إعـــــــلان

Collapse

.

,
See more
See less

تشغيل انذار نيو صنى 2013 وتغيير صاجة التيل الخلفى

Collapse
X
 
  • Filter
  • الوقت
  • Show
Clear All
new posts

  • تشغيل انذار نيو صنى 2013 وتغيير صاجة التيل الخلفى

    بسم الله الرحمن الرحيم والصلاة السلام على اشرف المرسلين سيدنا محمد سيد الخلق اجمعين صلى الله عليه وسلم

    السلام عليكم

    انا هتكلم فى 3 نقاط:-

    1- طبعا كل الاعضاء عارفين موضوع صوت الفرامل للعربيه وهى بتقف وهو صوت زى التريلا وروحت امبارح اوتو ايجيبت وعالجو الموضوع وزى ما احد الاعضار الكرام قال ان التكلفة فعلا حوالى 4700 جنبه بس المشكله نفسى اعرف هما غيرو ايه اصل كلمه صاجه ومبلغ 4700 اكيد هما غيرو حاجات باردو بس انا معرفش.

    2- قابلت واحد يمتلك نبو صنى وعامل بيها 45000 كيلو متر غير طنابير اماميه عند 25000 وباردو قالى التاكل حصل تانى فيها وقال ان التيل لما يبقى ناشف بياكل فى الطنبورة نفس الكلام اللى قاله ليا واحد ميكانيكى اعرفه وانا فعلا لما وضعت ايدى على الطنبورة عندى لقيت فيها شفه وفيها عالى وواطى فدى اعتقد المشكله القادمه اللى عايزة حل ولو اتغيرت الطنابير وهو هو نفس نوعيه التيل اكيد المشكله هتفضل موجودة .
    اخيرا خبر حلو...............الانذار
    3- تشغيل الانذار .........انا لما قرات الكتاوج وحاولت افعل الانذار بصراحة معرفتش قولت اكيد هى ما فيهاش انذار المهم امبارح كنت بتكلم مع مهندس الاستقبال بموضوع اجيب انذار ايه وقال هى فيها قولته دا ايموليزر المهم لقيته كتب ضبط برمجه المفتاح
    المهم كنت من فترة قولت لنفسى افتح باب السائق واقفله لما اجى اركب بالمفتاح على اساس اشغل الكالون شويه امبارح بعد التوكيل روحت مشوار ولما جيت افتح بالمفتاح فتح الباب بعد 6.2 ثانيه الكلاكس بداء يذمر وفلاشر الانتظار اشتغل!!!!!!!!!!!!!!!!!!
    بعد برمجه المفتاح فى التوكيل لاحظت الاتى :-
    1- لما تقفل الابواب كلها بالريموت لاحظت ان لمبة الايمبولايزر اللى فى التابلوه بتضى لمده 30 ثانيه وبعد كده بتضى وتطفى كل 3 ثوانى
    2-لو الابواب كلها كانت مقفوله وانت نزلت من العربيه وقفلت باب السائق بالمفتاح لا يعمل الانذار فى هذه الحاله لازم تقفله بالريموت
    3- لما الانذار بشتغل بتطفيه عن طريق الريموت بزرار فتح الابواب فى الريموت اما زرار الغلق انا مجربتوش او تضع المفتاح فى الكونتاكت وتشغل العربيه وساعتها الانذار هيبطل.
    اتمنى ان اكون اسعدتكم بهذا الخبر يعنى حبه حزن نقطه2 حبه فرح نقطه 3


    والسلام عليكم ورحمة الله
    سبحان الله وبحمده سبحان الله العظيم
    اللهم صلى على سيدنا محمد صلى الله عليه وسلم

  • #2
    شكرا يا باشا على موضوع الانذار، انت عملت كدا سبق صحفي
    بس بصراحة مش فاهم ايه الفكرة ان العربية تخرج من المصنع من غير الانذار مايتفعل!

    Comment


    • #3
      رنب يستر من موضوع الصفارة دا لان دا عيب منتشر فى الصنى الجديد كلة و ربنا يكرم بلدنا دى و يتعدل حالها
      والف مبروك على تفعيل الانذار بس هو حضرتك معرفتش هو اشتغل ازاى او فعلوه ازاى فى اتو ايجبت ؟؟؟ و معلش ممكن توضحلى اكتر الانذار دا غير الايمبوليزر فى ايه ؟؟؟

      Comment


      • #4
        سلاموا عليكم

        شكرا علي معلومة برمجة المفتاح عشان الانذار يشتغل
        البرمجة مجانا ؟؟
        وعربيتك سوبر صالون ولا العادية ؟

        Comment


        • #5
          الايمبوليزر معناه ان العربية موتورها مايدورش الا بمفتاحها المشفر
          اما الانذار لو حد حاول يفتح الباب عشان يسرق او لو حد بيحاول يفتح الكبوت او الشنطة هتطلع صوت السرينة

          Comment


          • #6
            المشاركة الأصلية كتبت بواسطة hatahet مشاهدة المشاركة
            رنب يستر من موضوع الصفارة دا لان دا عيب منتشر فى الصنى الجديد كلة و ربنا يكرم بلدنا دى و يتعدل حالها
            والف مبروك على تفعيل الانذار بس هو حضرتك معرفتش هو اشتغل ازاى او فعلوه ازاى فى اتو ايجبت ؟؟؟ و معلش ممكن توضحلى اكتر الانذار دا غير الايمبوليزر فى ايه ؟؟؟
            نظام الايمبوليزر بالمخنصر ان العربيه ما تدورش الا بالمفتاح بتاعها يعنى لو حاولت تشغلها باى طريقة تانيه ما تشتغلش .اما الانذار هو ان حد يحاول فتح العربيه يشتغل الانذار فى نيو صنى كان الايمبوليزر شغال عادى لكن الانذار كان غير متفعل وانا ظنيت زى كل الاعضاء ان ما فيهاش انذار بس الحمدلله ربنا كرم والواحد وعرفه المشكله ان تكون معاك امكانيه وانت مش عارف بس فالاول والاخر الحمدلله

            Comment


            • #7
              المشاركة الأصلية كتبت بواسطة mohamed halim مشاهدة المشاركة
              سلاما عليكم

              شكرا علي معلومة برمجة المفتاح عشان الانذار يشتغل
              البرمجة مجانا ؟؟
              وعربيتك سوبر صالون ولا العادية ؟
              بصراحه كل اللى انا دفعته 22 جنيه فقط تمن غسيل الموتور بالفوم والعربيه اللى معايا ex

              Comment


              • #8
                سؤال لو سمحت انت قبل ما تروح التوكيل ويتم تفعيل الانذار هل كنت بتفتح بالمفتاح كالون الباب وكانت العربية مش بتشغل الانذار و لا الفلاشر

                طب بعد إذنك ممكن تجرب حاجة بعد ما تم تفعيل الانذار معاك

                اترك زجاج باب السائق مفتوح و اقفل الابواب من الريموت و انتظر اكتر من 90 ثانية (على ما اتذكر من الكتالوج دى المدة اللازمة لتفعيل الانذار الامنى ) ثم حاول تمد ايدك من شباك باب السائق المفتوح و افتح لوك الباب وافتح الباب وشوف هل هيشتغل صوت الانذار أم لا

                انا لما جربت انا و اعضاء آخرين نفس الكلام ده قبل ذلك لم يعمل الانذار لا صوت و لا فلاشر

                Comment


                • #9
                  حضرتك غيرت الصاجة على حسابك ولا في الضمان؟؟؟؟

                  Comment


                  • #10
                    المشاركة الأصلية كتبت بواسطة dodyam مشاهدة المشاركة
                    سؤال لو سمحت انت قبل ما تروح التوكيل ويتم تفعيل الانذار هل كنت بتفتح بالمفتاح كالون الباب وكانت العربية مش بتشغل الانذار و لا الفلاشر

                    طب بعد إذنك ممكن تجرب حاجة بعد ما تم تفعيل الانذار معاك

                    اترك زجاج باب السائق مفتوح و اقفل الابواب من الريموت و انتظر اكتر من 90 ثانية (على ما اتذكر من الكتالوج دى المدة اللازمة لتفعيل الانذار الامنى ) ثم حاول تمد ايدك من شباك باب السائق المفتوح و افتح لوك الباب وافتح الباب وشوف هل هيشتغل صوت الانذار أم لا

                    انا لما جربت انا و اعضاء آخرين نفس الكلام ده قبل ذلك لم يعمل الانذار لا صوت و لا فلاشر
                    هجرب واقولك

                    Comment


                    • #11
                      المشاركة الأصلية كتبت بواسطة engamin مشاهدة المشاركة
                      نظام الايمبوليزر بالمخنصر ان العربيه ما تدورش الا بالمفتاح بتاعها يعنى لو حاولت تشغلها باى طريقة تانيه ما تشتغلش .اما الانذار هو ان حد يحاول فتح العربيه يشتغل الانذار فى نيو صنى كان الايمبوليزر شغال عادى لكن الانذار كان غير متفعل وانا ظنيت زى كل الاعضاء ان ما فيهاش انذار بس الحمدلله ربنا كرم والواحد وعرفه المشكله ان تكون معاك امكانيه وانت مش عارف بس فالاول والاخر الحمدلله
                      شكرا يا كبيير انا كنت بدور على النت فى موضوع تفعيل الانذار دا و لاقيت الموضوع دا http://...........com/vb/showthread.php?t=99533

                      ودا مضمون الكلام فى هذا الموضوع لو ال link مافتحش
                      ريقة ضبط حساسية جهاز الإنذار .. وطبعا أنا مكتبتش الموضوع غير لما جربت وإن كان ليا بعض الملاحظات هذكرها فى آخر الموضوع
                      فى البداية أنا هشرح إللى عملته بشكل أقرب إلى اللغة العامية عشان يكون واضح للجميع وبعيدا عن الترجمة الحرفية للكتالوج إللى كتير مننا مكنش فاهمها
                      نبدأ بسم الله
                      الخطوة الأولى : بعد ما حضرتك تفتح السيارة تدخل جواها وتقفل الأبواب وتحتفظ بالمفتاح فى إيدك (برة الكونتاكت) ومن الأفضل عمليا فى الوقت ده فصل الريموت عن المفتاح لو هم فى ميدالية واحدة ولاحظ لمبة الإنذار الموجودة فى التابلوه هتلاقيها بتنور وتطفى بسرعة

                      الخطوة التانية : دلوقتى حضرتك جوه العربية والمفتاح فى إيدك تنتظر حتى تدخل العربية فى وضع مانع السرقة (وهو حوالى 30 ثانية) بالمناسبة أثناء الوقت ده لو فتحت الباب إشارات الإنتظار هتشتغل لكن متحاولش تفتح الباب دلوقتى وعشان تتأكد إن السيارة فى وضع مانع السرقة هتلاقى نور الإنتظار نور مرة واحده وطفى واللمبة الحمراء إللى فى التابلوة بتاعت الإنذار (إللى فوق زرار المرايات) بدأت تنور وتطفى ببطء

                      الخطوة الثالثة : بعد ما ينور الإنتظار ويطفى مرة واحده ضع المفتاح فى الكونتاكت هتلاقى نور الإنتظار بدأ ينور ويطفى بشكل مستمر أثناء ذلك قم بفتح الباب وغلقة مرتين ثم إبدا فى فتح الكونتاكت على الوضع On أو بمعنى آخر لحد ما العدادات تنور ثم قم بإطفاؤة (الرجوع هنا هيكون لحد الوضع ACC لا تضغط على المفتاح وتحاول توصيه إلى lock قم بذلك 3 مرات فتح ثم غلق ثم فتح ثم غلق ثم فتح ثم غلق)

                      الخطوة الرابعة : بعد إتمام الخطوة الثالثة بشكل صحيح لاحظ اللمبة الحمراء بتاعت الإنذار هتلاقيها منورة بشكا ثابت (مش بتنور وتطفى) وهنا تكون السيارة مستعدة للبرمجة (تعديل الوظائف الإختيارية)

                      الخطوة الخامسة : بما إننا هنا بنتكلم عن حساسية جهاز الإنذار يبقى هختصر الجدول الموجود فى الكتالوج وندخل على موضوعنا وهو كما ورد بالكتالوج 8 ضغطات على زرار Lock ولاحظ إن فى كل دوسة العربية هتزمر معاك مرة وأحيانا مرتين بعد ما توصل للضغطة رقم 8 كده إنت هتبدأ تعدل فى الحساسية

                      الخطوة السادسة : ركزوا معايا فى الخطوة دى بقى إفتح الباب وإقفلة هتلاقى العربية زمرت مرة إفتح وأقفل هتلاقيها زمرت مرتين إفتح وإقفل هتلاقيها زمرت 3 والمرة الأخيرة هتزمر 4 مرات ودول الأربع حساسيات بتوع جهاز الإنذار (كل حساسية بيعبر عنها بعدد الزمارات)

                      الخطوة السابعة : لتثبيت أى حساسية أترك السيارة لمده 30 ثانية هتلاقيها إشتغلت جهاز الإنذار أو هات المفتاح على الوضع On برده هتلاقى الإنذار إشتغل

                      ملحوظة هامة : الدوس على زرار Lock أقل من العدد 8 سوف يؤدى إلى تعديل خصائص أخرى للسيارة (يرجى مراجعة الكتالوج فى هذا الشأن) لذلك تأكد من كل دوسة بسماع صوت الزمارة

                      فى النهاية أرجو أكون قدمت حاجة مفيده فى أول موضوع ليا أو على الأقل ساعدت فى فهم بعض طلاسم الكتالوج وللعلم أنا بردة جربت ده على سبيل العلم بالشئ ورجعت العربية تانى على الحساسية الرابعة عشان زى ما حضراتكوا عارفين فى بلدنا الأطفال أحيانا بيبقى مزاجهم اللعب فى العربيات إللى بتذمر لكن أنا حبيت أعرف التجربة عشان لو رحت مكان مش آمن أو حاجة أقدر أضبط الحساسية وأولا وأخيرا ربنا هو الحارس وإحنا بس بناخد بالأسباب






                      هل الكلام دا مظبوط و جربه و اتوكل على الله ولا كل عربيه و ليها طريقة ؟؟!!!

                      Comment


                      • #12
                        المشاركة الأصلية كتبت بواسطة Moh.El Saady مشاهدة المشاركة
                        حضرتك غيرت الصاجة على حسابك ولا في الضمان؟؟؟؟
                        فى الضمان

                        Comment


                        • #13
                          المشاركة الأصلية كتبت بواسطة engamin مشاهدة المشاركة
                          فى الضمان

                          غريبة !!! كان فيه زميل هنا في المنتدي بيقول انه غيرها على حسابه مش عارف ليه؟؟

                          Comment


                          • #14
                            المشاركة الأصلية كتبت بواسطة moh.el saady مشاهدة المشاركة
                            غريبة !!! كان فيه زميل هنا في المنتدي بيقول انه غيرها على حسابه مش عارف ليه؟؟
                            ممكن يكون بيتلكم على الطنابير الاماميه ؟؟

                            Comment


                            • #15
                              المشاركة الأصلية كتبت بواسطة hatahet مشاهدة المشاركة
                              شكرا يا كبيير انا كنت بدور على النت فى موضوع تفعيل الانذار دا و لاقيت الموضوع دا http://...........com/vb/showthread.php?t=99533

                              ودا مضمون الكلام فى هذا الموضوع لو ال link مافتحش
                              ريقة ضبط حساسية جهاز الإنذار .. وطبعا أنا مكتبتش الموضوع غير لما جربت وإن كان ليا بعض الملاحظات هذكرها فى آخر الموضوع
                              فى البداية أنا هشرح إللى عملته بشكل أقرب إلى اللغة العامية عشان يكون واضح للجميع وبعيدا عن الترجمة الحرفية للكتالوج إللى كتير مننا مكنش فاهمها
                              نبدأ بسم الله
                              الخطوة الأولى : بعد ما حضرتك تفتح السيارة تدخل جواها وتقفل الأبواب وتحتفظ بالمفتاح فى إيدك (برة الكونتاكت) ومن الأفضل عمليا فى الوقت ده فصل الريموت عن المفتاح لو هم فى ميدالية واحدة ولاحظ لمبة الإنذار الموجودة فى التابلوه هتلاقيها بتنور وتطفى بسرعة

                              الخطوة التانية : دلوقتى حضرتك جوه العربية والمفتاح فى إيدك تنتظر حتى تدخل العربية فى وضع مانع السرقة (وهو حوالى 30 ثانية) بالمناسبة أثناء الوقت ده لو فتحت الباب إشارات الإنتظار هتشتغل لكن متحاولش تفتح الباب دلوقتى وعشان تتأكد إن السيارة فى وضع مانع السرقة هتلاقى نور الإنتظار نور مرة واحده وطفى واللمبة الحمراء إللى فى التابلوة بتاعت الإنذار (إللى فوق زرار المرايات) بدأت تنور وتطفى ببطء

                              الخطوة الثالثة : بعد ما ينور الإنتظار ويطفى مرة واحده ضع المفتاح فى الكونتاكت هتلاقى نور الإنتظار بدأ ينور ويطفى بشكل مستمر أثناء ذلك قم بفتح الباب وغلقة مرتين ثم إبدا فى فتح الكونتاكت على الوضع on أو بمعنى آخر لحد ما العدادات تنور ثم قم بإطفاؤة (الرجوع هنا هيكون لحد الوضع acc لا تضغط على المفتاح وتحاول توصيه إلى lock قم بذلك 3 مرات فتح ثم غلق ثم فتح ثم غلق ثم فتح ثم غلق)

                              الخطوة الرابعة : بعد إتمام الخطوة الثالثة بشكل صحيح لاحظ اللمبة الحمراء بتاعت الإنذار هتلاقيها منورة بشكا ثابت (مش بتنور وتطفى) وهنا تكون السيارة مستعدة للبرمجة (تعديل الوظائف الإختيارية)

                              الخطوة الخامسة : بما إننا هنا بنتكلم عن حساسية جهاز الإنذار يبقى هختصر الجدول الموجود فى الكتالوج وندخل على موضوعنا وهو كما ورد بالكتالوج 8 ضغطات على زرار lock ولاحظ إن فى كل دوسة العربية هتزمر معاك مرة وأحيانا مرتين بعد ما توصل للضغطة رقم 8 كده إنت هتبدأ تعدل فى الحساسية

                              الخطوة السادسة : ركزوا معايا فى الخطوة دى بقى إفتح الباب وإقفلة هتلاقى العربية زمرت مرة إفتح وأقفل هتلاقيها زمرت مرتين إفتح وإقفل هتلاقيها زمرت 3 والمرة الأخيرة هتزمر 4 مرات ودول الأربع حساسيات بتوع جهاز الإنذار (كل حساسية بيعبر عنها بعدد الزمارات)

                              الخطوة السابعة : لتثبيت أى حساسية أترك السيارة لمده 30 ثانية هتلاقيها إشتغلت جهاز الإنذار أو هات المفتاح على الوضع on برده هتلاقى الإنذار إشتغل

                              ملحوظة هامة : الدوس على زرار lock أقل من العدد 8 سوف يؤدى إلى تعديل خصائص أخرى للسيارة (يرجى مراجعة الكتالوج فى هذا الشأن) لذلك تأكد من كل دوسة بسماع صوت الزمارة

                              فى النهاية أرجو أكون قدمت حاجة مفيده فى أول موضوع ليا أو على الأقل ساعدت فى فهم بعض طلاسم الكتالوج وللعلم أنا بردة جربت ده على سبيل العلم بالشئ ورجعت العربية تانى على الحساسية الرابعة عشان زى ما حضراتكوا عارفين فى بلدنا الأطفال أحيانا بيبقى مزاجهم اللعب فى العربيات إللى بتذمر لكن أنا حبيت أعرف التجربة عشان لو رحت مكان مش آمن أو حاجة أقدر أضبط الحساسية وأولا وأخيرا ربنا هو الحارس وإحنا بس بناخد بالأسباب






                              هل الكلام دا مظبوط و جربه و اتوكل على الله ولا كل عربيه و ليها طريقة ؟؟!!!


                              شكرا على المجهود والشرح الوافي
                              انت فعلا عملت الكلام دا ونفع؟
                              وايه درجات الانذار الاربعة دول؟

                              Comment

                              Working...
                              X