتدى تدخل تشوف حل للمشاكل ديه

[Hamdy alaswiny]

السلام عليكم ورحمة الله وبركاته انا حاجز بتاريخ 15/11اوتو ايجبت المهندسين بس محتاج اعرف تاريخ محدد للاستلام لكى ابيع السيارة القديمة قبل الاستلام وده طبعا الوكيل لايوفره لذا ارجو للافادة للحاجزين ومن سيقوم بالحجز من الاعضاء المحترمين مالكى سوبر صالون اخبارنا بتاريخ الحجز وتاريخ الاستلام واسم الوكيل ودرجة التزامه بميعاد ومواصفات التسليم وجزاكم الله خيرا

[hatahet]

انا حاجز برونزي بس مش عارف ليه انا حاسس ان التأخير ده في التسليم عشان زيادة الأسعار

الكلام دا كان من مركز صيانة national union الدراسه انا كنت روحت علشان اطمن من ناحية بعض العيوب كان كتير من اللي استلموا قبل وقف التسليمات اشتكوا منها بس الحمد لله اطمنت وربنا يسهل ويستر

[man1974]

السلام عليكم،
أنا حاجز من 3/11/2012 من شركة آي إف جي (وكيل نيسان) الإسماعيلية ولسه مستلمتش (في 21 نوفمبر اتصلوا بيا عشان أستلم، ولما روحت ليقت العربية متخربشة كأنها طالعة من خناقة استخدم فيها سنج وسيوف فرفضت الاستلام. واعتقد أنهم مش عايزين يسلموا عربيات خلال النصف الثاني من شهر ديسمبر حتى لو العربيات موجودة عندهم عشان لو فيه ا زيادة في السعر يطبقوها في 1 يناير.
عموما هما بخططوا وأنا بخطط برده وأصبحت مستعد لأول يناير وهنشوف إيه إللي هيصل وجهزت قيمة الأوفر برايس بس مش عشان اشتري نيسان صني سوبر صالون، عشان اقلب واشتري كيا ريو أو النترا مانيوال أو أكسنت آر بي. وتوبة أشتري عربية بالسعر الرسمي تاني لان شركة نيسان متعرفش يعني إيه عميل تعرف بس تلم فلوس، وعلى فكرة لما روحت استلم العربية لاحظت شوية حاجات:
- باب النيسان صني السوبر صالون الشكل الجديد لازم ترقعه زي باب الـفيات 128 (والله قفلته بتلقائية مرتين ومش عاوز يقفل). أنا كان معايا عربية كوري 2006 كان لما تبقى واقفة في مكان مايل لاتجاه قفل الباب كان الباب بيقفل لوحده.
- عصاية رفع الكبوت تصميمها غبي، يعني لو رحت لواحد حداد هيعملوا أحسن من كده 100 مرة
- الكوتش شكله صغير على العربية

لاحظوا إن دي ملاحظات وأنا لسه مركتبتش العربية، هنقول إيه، ربنا يستر

بصراحة الواحد زهق من البلد دي

[hisham_hamza]

السلام عليكم،
أنا حاجز من 3/11/2012 من شركة آي إف جي (وكيل نيسان) الإسماعيلية ولسه مستلمتش (في 21 نوفمبر اتصلوا بيا عشان أستلم، ولما روحت ليقت العربية متخربشة كأنها طالعة من خناقة استخدم فيها سنج وسيوف فرفضت الاستلام. واعتقد أنهم مش عايزين يسلموا عربيات خلال النصف الثاني من شهر ديسمبر حتى لو العربيات موجودة عندهم عشان لو فيه ا زيادة في السعر يطبقوها في 1 يناير.
عموما هما بخططوا وأنا بخطط برده وأصبحت مستعد لأول يناير وهنشوف إيه إللي هيصل وجهزت قيمة الأوفر برايس بس مش عشان اشتري نيسان صني سوبر صالون، عشان اقلب واشتري كيا ريو أو النترا مانيوال أو أكسنت آر بي. وتوبة أشتري عربية بالسعر الرسمي تاني لان شركة نيسان متعرفش يعني إيه عميل تعرف بس تلم فلوس، وعلى فكرة لما روحت استلم العربية لاحظت شوية حاجات:
- باب النيسان صني السوبر صالون الشكل الجديد لازم ترقعه زي باب الـفيات 128 (والله قفلته بتلقائية مرتين ومش عاوز يقفل). أنا كان معايا عربية كوري 2006 كان لما تبقى واقفة في مكان مايل لاتجاه قفل الباب كان الباب بيقفل لوحده.
- عصاية رفع الكبوت تصميمها غبي، يعني لو رحت لواحد حداد هيعملوا أحسن من كده 100 مرة
- الكوتش شكله صغير على العربية

لاحظوا إن دي ملاحظات وأنا لسه مركتبتش العربية، هنقول إيه، ربنا يستر

بصراحة الواحد زهق من البلد دي

أنا اخري الاسبوع الده لو ماستلمتش حالغي الحجز