Tweet
السلام عليكم ورحمة الله وبركاته
هانبتدى المشوار من الاول انا اتصل اول ما سمعت عن العرض وحجزت على يوم 30 واكدت على الحجز بعدها بكام يوم مش عارف ليه وحدثى كان صحيح
يوم السبت الساعه 10 بالظبط بالثانية كنت قدام الاستقبال فى اوتو ايجيبت بعد التطوير ( روعة بصراحة ) وقالتلى لا مفيش حجز باسمى اذاى بس انا حجزت والله قالتلى ممكن تستريح شوية المهم بعد شوية بصراحة الناس مطولوش عن 10 دقائق وقالولى خلاص يافندم اتفضل رقم مفيش مشكلة واحنا اسفين طبعا انا اللى كنت عايز اشكرهم بصراحة ااقدر اقووووووول بكل صراحة ناس محترفة ومحترمة فى استقبال العميل بجد والله
نيجى بقى للمهندس
فجاءة بعد ربع ساعه سمعت رقمى ورحت للمهندس رقم 2 رحت طبعا انا مضايق من موضوع صاجة التيل لانى من شهر 9 وانا عايزها وكل مرة يقولولى هانكلمك ومفيش حد بيكلمنى الراجل ما استناش وراح مطلع الموبيل وكلم المهندس جوة وقاله انى عميل متاخر وان المركز غلطان ولازم نعملها واتصرف مع ان اليوم زحمة جدا وتمت بحمد الله - طيب نيجى لرقم 2 صوت الحكة فى التيل اللى قدام واصريت يكتبها فى التقرير وفعلا كتبها رقم 3 عايز ااكتف الانذاااااااار وده المفاجـــــــــــــــــــــــــــاه التكلفة 75 جنية ليييييييييييييية قالى لسه متبلغين بالموضوع ده من يومين طيب اذاى ياباشا ده عيب مين يعنى قالى معرفش دى يتسال فيها المصنع ( غريب الموقف ده جدا ) اذاى ياباشا اسال مصنع مين انا شاريها من هنا قالى هما المسئولين المهم مرضتش اطول وسكت وقلتله امرنا لله جينا بقا للعرض المجانى بصراحة الراجل قالى طبعا هاتغير الزيت والفلتر انا سكت قالى ماشى انا بصراحة بينى وبينكم كنت محرج علشان كنت حاطط زيت 10000 بس الراجل قام بالواجب فية البركة وكنت عايز اغسل الموتور
ثم المفاجاة اطلع الدور الثانى والاقى ايه عدد 2 اجهزة بلاى ستيشن بدراعتهم اه والله بدراعتهم وفاضيييين وهات يالعب ياعم الحج انا وصاحبى وكمان كان فى ناس ودخلنا تحدى تماااااااااااام لحد ما صوابعى باظت
نييجى للاستلام الساعه 4 بالظبط زى ما اتفقنا ودى حاجه احترمها فعلا بالرغم من الزحمة تم تغيير الزيت وتم عمل الصاجة وتم تنظيف التيل الامامى ودخلنا فى نقاش برضوا مع بعض الافادة منه انه هما مش مسئولين عن العربية واى حاجه نرجع للمصنع انا قلتلة بس لما ارجع للمصنع هاعمل شكوى ايا كانت هايكون فيها المصنع واوتو ايجيبت لانى شارى وعامل صيانه هنا سكت شوية انا استغربت بصراحة وسكت لانة انسان محترم وؤدب جدا بس كنت مستغرب من الرد وعلشان كده دخلت فى مناقشة معاه تانى علشان اتاكد من كلمة ارجع للمصنع المهم ياسيدى اخدت عدد 2 كوبون ب 100 جنية وانا معايا دفتر خصم ب50 جنية اساسا ودخلت على خدمة العملاء وقلت بس انا بس قلت نايل موتورز قالتلى اسمك ايه ورقم موبيلك ورقم الشاسية انا خفت الصراحة قلت ايه هما بيتمسكوا دلوقتى ولا ايه قالتلى بس هاتهم واستلمت طقم الدواسات ياباشا فله اطلع استلم بقى مع المهندس ملقتوش طيب اشوف حد يسلمنى العربية طيب اى حاجة ولا الهوا استلمت لوحدى وشرحتلى وكمان شوفت التكيييف ( اه نسيت كان المهندس حس انه المروحة ضعيفه شوية وانا اكدت كلامة ) ولا حظت انه زى ما هو وكمان اكده على المفتاااح اللى دافع فية 75 جنية لحد ما غلبت وطلعت على البوابة لقيت المهندس مع عربية تانى سالتة على التكييييف قالى ما ده العادى استغربت جدا لانه هو اللى طلع الملاحظة طيب المفتاح عايز اتاكد انا اتعمل ندهلى مهندس تانى كان واقف بيجرب نذار عربية تانية وهو جربهولى
الملخص بقى
المميزات 1-مكان بقى وهمى 2-خدمة العملاء ممتازة جدا ومحترفة جدا سرعة بجد فى الاداء وحل المشكلات 3- موظف البوفية ممتاز وزوق وسريع وابتسامة رهيبة بجد واجهة مشرفة 4- التزام فى المواعيد 5- البلاى ستيشن ( بس يغيروا اسطوانة الفيفا ويجيبوا بيس )
العيوب 1 - للمرة الثانية محدش بيسلمنى العربية ولا يفهمنى بيحصل فيها ايه ولا ايه السبب 2 - عدم تحمل مسئوليه العربية من المهندس والقاء اللوم فقط على المصنع 3- المطب اللى برة التوكيل مش عليه اى علامات وشوفت عربية ربع نقل اخدتة بسرعه وربنا يستر على العربية
بس انا بلتمس العزر بسبب ضغط الناس والزحمة الرهييييييييبة ما عدا موضوع تفعيل الانذار ابو 75 جنية ده
ملاحظاااااااااات نيسان باعت النيو صنى 65% من رمادى و25 % احمر وباقى اللالوان باقى النسبة وكل العربيات النيسان لازم تكون فيها خبطة على الجنب اليمين
يارب اكون افدت ومكونش طولت
Comment