العربية مخنوقة

[tarekMANDOUH]

انا معايا صني 2012 ماشية 12000 ك اوتو
العربية بقلها كام يوم كدا مش مريحاني سحبها في الاول ضعيف وتدوس بنزين متسحبش والعداد على 1.5 وشوية وتروح جارية
واجي ادوس بنزين على الاخر شوية كدا وصوت الموتور يعلا والعداد يجي على 5 وبعد كدا تجري وبعدين وانا واقف ودايس فرامل والفتيس على الدي العربية بتكون مبرجلة والعداد على 0.5 او اقل وتحس ان العربية هتطفي .
انا شاكك في فلتر الهوا والحساس البينظم دخول الهوا
ياريت حد من الصقور يفيدني ويقولي دا سببو اية
على فكرا ان حجزت ميعاد للصيانة في السبع يوم السبت الجي ان شاء الله بس الواحد عايز يطمن ابل مايروح .

[buddha]

فى الغالب فلتر هواء وبوجيهات

[tarekMANDOUH]

فى الغالب فلتر هواء وبوجيهات

هي البوجيهات تلحق تبوظ مع عدد الكيلوات دا

[Elsebily]

بص هو حضرتك ليها كزا احتمال بس بما ان العربيه بتاعت حضرتك ليسه جديده يبقي الاحتمال الاول هو فلتر الهوا محتاج يتنضف وده تعملها بأي بلاور ولو عملت كده ومحصلش نتيجه هيبقي الاحتمال اللي بعده وهو تنضيف البوابه والاحتمال التالت البوجيهات او سلوك البوجيهات ودي بردو اي ميكانيكي يعملهالك او لو حضرتك غاوي ميكانيكا هتعملها بس انا مستبعدها لاني العربيه ممشيتش كتير والاحتمال الرابع وبردو مستبعد وهو فلتر البنزين جرب بس حل مشكلة الاحتمال الاول وطمنا

[Ahmed Amin]

الاعراض دي في الغالب أعراض بوابة أو حساس الهوا عشان بتغيب ف السحب أو سدة في نظام تخريج العادم.
مش بوجيهات ولا فلتر هوا..
لو بوجيهات العربية هتغيب معاك ف الدوران, لو مش بتغيب تبقي مش بوجيهات..
والفلتر حتة لو مردوم تراب ودخان مش هيأثر التاثير اللي انت بتحكي عليه.
خليهم يكشفو لك عال بوابة والحساس والفيوزات وياريت تبقي تعرفنا المشكلة كانت ف ايه

[Dr'AhmZZong]

1 . بنزين مخشوش ..

2 . البوابة ..

المشكلة لن تخرج عنهم إن شاء الله ..

[tarekMANDOUH]

متشكر جدا لردودكم وربنا يسهل تطلع حاجة بسيطة

[_hema]

فى الصيانه

اطلب ضبط حساس t .p .s وكذا برمجه الإيديل بالكبيوتر


فلتر الهوا ميخليش العربيه مخنوقه ابداً

خنقه العربيه بيقى السبب الرئيسى فيها مشاكل كهرباء او الحساس
والبوجيهات لو فيها مشكله

ياإما العربيه متدورش اصلاً او تنتش او انها تمشى تلاته بدل اربعه ومستحيل البوجيهات كلها تقطع مره واحده ممكن واحد يقطع اتنين لكن الكل مع بعض صعبه شويه

لو موضوع بنزين مش هتفضل مخنوقه على طول مجرد التفويله متنتهى ويتم تغيير البنزين هتتحل المشكله

مع كل التقدير والاحترام للأراء السابقه


والله اعلى واعلم

[FBIAhmed]

هههههههههههههههه الضفيره اللعينه و لكن في الصني 2012 البوابه كهربا فاعرضها بتبئا كده

[Dr'AhmZZong]

هههههههههههههههه الضفيره اللعينه و لكن في الصني 2012 البوابه كهربا فاعرضها بتبئا كده

أنا مكنتش عايز اقول كده يا حااااااااااج ارحمنااااااااااا

[Elsebily]

فلتر الهوا ميخليش العربيه مخنوقه ابداً

خنقه العربيه بيقى السبب الرئيسى فيها مشاكل كهرباء او الحساس

مع احترامي لرأي حضرتك طبعا بس انا كنت من اسبوع كده حاسس باني العربيه مخنوقة وزي ما تكون بتبطء شويه وفكرت في البوابه بصراحه او البنزين ولكن امبارح كنت بغسل العربيه في مغسلة ووهو بيغسل طلع الفلتر ونضفه بالهوا وطلع منه تراب السنين وبعد اما حصل كده النهارده كنت ماشي بالعربيه ومكنش فيه اي خنقة

[tarekMANDOUH]

هههههههههههههههه الضفيره اللعينه و لكن في الصني 2012 البوابه كهربا فاعرضها بتبئا كده

يا ريت فهمتي اكتر يعني دي مشكلة ضفيرة ولا بوابة

[tarekMANDOUH]

انا الشكل القديم

[FBIAhmed]

طيب دي مشكله ضفيره و روح السبع هايغيرهالك في الضمان هي اعراضها انها بتلاقي الموتور بيرعش و الار بي ام بيعلى لوحده ساعات و ممكن مينزلش الا لما تدور و تبطل hunting rpm

و عادي تاخد العين ده اكتر عيب شائع في الصني الشكل القديم و بيتحل و مبيرجعش تاني ان شاء الله

[Ahmed Amin]

بس هوا مقالش ان الار بي ام بيعلي لوحدة. قال بيغيب علي ما بيعلي ودا احتمال كبير لتأخير فتح البوابة.
فالمشكلة هيدروليكية او كهرباء او حساس الهوا.