حجز الصني السوبر صالون

[hossam_elwani]

السلام عليكم،
أنا حاجز من 3/11/2012 من شركة آي إف جي (وكيل نيسان) الإسماعيلية ولسه مستلمتش (في 21 نوفمبر اتصلوا بيا عشان أستلم، ولما روحت ليقت العربية متخربشة كأنها طالعة من خناقة استخدم فيها سنج وسيوف فرفضت الاستلام. واعتقد أنهم مش عايزين يسلموا عربيات خلال النصف الثاني من شهر ديسمبر حتى لو العربيات موجودة عندهم عشان لو فيه ا زيادة في السعر يطبقوها في 1 يناير.
عموما هما بخططوا وأنا بخطط برده وأصبحت مستعد لأول يناير وهنشوف إيه إللي هيصل وجهزت قيمة الأوفر برايس بس مش عشان اشتري نيسان صني سوبر صالون، عشان اقلب واشتري كيا ريو أو النترا مانيوال أو أكسنت آر بي. وتوبة أشتري عربية بالسعر الرسمي تاني لان شركة نيسان متعرفش يعني إيه عميل تعرف بس تلم فلوس، وعلى فكرة لما روحت استلم العربية لاحظت شوية حاجات:
- باب النيسان صني السوبر صالون الشكل الجديد لازم ترقعه زي باب الـفيات 128 (والله قفلته بتلقائية مرتين ومش عاوز يقفل). أنا كان معايا عربية كوري 2006 كان لما تبقى واقفة في مكان مايل لاتجاه قفل الباب كان الباب بيقفل لوحده.
- عصاية رفع الكبوت تصميمها غبي، يعني لو رحت لواحد حداد هيعملوا أحسن من كده 100 مرة
- الكوتش شكله صغير على العربية

لاحظوا إن دي ملاحظات وأنا لسه مركتبتش العربية، هنقول إيه، ربنا يستر

بصراحة الواحد زهق من البلد دي

على فكره موضوع قفل الباب ده مش فى كل العربيات لان على العكس تماما اعجبت جدا بقفلة الباب السلسه لما شفتها فى المعرض

[man1974]

على فكره موضوع قفل الباب ده مش فى كل العربيات لان على العكس تماما اعجبت جدا بقفلة الباب السلسه لما شفتها فى المعرض

ربما يكون هذا صحيح.
شكرا لك

[saint2011]

صبرا يا جماعة والله العربية تستاهل الأنتظار أنا حجزت العربية يوم 11/06/2012 يعنى تانى يوم من الأعلان عنها فى حفل ماريوت ميراج وقالولى هتستلم بعد شهر وأستلمت بعد 75 يوم بالتمام والكمال والصبر مفتاح الفرج

[limo81]

السلام عليكم،
أنا حاجز من 3/11/2012 من شركة آي إف جي (وكيل نيسان) الإسماعيلية ولسه مستلمتش (في 21 نوفمبر اتصلوا بيا عشان أستلم، ولما روحت ليقت العربية متخربشة كأنها طالعة من خناقة استخدم فيها سنج وسيوف فرفضت الاستلام. واعتقد أنهم مش عايزين يسلموا عربيات خلال النصف الثاني من شهر ديسمبر حتى لو العربيات موجودة عندهم عشان لو فيه ا زيادة في السعر يطبقوها في 1 يناير.

أنا من الأول سبق وقلت إن شركه " آي إف جي ifg" كدابين وحراميه.....فرع السويس وأكيد فروعه التانيه فى الاسماعيليه و سيناء نفس الكلام

[limo81]

صبرا يا جماعة والله العربية تستاهل الأنتظار أنا حجزت العربية يوم 11/06/2012 يعنى تانى يوم من الأعلان عنها فى حفل ماريوت ميراج وقالولى هتستلم بعد شهر وأستلمت بعد 75 يوم بالتمام والكمال والصبر مفتاح الفرج

+1111111
انا استنيت اكتر من 3 شهور فى كل فرع حجزت فيه واقرأ مشاركتى

http://www.nilemotors.net/Nile/324303-2013.html

فعلاً..تستحق الانتظار والصبر
الحمد لله العربيه مريحه جداً وسواقتها ممتعه
ولو دورت فى العربيات على واحده فيها كل المميزات والاوبشنز والسعر ده مش هتلاقى
وباقى العربيات اللى بالاوبشنز ده ونفس فئه العربيه سعرهم آسف...سرقه

[limo81]

على فكره موضوع قفل الباب ده مش فى كل العربيات لان على العكس تماما اعجبت جدا بقفلة الباب السلسه لما شفتها فى المعرض

تمام الابواب مافيهاش أى حاجه ونيسان فعلا مهتمه بدليل انهم كل شهر عن التانى بيحسنوا من جوده التقفيل

[limo81]

ولما روحت ليقت العربية متخربشة كأنها طالعة من خناقة استخدم فيها سنج وسيوف فرفضت الاستلام. واعتقد أنهم مش عايزين يسلموا عربيات خلال النصف الثاني من شهر ديسمبر حتى لو العربيات موجودة عندهم عشان لو فيه ا زيادة في السعر يطبقوها في 1 يناير.

انا قلتلك رأيى فى الشركه دى وخساره فيه توكيل نيسان...
وكمان واحد زميلى صاحبه كان اشترى منهم هيونداى النترا 2012 واستلم وفى صيانه الالف واثناء تغيير الزيت اكتشف ان العربيه مخبوطه جامد من تحت وفيما بعد ولانه من السويس واغلب الناس عارفه بعض ..عرف ان كان فيه عربيه النترا وقعت من احدى سيارات النقل فى الميناء "والعربيه للاسف برضه فيما بعد عرف انها مغيره باب

وحسبنا الله ونعم الوكيل فى التجار الحراميه

[Hamdy alaswiny]

+1111111
انا استنيت اكتر من 3 شهور فى كل فرع حجزت فيه واقرأ مشاركتى

http://www.nilemotors.net/nile/324303-2013.html

فعلاً..تستحق الانتظار والصبر
الحمد لله العربيه مريحه جداً وسواقتها ممتعه
ولو دورت فى العربيات على واحده فيها كل المميزات والاوبشنز والسعر ده مش هتلاقى
وباقى العربيات اللى بالاوبشنز ده ونفس فئه العربيه سعرهم آسف...سرقه

مارايك فيات ليينا انا متابع انك كنت بتفكر فى شرائها خاصة ان مواصفاتها تعتبر جيدة جدا فى سعر الفئة الاولى خاصة انا حاجز السوبر صالون بس بفكر فى اللينا لو تاخر التسليم ما رايك بعد استلامك السيارة

[limo81]

آآخ...انت كده جيت ع الجرح
بص يا سيدی انا من عشاق الاوروبی واللينيا ممتازه كسعر واوبشنز وسيفتی وكذلك النيسان
وانا اثناء بحثي سألت الناس اللي عندها لينيا يعني ملاكها مش نظام سمعت وبيقولوا وكده
العربيه ممتازه ولكن الناس بتشتكي مر الشكوی من التوكيل اللی قطع الغيار عنده فقط حصرياً زی كاس العالم وكمان سعرها غااالي والتوكيل كمان سئ جدا فنياً لدرجه ان اصحاب العربيات عاملين زی ائتلاف كده وبيستنوا يجيبوا القطع اللی عايزينها من تركيا جمله واحده وبيركبوها عند واحد معرفه بره التوكيل
ومع ذلك كنت هغامر وهاعملها بس قلت امشي في المضمون زي الناس والحاجه موجوده وسعر علي قد الايد وساعتها
كلموني في التوكيل وقالولي العروسه وصلت والحمدلله

[limo81]

وللأمانه وعن تجربه الصني الجديده محترمه بمعني الكلمه وتستاهل الانتظار
والحمدلله وده الرد باختصار
وربنا معاك ويصبرك لاني كنت محتار زيك بالضبط

[Hamdy alaswiny]

وللأمانه وعن تجربه الصني الجديده محترمه بمعني الكلمه وتستاهل الانتظار
والحمدلله وده الرد باختصار
وربنا معاك ويصبرك لاني كنت محتار زيك بالضبط

ربنا يباركلك فيها ويكفيك شرها

وشكرا لذوقك وردك لانى بصراحة العربية كانت عاجبنى جدا وكنت خايف من التوكيل فعلا وكنت حالغى حجز السوبر صالون بس انت اكدت شكوكى حوالين التوكيل
شكرا ليك مرة تانية وربنا يصبرنا على مواعيد الاستلام

[limo81]

لا شكر علی واجب وربنا يريح قلبك
وأی استفسار أنا أو غيری مش هنتأخر بإذن الله

[man1974]

انا قلتلك رأيى فى الشركه دى وخساره فيه توكيل نيسان...
وكمان واحد زميلى صاحبه كان اشترى منهم هيونداى النترا 2012 واستلم وفى صيانه الالف واثناء تغيير الزيت اكتشف ان العربيه مخبوطه جامد من تحت وفيما بعد ولانه من السويس واغلب الناس عارفه بعض ..عرف ان كان فيه عربيه النترا وقعت من احدى سيارات النقل فى الميناء "والعربيه للاسف برضه فيما بعد عرف انها مغيره باب

وحسبنا الله ونعم الوكيل فى التجار الحراميه

حسبنا الله ونعم الوكيل، بس فيه سؤال بيطرح نفسه: مش ده برضو وكيل ممثل لشركة نيسان، والمفروض إن شركة نيسان اسم عريق في عالم السيارات، والمفروض إن شركة نيسان تكون حاصلة على شهادات اعتماد زي شهادة الآيزو مثلا، ويكون فيه إجراءات سنوية لتقييم الموردين وإجراءات لتقييم أداء الوكلاء وإجراءات لتقييم رضا العملاء، أنا اتصلت بشركة نيسان بالتلفون ورد عليا موظف محترم جدا، قلته أنا حاجز سوبر صالون وعايز أعرف هستلم امتى، عرفين رد علي قالي إيه: إحنا بنطلع العربيات للوكيل مبنعرفش هو ببيعها لمين. طيب أنا مكتوبي في الإيصال شهر ونص، والشهر والنص خلصه، وكنت أنا الوحيد إللي حاجز السوبر صالون، طيب أعمل إيه؟ في بلاد بره، في مقولة حلوه، بيقولوها، وهي دايما حط نفسك مكان العميل وعالج أي مشكلة على هذا الأساس، وعشان كده هما استجابتهم سريعة لأي شكوى من العميل، أنا ممكن ابعت فاكس وأيميل بالإنجليزي لشركة نيسان مصر، لو مردوش ممكن أبعد لخدمة العملاء في نيسان الشرق الأوسط في دبي، ولو مردوش وحلو الموضوع ممكن أبعت لنيسان اليابان، بس السؤال، ليه وعشان إيه، في مثل إيطالي ظريف بيقول:
Amare e non essere amato è tempo perso
والمثل ده معناه: إذا كنت بتحب واحدة وبتجري ورائها وهي مبتحبكش، يبقى إنتا كده بضيع وقتك.

وتصبحوا على خير.

[pop]

السلام عليكم لكل الأعضاء المحترمين
انا حاجز نيسان صنى من اتو ايجبت مدينه نصر بتاريخ 24/10/2012 ولحد دلوقتى لسه مافيش اى حد كلمنى و انا قريت ان فى اعضاء كتير حاجزين ولسه ما استلموش ايه رأيكو نعرف كام واحد حاجز ولسه ما استلمش ومن قد ايه هو حاجز علشان نعرف هما بجد موقفين التسليم علشان زياده الاسعار ولا علشان فى زياده طلب على السياره نفسها
1- ايهاب محمد تاريخ الحجز 24/10/2012

[youssef_u]

معاك يا باشا " pop "