إعـــــــلان

Collapse

.

,
See more
See less

تشغيل انذار نيو صنى 2013 وتغيير صاجة التيل الخلفى

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة hatahet مشاهدة المشاركة
    شكرا يا كبيير انا كنت بدور على النت فى موضوع تفعيل الانذار دا و لاقيت الموضوع دا http://...........com/vb/showthread.php?t=99533

    ودا مضمون الكلام فى هذا الموضوع لو ال link مافتحش
    ريقة ضبط حساسية جهاز الإنذار .. وطبعا أنا مكتبتش الموضوع غير لما جربت وإن كان ليا بعض الملاحظات هذكرها فى آخر الموضوع
    فى البداية أنا هشرح إللى عملته بشكل أقرب إلى اللغة العامية عشان يكون واضح للجميع وبعيدا عن الترجمة الحرفية للكتالوج إللى كتير مننا مكنش فاهمها
    نبدأ بسم الله
    الخطوة الأولى : بعد ما حضرتك تفتح السيارة تدخل جواها وتقفل الأبواب وتحتفظ بالمفتاح فى إيدك (برة الكونتاكت) ومن الأفضل عمليا فى الوقت ده فصل الريموت عن المفتاح لو هم فى ميدالية واحدة ولاحظ لمبة الإنذار الموجودة فى التابلوه هتلاقيها بتنور وتطفى بسرعة

    الخطوة التانية : دلوقتى حضرتك جوه العربية والمفتاح فى إيدك تنتظر حتى تدخل العربية فى وضع مانع السرقة (وهو حوالى 30 ثانية) بالمناسبة أثناء الوقت ده لو فتحت الباب إشارات الإنتظار هتشتغل لكن متحاولش تفتح الباب دلوقتى وعشان تتأكد إن السيارة فى وضع مانع السرقة هتلاقى نور الإنتظار نور مرة واحده وطفى واللمبة الحمراء إللى فى التابلوة بتاعت الإنذار (إللى فوق زرار المرايات) بدأت تنور وتطفى ببطء

    الخطوة الثالثة : بعد ما ينور الإنتظار ويطفى مرة واحده ضع المفتاح فى الكونتاكت هتلاقى نور الإنتظار بدأ ينور ويطفى بشكل مستمر أثناء ذلك قم بفتح الباب وغلقة مرتين ثم إبدا فى فتح الكونتاكت على الوضع on أو بمعنى آخر لحد ما العدادات تنور ثم قم بإطفاؤة (الرجوع هنا هيكون لحد الوضع acc لا تضغط على المفتاح وتحاول توصيه إلى lock قم بذلك 3 مرات فتح ثم غلق ثم فتح ثم غلق ثم فتح ثم غلق)

    الخطوة الرابعة : بعد إتمام الخطوة الثالثة بشكل صحيح لاحظ اللمبة الحمراء بتاعت الإنذار هتلاقيها منورة بشكا ثابت (مش بتنور وتطفى) وهنا تكون السيارة مستعدة للبرمجة (تعديل الوظائف الإختيارية)

    الخطوة الخامسة : بما إننا هنا بنتكلم عن حساسية جهاز الإنذار يبقى هختصر الجدول الموجود فى الكتالوج وندخل على موضوعنا وهو كما ورد بالكتالوج 8 ضغطات على زرار lock ولاحظ إن فى كل دوسة العربية هتزمر معاك مرة وأحيانا مرتين بعد ما توصل للضغطة رقم 8 كده إنت هتبدأ تعدل فى الحساسية

    الخطوة السادسة : ركزوا معايا فى الخطوة دى بقى إفتح الباب وإقفلة هتلاقى العربية زمرت مرة إفتح وأقفل هتلاقيها زمرت مرتين إفتح وإقفل هتلاقيها زمرت 3 والمرة الأخيرة هتزمر 4 مرات ودول الأربع حساسيات بتوع جهاز الإنذار (كل حساسية بيعبر عنها بعدد الزمارات)

    الخطوة السابعة : لتثبيت أى حساسية أترك السيارة لمده 30 ثانية هتلاقيها إشتغلت جهاز الإنذار أو هات المفتاح على الوضع on برده هتلاقى الإنذار إشتغل

    ملحوظة هامة : الدوس على زرار lock أقل من العدد 8 سوف يؤدى إلى تعديل خصائص أخرى للسيارة (يرجى مراجعة الكتالوج فى هذا الشأن) لذلك تأكد من كل دوسة بسماع صوت الزمارة

    فى النهاية أرجو أكون قدمت حاجة مفيده فى أول موضوع ليا أو على الأقل ساعدت فى فهم بعض طلاسم الكتالوج وللعلم أنا بردة جربت ده على سبيل العلم بالشئ ورجعت العربية تانى على الحساسية الرابعة عشان زى ما حضراتكوا عارفين فى بلدنا الأطفال أحيانا بيبقى مزاجهم اللعب فى العربيات إللى بتذمر لكن أنا حبيت أعرف التجربة عشان لو رحت مكان مش آمن أو حاجة أقدر أضبط الحساسية وأولا وأخيرا ربنا هو الحارس وإحنا بس بناخد بالأسباب






    هل الكلام دا مظبوط و جربه و اتوكل على الله ولا كل عربيه و ليها طريقة ؟؟!!!


    الكلام ده مش لاقيه فى الكتالوج اللى استلمته مع العربية ممكن تقولنا رقم الصفحة

    وعلى فكرة اللينك مش شغال فممكن تحطه تانى عن طريق زرار " ادخال رابط "


    .

    Comment


    • #17
      المشاركة الأصلية كتبت بواسطة dodyam مشاهدة المشاركة
      سؤال لو سمحت انت قبل ما تروح التوكيل ويتم تفعيل الانذار هل كنت بتفتح بالمفتاح كالون الباب وكانت العربية مش بتشغل الانذار و لا الفلاشر

      طب بعد إذنك ممكن تجرب حاجة بعد ما تم تفعيل الانذار معاك

      اترك زجاج باب السائق مفتوح و اقفل الابواب من الريموت و انتظر اكتر من 90 ثانية (على ما اتذكر من الكتالوج دى المدة اللازمة لتفعيل الانذار الامنى ) ثم حاول تمد ايدك من شباك باب السائق المفتوح و افتح لوك الباب وافتح الباب وشوف هل هيشتغل صوت الانذار أم لا

      انا لما جربت انا و اعضاء آخرين نفس الكلام ده قبل ذلك لم يعمل الانذار لا صوت و لا فلاشر
      جربتها وفتحت الباب من جوه والانذار اشتغل بس لو فتحت اللوك فقط مش هيشتغل اما فتح الباب هيشتغل الانذار وخد بالك الانذار بشتغل بعد حوالى 6.2 ثانيه

      Comment


      • #18
        المشاركة الأصلية كتبت بواسطة د.هشام مشاهدة المشاركة
        شكرا على المجهود والشرح الوافي
        انت فعلا عملت الكلام دا ونفع؟
        وايه درجات الانذار الاربعة دول؟
        لا يا باشا حضرتك فهمتنى غلط انا لاقيت الموضوع دا على منتدى تانى فكنت بسأل زى حضرتك بالظبط
        المهم انا نزلت من شويه ونويت افهم نظام امان النيسان دا اية المهم لاقيت ان العربية فيها نظام انذار من غير ما اعمل حاجة و هو ان لو انت قفلت العربية بالريموت و حيه حد و فتح باب العربية و سواء كان الزجاج مفتوح او لو كسر الزجاج وفتح الباب و دخل المهم ان الباب اول مايتقفل الانذار بيشتغل و هو صوت الكلاكس و فلاشر و لازم يطفى بالريموت بانى قفلت و فتحت العربية من الريموت
        المهم علشان اجرب الموضوع دا انا كنت قاعد جوا العربية و عملت lock من الريموت هتلاحظ ان لمبة الايموبيليزر الحمرا بتكون منورة باستمرار و استنيت حوالى 30 ثانية لحد اللمبة دى ما بدأت تنور و تطفى كل 3 ثوانى روحت فاتح الباب من جوا عادى " مافيش صوت طلع . " بس اول ما قفلت الباب عادى بانى شديته الانذار اشتغل فا الحمد لله الامكانية دى موجوده فعلا فى العربية
        وكان معايا واحد صاحبى و سألتة هل ممكن انى اضبط الانذار انو يشتغل مع محاولة فتح الباب قالى ينفع ودا فى برمجة الانذار اللى هو الموضوع الطويل اللى كنت قرأته فى الاول دا بس انا رجعت دلوقتى و بحاول افهم واعرف برامج الانذار المختلفة للنيسان وياريت لو حد عندو معلومة فى الموضوع دا يفدنى و ليه جزيل الشكر مقدما

        Comment


        • #19

          هو دا اللينك اللى انا لاقيت عليه الموضوع دا و الكلام الوحيد الموجود فى المتالوج ان العربيه فيها نظامين امان وهما الايموبيليزر و الانذار

          Comment


          • #20
            msrmotors .com/vb/ showthread.php?t=99533
            معلش يا جماعة مش عارف اعمل اضافة للرابط مش عارف ايه المشكلة جربوا تعملوا copy لل address اللى مكتوب فى السطر اللى فوق دا و paste مكان ال URL address و امسحوا ال space الموجوده بين .......... و .com و يارب ينفع ان شاء الله

            Comment


            • #21
              الصني السوبر صالون شغال فيها الانذار من غير اي حاجة و هو انك لما تفتح الباب او الشنطة من غير ريموت سواء بالمفتاح او من جوة و انت ف الاول كنت قافلها بالريموت العربية بتزمر لكن ال ex ما كانش شغال فيها الانذار يبدو انهم بيفعلوه ف المصنع للسوبر صالون بس و الله اعلم

              Comment


              • #22
                المشاركة الأصلية كتبت بواسطة theislamic مشاهدة المشاركة
                الصني السوبر صالون شغال فيها الانذار من غير اي حاجة و هو انك لما تفتح الباب او الشنطة من غير ريموت سواء بالمفتاح او من جوة و انت ف الاول كنت قافلها بالريموت العربية بتزمر لكن ال ex ما كانش شغال فيها الانذار يبدو انهم بيفعلوه ف المصنع للسوبر صالون بس و الله اعلم


                نفس الاستنتاج اللى وصلتله لان الأخ صاحب الموضوع engamin قال انه معاه الـ Ex والانذار تم تفعيله فى التوكيل بأوتو ايجيبت

                لكن العضو hatahet كاتب فى معلوماته الشخصية انه معاه السوبر صالون و لقى الانذار عنده متفعل واضح من المصنع

                وليا ملاحظة تانية على الكلام اللى شارك بيه hatahet وهو ان اللينك اللى حطه للموضوع فى المنتدى الآخر و هو خد منه المعلومات اللى كتبها

                ده يخص عربية تانية غير نيسان أساسا يخص العربية الـ BYD فمينفعش نستخدم طريقة البرمجة دى

                وعلشان أوضح تانى العضو hatahet معاه السوبر صالون وواضح انه متفعل معاه الانذار من المصنع

                والمشاركة بتاعته زى ما وضح hatahet علشان فى ناس ممكن تفهمه غلط

                هو أخدها من موضوع فى منتدى تانى كوبى و بيست

                ولكن هى تخص طريقة البرمجة لعربية أخرى النيو صنى

                كده محتاجين لو حد راح قريب لأوتو ايجيبت يسأل حد من مهندسين الصيانة ازاى طريقة البرمجة


                .

                Comment


                • #23
                  المشاركة الأصلية كتبت بواسطة dodyam مشاهدة المشاركة


                  نفس الاستنتاج اللى وصلتله لان الأخ صاحب الموضوع engamin قال انه معاه الـ ex والانذار تم تفعيله فى التوكيل بأوتو ايجيبت

                  لكن العضو hatahet كاتب فى معلوماته الشخصية انه معاه السوبر صالون و لقى الانذار عنده متفعل واضح من المصنع

                  وليا ملاحظة تانية على الكلام اللى شارك بيه hatahet وهو ان اللينك اللى حطه للموضوع فى المنتدى الآخر و هو خد منه المعلومات اللى كتبها

                  ده يخص عربية تانية غير نيسان أساسا يخص العربية الـ byd فمينفعش نستخدم طريقة البرمجة دى

                  وعلشان أوضح تانى العضو hatahet معاه السوبر صالون وواضح انه متفعل معاه الانذار من المصنع

                  والمشاركة بتاعته زى ما وضح hatahet علشان فى ناس ممكن تفهمه غلط

                  هو أخدها من موضوع فى منتدى تانى كوبى و بيست

                  ولكن هى تخص طريقة البرمجة لعربية أخرى النيو صنى

                  كده محتاجين لو حد راح قريب لأوتو ايجيبت يسأل حد من مهندسين الصيانة ازاى طريقة البرمجة


                  .
                  فعلا كلام حضرتك مظبوط انا لاقيت ان الموضوع دا عن ال byd و انا بعتذر عن الخطأ دا و انا الحمد لله معايا سوبر صالون

                  Comment


                  • #24
                    المشاركة الأصلية كتبت بواسطة hatahet مشاهدة المشاركة
                    فعلا كلام حضرتك مظبوط انا لاقيت ان الموضوع دا عن ال byd و انا بعتذر عن الخطأ دا و انا الحمد لله معايا سوبر صالون

                    ربنا يباركلك فيها و يكفيك شر طريقها

                    ومفيش حاجة يا عمنا انت نيتك سليمة

                    Comment


                    • #25
                      انا معايا السوبر صالون نزلت الجراج وجربتها دلوقتي واشتغلت
                      فتحت العربيه بالمفتاح وفتحت الباب بعد حوالي 3 ثوان الانذار والفلاشر اشتغل قلت ادخل جوا العربيه واجرب دخلت وقفلت الباب من الريموت واستنيت لما اللمبه بتاعت الايمبوليزر بدات تومض وفتحت شنطة العربيه الانذار اشتغل زي الفل والحمد لله ...
                      بس السؤال الي معاه العادية يفعل الانذار ازاي انا معايا واحد صحبي معاه العادية ؟!
                      يا ريت طريقة التفعيل ؟!

                      Comment


                      • #26
                        شكرا على الإفادة

                        Comment


                        • #27
                          المشاركة الأصلية كتبت بواسطة ahmed452003 مشاهدة المشاركة
                          انا معايا السوبر صالون نزلت الجراج وجربتها دلوقتي واشتغلت
                          فتحت العربيه بالمفتاح وفتحت الباب بعد حوالي 3 ثوان الانذار والفلاشر اشتغل قلت ادخل جوا العربيه واجرب دخلت وقفلت الباب من الريموت واستنيت لما اللمبه بتاعت الايمبوليزر بدات تومض وفتحت شنطة العربيه الانذار اشتغل زي الفل والحمد لله ...
                          بس السؤال الي معاه العادية يفعل الانذار ازاي انا معايا واحد صحبي معاه العادية ؟!
                          يا ريت طريقة التفعيل ؟!
                          فى طريقة مكتوبه فى الكتالوج انا جربتها بس مجبتش معايا اى نتيجه ممكن تقول لصحبك يجربها او الافضل يروح التوكيل ويطلب تفعيل الانذار

                          Comment


                          • #28
                            سلاما عليكم
                            النهاردة روحت اتو ايجيبت وعملت activiation لانذار واشتغل
                            الغربية اني لما قولت لمهندس الصيانة علي الموضوع ده قالي مفيهاش انذار وبعدين اكدت عليه انو في ناس عملت الموضوع ده وكمان الموضوع منشور في نيل موتورز
                            قالي استني خد المفتاح والعربية وبعد ربع ساعة رجعت وكله تمام
                            مش غريب ان يكون في اوبشن زي ده مهم ووانا اشتريت العربية من شهر 7 السنة اللي فات كل شي بياكد ان المصريين فهلوية مع اني كنت سالتهم قبل كده وقالو مفيش
                            نشكرengamin علي موضع تفعيل الانذار
                            Last edited by mohamed halim; 24-02-2013, 04:13 PM. سبب آخر: خطا

                            Comment


                            • #29
                              المشاركة الأصلية كتبت بواسطة mohamed halim مشاهدة المشاركة
                              سلاما عليكم
                              النهاردة روحت اتو ايجيبت وعملت activiation لانذار واشتغل
                              الغربية اني لما قولت لمهندس الصيانة علي الموضوع ده قالي مفيهاش انذار وبعدين اكدت عليه انو في ناس عملت الموضوع ده وكمان الموضوع منشور في نيل موتورز
                              قالي استني خد المفتاح والعربية وبعد ربع ساعة رجعت وكله تمام
                              مش غريب ان يكون في اوبشن زي ده مهم ووانا اشتريت العربية من شهر 7 السنة اللي فات كل شي بياكد ان المصريين فهلوية مع اني كنت سالتهم قبل كده وقالو مفيش
                              نشكرengamin علي موضع تفعيل الانذار

                              Comment


                              • #30
                                المشاركة الأصلية كتبت بواسطة mohamed halim مشاهدة المشاركة
                                سلاما عليكم
                                النهاردة روحت اتو ايجيبت وعملت activiation لانذار واشتغل
                                الغربية اني لما قولت لمهندس الصيانة علي الموضوع ده قالي مفيهاش انذار وبعدين اكدت عليه انو في ناس عملت الموضوع ده وكمان الموضوع منشور في نيل موتورز
                                قالي استني خد المفتاح والعربية وبعد ربع ساعة رجعت وكله تمام
                                مش غريب ان يكون في اوبشن زي ده مهم ووانا اشتريت العربية من شهر 7 السنة اللي فات كل شي بياكد ان المصريين فهلوية مع اني كنت سالتهم قبل كده وقالو مفيش
                                نشكرengamin علي موضع تفعيل الانذار
                                لا شكرا على واجب الميزة فى هذا المنتدى روح التعاون اللى ما فيهاش مصلحه شخصيه وكل واحد بيحاول يفيد الاخرين باى معلومه يعرفها وزى ما انت قولت غربيه لانى انا باردو معايا العربيه من 7 شهور لسه مشغل الاوبشن دا على العموم الحمدلله توفيق ربنا هو السبب فى ان دا يحصل و انا معايا 2 اصدقائى معاهم العربيه وقولتلهم على موضوع الانذار دا .

                                Comment

                                Working...
                                X