استفسار بخصوص الكاوتش البريدجستون

[Sehsss]

الف شكر على الاهتمام
وعلى نصيحه حضرتك


طيب الاندونيسى لو جبته ها يكون صوته ونشفيته زى اليابانى الاستوك كده ولا اكتر
معلش بقى تعبك معايا

أظن هايبقى أعلى.. وعلى فكرة الفردة الاستوك اللي نازلة مع العربية مش هاتتعوض للأسف.. محترمة جدا

[mem]

انا لسه مركب ميشلان انجليزي energy saver و اعتقد سعره دلوقتي عامل 600 جنيه و حقيقي تحفة

حضرتك مركبه بقالك اد ايه وهل احسن من البريدجستون

لو معاك فلوس ريح دماغك وهات ال gr -90
لو الصوت بيدايقك عن تجربة
الفردة صوتها ناعم لابعد الحدود
لكن متتوقعش ان الناس مشغلين صوت الكاوتش كإنها هاند فري وبيقسوها بالمللي !!!

طيب وهل الاندنيسى صوتها عالى للدرجادى

أظن هايبقى أعلى.. وعلى فكرة الفردة الاستوك اللي نازلة مع العربية مش هاتتعوض للأسف.. محترمة جدا

فعلا ممتازه ما تتعوضتش حماله قسيه
الف شكر لاهتمامك

[elnady_1987]

والله يا باشا انا مغير التايلندى من 50000كم وزى الفل لا فردة بتريح ولا بيعمل مشاكل مع العلم انا بسوق فى ادغال ومفيش مشكلة

[wardet]

أظن هايبقى أعلى.. وعلى فكرة الفردة الاستوك اللي نازلة مع العربية مش هاتتعوض للأسف.. محترمة جدا

فعلاًَ ياباشا الكاوتش اللى نازل مع الرعبية كويس وبيستحمل بس للاسف بحس انه صوته عالى
ابويا معاه لانسر نازلة بتورانزا مبحسش باى صوت

[sdelbassuny]

Bridgestone


Yokohama


Toyo


بالترتيب وياريت متجبش غير اليابانى
ولو قريب من مدينة نصر في شارع جنب جامعة الأزهر أنزل ولف

[noon_eg]

انا لسه مركب ميشلان انجليزي energy saver و اعتقد سعره دلوقتي عامل 600 جنيه و حقيقي تحفة

ممكن اعرف من حضرتك جبته منين بالضبط لات فيه واحد صاحبى عايز يغير الكاوتش لصنى ومحتار برضه

[mem]

متابع

[addams_2]

Sumitommo ياباني كويس عن تجربة

[saint2011]

الكونتيننتال ممتاز جدا أوروبى 195-60-15 h وسعرة كان 520 جنية للفردة وده كان من 7 شهور مش عارف سعرة كام دلوقتى بعد ارتفاع الدولار بصراحة فردة محترمة جدا وهى فى مستوى الميشلان والبريدجستون اليابانى

[Youssef.Awad]

أظن هايبقى أعلى.. وعلى فكرة الفردة الاستوك اللي نازلة مع العربية مش هاتتعوض للأسف.. محترمة جدا

ده حقيقى فعلا نوعها كان b391 صنع اليابان ومش بتنزل فى اى وكالة لبريدجستون فى الشرق الاوسط للاسف

Sumitommo ياباني كويس عن تجربة

كلام حضرتك صح وكمان عن تجربة وقناعة شخصية اكتر عجلة طرية فى كل اليابانى بلا استثناء
لكن هايقابلك مشكلتين:
1. انها مش منتشرة فى السوق ولو لقيتها هاتكون مركونة اكتر من سنة وكمان نقشاتها ومقاساتها مش متنوعة زى باقى الانواع
2. ان عليها سمعة من كل تجار ومحلات بيع الكاوتشات ان جوانبها ضعيفة ومع الاحتكاك فى الرصيف عند الركن ممكن تتجرح او تتقطع .. وده كلام مالوش اى اساس علمى صحيح لكن للاسف بيلعبوا بالسوق لأنه غالبا هامش ربحها مش كبير زى باقى الانواع
===================
نصيحتى اما كونتيتنتال او ميشلان energy saving وسيبك من بريدجستون ووفر من 50-100ج فى الفردة

[mem]

الف شكر لكل من ساهم فى الموضوع وقام بتقديم المشوره والنصيحه وعلى الاهتمام
فجزاكم الله جميعا كل خير
والحمد لله جبت البريدجستون التورنزا
والصراحه تحفه وكمان حطيت نتروجين وده كانت اول مره احطه
وحسيت بفرق شاسع والعربيه بقت مش بدب زى الاول بقت العفشه انعم عن الاول كتيير

[hfshaaban]

كونتيننتال يا باشا، لا تقولى بريدجستون ولا ميشلان الكونتننتال أحسن بكتير نعومة وقوة وثبات وشكلة حلو ولية ناحية بتركب من برة ولية مجارى مختلفة للمطر والتراب والطين.

بصراحة تحفة واحسن من اى فردة تانية

[Bishoy.Girgis]

ممكن اعرف من حضرتك جبته منين بالضبط لات فيه واحد صاحبى عايز يغير الكاوتش لصنى ومحتار برضه

معلش انا لسه شايف المشاركة دلوقتي حالا
الكاوتش كنت جايبه من عند تاير مانيا لأني كنت بعمل تسليح للكاوتش
و عايز انصح اي حد يا جماعة .. انا بعد تجربتي الحقيقية و المواقف اللي دخلت فيها بعد تركيب الكاوتش .. حقيقي كاوتش جوهرة و بيكلبش مع الفرامل علي الطريق مع تحكم رائع بالدركسيون
ميشلان انيرجي سيفر .. الانجليزي