التيدا جابت وش سلندر

[Dr.A.Nabil]

امبارح رايح اركب ادور العربيه مادارتش
بتدي مارش ومش عايزه تدور
المهم وانا بابص في الريدياتير كده لقيت مفيش مياه
بصيت على الريدياتير لقيت مافيهوش ولا نقطه مياه
اتاري هناك تسريب من غير ما اعرف
بصيت على الزيت لقيته عامل طحينه
طبعا العربيه سخنت وللأسف ماديتنيش اي انذار ولا لمبه الحراره نورت ولا اي حاجه للأسف
طلعت على التوكيل
طبعا اترفعت بالونش
وهايتكشف عليها بكره
وربنا يستر هناك 3 احتمالات
-يا اما يكون الموضوع بسيط وهايكون تغيير جوانات بس
يا اما وش السلندر ضري
يا اما هاضطر اجيب موتور جديد استيراد

كل ده لان أم لمبة الحراره ما نورتش ولا اي حاجه حصلت ولا تنبيه ولا يحزنون

فابقوا خلوا بالكم من موضوع المياه الله يكرمكم لأن لو سربت مش هاتعرف

[Sehsss]

لا حول ولا قوة إلا بالله، ابقى طمنا إيه الأخبار

[buddha]

كان الله فى عونك

[M_Marwan]

ربنا معاك بسيطه ان شاء الله

[Dr'AhmZZong]

لا حول ولا قوة الا بالله ..

خيييييير إن شاء الله يا دووووووك ..

[saint2011]

ربنا معاك يا دكتور أبقى طمنا لو سمحت وأنشاء الله خير

[Dr.A.Nabil]

ادعولي الله يكرمك

[lanos2004]

يا نهار ابيض

[Land_Cruiser]

ربنا معاك يا فندم و يارب يلاقولها حل

[S O P H O S]

ربنا يستر وتكون بسيطة ..

[MARTINDALE]

ياراجل ماتفاولش بالشر ان شاء الله خير . موتور ايه بس اللي بتتكلم فيه . ده جوان وش السلندر , وش السلندر مش هيضرب من اول مره الا لو كانت بقالها فتره بتسخن منك وده محصلش , اللمبه لو ما نورتش فيه اعراض تانيه هتخليك تعرف ان فيه حراره اولها ان الموتور هيبطل فجاءه والعربيه هتسقف جامد .
الطحينه دي بتحصل بمجرد اختلاط الميه مع الزيت ومش شرط يكون وش السلندر ضرب .
ولو لاقدر الله الوش ضرب هتجيبه استيراد نضيف وموتور عربيتك يرجع زي الاول واحسن ولا كانه في حاجه حصلت .

بالتوفيق.

[limo81]

ربنا يسترها ويطمنك

[mero100]

ساعات بحس ان مؤشر الحراره يعتمد عليه اكتر من موضوع لمبه الحراره اللي ابتدي يرجع تاني في موديلات زي التيدا و النيو اكسنت .... اعتقد موضوع لمبه الحراره ده كان منتشر في العربيات زمان ... و بعد كده تم تطويره لمؤشر .

[Abdm]

هو مؤشر الحرارة مش شغال ولا أية ... راجع علية وربنا يسترها معاك ومعانا .

[kliken]

ان شاء الله تطلع بسيطه و يا ريت تطمنا على طول