أنا اتضربت يا جدعاااااا ن !!!!!!!

[Ahmed_Adham]

قلبي بيقولي ان الموضوع مش هيقف عند كده. أنصحك تعمل تقرير طبي وتعمل محضر باللي حصل كله وتتهمه بالتعدي عليك بالضرب هوه وأصحابه وتعمل شكوى في اداره التفتيش في الداخليه بخصوص افترا الظابط عليك وانه دفعك غرامه بدون وجه حق وساومك على الغرامه مقابل انك تاخد رخصك.

فيه حل تاني انك تنسى الموضوع كانه محصلش بس احتمال تلاقي الواد ده عاملك محضر على انك ضربته والله أعلم.

[hossam_elwani]

دايما الى ورا هو الى غلطان دى هيا قواعد االمرور فى العالم كله


وانت غلطان انك سبتحقك والله انا لو مكان ورست على بيات للعرض على النيابه كنت حكمل لاخر المشوار المهم ابهدله واخد حقى منه

[ART_tv90]

يا باشا اوعى تدايق نفسك .. لكن مكنتش وقفت اصلا وخاصه انك لوحدك ومعاك الوالد .. وبعدين انت مش غلطان دايما الغلط من الجاى من ورا وانت عاطى اشاره .. متزعلش مره اخرى وحصل خير ومتبقاش تقف لحد وخاصه لو انت وحدك وربنا يسترها على الجميع

[MaHmOuD MaGdY]

اللى انتا عملتو غلط حاجة واحدة انك وقفت ونزلت بعد كدة متقفش لحد حتى لو غلطان ولو زنق علييك اطلع منو

المشكلة انى مش مدى خوانه خالص لأن الموضوع بسيط فنزلت على اساس كلمتين ونمشى وخلاص على كده وماكنتش متخيل ان الموضوع كبير اوى عنده كدة لأ واللى يغيظ كمان أنه مأمن على عربيتو يعنى لو اتفرمت التأمين هايقوم بالواجب ومش هايدفع حاجة

[speed_magnum]

دا طبعا تصرف همجي وحضرتك اتظلمت فيه واتبهدلت انت ووالدك وموقف سيء ربنا ما يوريهولنا ابدا
وحضرتك انسان محترم وعلي خلق علشان كده كان صعب عليك تقدر تتعامل مع الاشكال دي
ومع احترامي لحضرتك
في قاعده دايما بقولها وبحفظها لاي حد بيركب معايا
مش معنى اني اديت اشاره يبقي ليا الحق في اني اكسر علي الناس واقطع عليهم طريقهم
تحياتي

[MaHmOuD MaGdY]

لا اله الا الله هي بقت كده عيني عيييييينك .. البلطجة بقت هي الحل !!!!!!!!!!!!!!!


و حتى الظابط ال مفروووووووووض انه مسئول عن رد الحق لاصحابه ييجي و يقولك غرامة !!!!!!!!!!!!!!


و ده لييييييييييييه عشان عطلت المحور !!!!!!!!


يعني لو أنا عربيتي عطلت في نص المحور ياخده مني غرامة !!!!!!!!!!!!


و مادام يا باشا أنت شيفه من بعيييييييد و مدي اشارة كمان يبقى حضرتك معلكش أي غلط و كمان ديما اللي ورا غلطااااااااان !!!


واللهِ حضرتك عشان محترم و متربي عديت الموضوع لكن لو واحد قفل كان طلع كوريك العربية و دغدغ بيييييييه العربية و دماغ أبوكرش ده و كمان اييييييييه دول 3 عليك .. بقى دووووووول رجالة دووووول 3 يضربوا واحد و معاااااااه راجل كبييييير كمان !!!!


حسبي الله و نعم الوكيل يا اخي ..

مادام ربنا موجود لا تقلق .. يمهل ولا يهمل !

معلش اهم حاجة إنك كويس ..

الحمد لله على كل شئ
وشكرا ليك يا استاذ احمد والله كنت ابتديت احس انى غلطان وانا مش واخد بالى وهما اللى صح ولا حاجة

[MaHmOuD MaGdY]

انضربت
واتهانت
وعربيتك اتطبقت
ودفعت250 جنيه
ربنا يصبرك
طبعا الكثره تغلب الشجاعه
هو ده حال البلد خلاص العفي بعافيته
مقدر احساسك بالقهر
وانك بعد البهدله دي كلها ماقدرتش تاخد حقك
لكن مستغرب من موقف الناس اللي شايفينك بتنضرب ومفيش حد حاول ينزل يسلك

والله مستغرب اكتر منك من الناس اللى مفيش حد وقف يتفرج عليا حتى وانا بتضرب :b4_556:

[MaHmOuD MaGdY]

معلش ياباشا بس انت هتعمل اية 3 جتت بيضربوا فى واحد , وفجأءة كمان يعنى انت اصلا مش مدى خوانة ليهم

وكنت على الاقل كلمت حد من معارفك فى الشرطة , عشان موضوع الغرامة

وانا لو منك كنت كلمت اصحابى وجولى وبلطجة ببلطجة بقى وورينى هتعمل اية , لان اللى معاة دول مش رجالة اصلا

يعنى انا شايف مثلا صاحبى بيتخانق مع واحد بس , وشايف صاحبى زى الثور وممكن يسد فى الموضوع , يبقى مش هدخل اوجب واضرب معاة , لأ هدخل افض المعركة دية ,و اهدى الموضوع , والكلام دة لو انسان محترم

لكن واضح ياباشا انك محترم , ووقعت مع ناس غير محترمين وميعرفوش اى حاجة عن الاحترام والرجولة

معلش ياباشا قول حسبى الله ونعم الوكيل , وان شاء الله ربنا يجيبلك حقك عاجلا او اجلا , ربنا مابيسيبش حق يضيع ابدا مهما طال الزمن

للأسف انا أول مرة اتعرض للموقف ده ومعرفتش اتصرف ازاى غير كمان انى فعلا مليش فى جو الخناقات دى خالص خاصة انى اجيب مجموعة ضد مجموعة دى عمرى ماعملتها
وقدر الله وما شاء فعل الحمد لله انها جت على اد كده

[MaHmOuD MaGdY]

دايما الى ورا هو الى غلطان دى هيا قواعد االمرور فى العالم كله


وانت غلطان انك سبتحقك والله انا لو مكان ورست على بيات للعرض على النيابه كنت حكمل لاخر المشوار المهم ابهدله واخد حقى منه

والله يا باشا انا لو كنت لوحدى كنت هاكمل للآخر بس والدى كان عايز يخلص الموضوع برده وكان خايف عليا ومرضتش ابهدله معايا اكتر من كده

[MaHmOuD MaGdY]

غلاطان وستين علاطان طبعا انك وقفت في ناس ماشيه وبتقول يا شر انا حصلي موقف زي ده بس ناس بموتوسيكل ووقفت علشان اطمن عليهم وان اللي مفاديهم هاتك يا شتيمه وترزيع في العربيه روحت واخد العربيه ويا فققيق من ودامهم

هو فعلا احسن حاجة بعد كده ان الواحد يخلع وينفد بجلده لحسن الدنيا مبقاش فيها امان والحمد لله انها جت على اد كده

[kemoooo2020]

المهم انك و الوالد بخير و اوعى بعد كده تقف اخلع على طول عشان الدنيا بقى كلها شر ومفيش حد بياخد حقه

[MaHmOuD MaGdY]

انت فعلا غلطان انك وقفت وخلى بالك اوعى حد يقف لحد تانى يا جماعه
عشان ممكن كان يبقى اصلا ده بلطجي وقاصد يخبطك عشان يثبتك وياخد العربية
ليه مجاش في مخك الاحتمال ده وخصوصا ان عريبتك باين انها شكل جديد فمعروفه
فنصيحة اخويا مهما حصل متقفشي في موقف زي ده ....... عشان محدش عارف الدنيا فيها ايه
لو حد كسر عليك عديه وقفل دواسة البنزين على الاخر وطير
وربنا يعوضك خير ان شاء الله

فعلا والله بس انا كنت بقول فى نفسى ان ده طريق عليه حركة مش طريق فاضى الواحد ممكن يتثبت فيه وعامة والدى كان فى العربية ومسبتهاش فاضية بس فعلا اللى انا شفته من الناس ان مفيش حد له دعوه بحد حتى لو الناس كلها شايفه يعنى لو اتسرقت عينى عينك ولا حد كانه شاف حاجة

[MaHmOuD MaGdY]

المهم انك و الوالد بخير و اوعى بعد كده تقف اخلع على طول عشان الدنيا بقى كلها شر ومفيش حد بياخد حقه

الحمد لله
والدرس اللى انا استفدته فعلا ان الجرى نص الجدعنه

[el diesel]

قدر الله وما شاء فعل وانا مش هازود على اللى الرجالة قالوه
لكن لو كنت مكانك والبلد بقت بالحالة دى كنت خدت حقى بدراعى وولعتله فى ام العربية علشان يعرف ان الله حق

[egyptiandiver]

المهم انت و والدك بخير