العربية مخنوقة

[Ahmed Amin]

مع احترامي لرأي حضرتك طبعا بس انا كنت من اسبوع كده حاسس باني العربيه مخنوقة وزي ما تكون بتبطء شويه وفكرت في البوابه بصراحه او البنزين ولكن امبارح كنت بغسل العربيه في مغسلة ووهو بيغسل طلع الفلتر ونضفه بالهوا وطلع منه تراب السنين وبعد اما حصل كده النهارده كنت ماشي بالعربيه ومكنش فيه اي خنقة

فلتر الهوا تنضيفه او تغيرة وهوا وسخ طبعاً بيفوق العربية وبيعزز من ادائها. او بمعني اصح بيرجع ادائها لوضعه الطبيعي.
بس مهما كان عليه تراب السنين العربية دا مش هيخلي الغربية تغيب معاك وانت بتدوس وهيا واقفة عشان الار بي ام يعلي في ساعتها زي حالة عربية صاحب الموضوع.
ولا هترعش عال ايدل وهيا واقفة وانت شايل رجلك.
دي حالة تانية غير حالتك.

[tarekMANDOUH]

فلتر الهوا تنضيفه او تغيرة وهوا وسخ طبعاً بيفوق العربية وبيعزز من ادائها. او بمعني اصح بيرجع ادائها لوضعه الطبيعي.
بس مهما كان عليه تراب السنين العربية دا مش هيخلي الغربية تغيب معاك وانت بتدوس وهيا واقفة عشان الار بي ام يعلي في ساعتها زي حالة عربية صاحب الموضوع.
ولا هترعش عال ايدل وهيا واقفة وانت شايل رجلك.
دي حالة تانية غير حالتك.

العربية مبتغبش عشان تعلى وهي واقفة الار بي ام وانت واقف ودايس بنزين مفيش مشكلة وبتعلى عادي لكن لما تجيب على الدي عشان تمشي وتدوس بنزين متستجبش بسرعة وتحس انها مخنوقة

[Ahmed Amin]

العربية مبتغبش عشان تعلى وهي واقفة الار بي ام وانت واقف ودايس بنزين مفيش مشكلة وبتعلى عادي لكن لما تجيب على الدي عشان تمشي وتدوس بنزين متستجبش بسرعة وتحس انها مخنوقة

اضافة للاعراض دي اكشف علي قواعد الفتيس والموتور.
انا لما قاعدة الفتيس عندي اتكسرت كانت بغيب في الطلعة وكانت وهيا واقفة مبرحلة وبحسها هتبطل.

[_hema]

مع احترامي لرأي حضرتك طبعا بس انا كنت من اسبوع كده حاسس باني العربيه مخنوقة وزي ما تكون بتبطء شويه وفكرت في البوابه بصراحه او البنزين ولكن امبارح كنت بغسل العربيه في مغسلة ووهو بيغسل طلع الفلتر ونضفه بالهوا وطلع منه تراب السنين وبعد اما حصل كده النهارده كنت ماشي بالعربيه ومكنش فيه اي خنقة

ياباشا نحن نتبادل المعلومات ومش مهم معلومه مين اللى صح المهم ان المعلومه تكون صح

وتأكيداً على كلامى ان فلتر الهوا لايكون سبباً فى خنقه العربيه حضرتك اكدته فى كلام حضرتك اما قلت انه طلع منه تراب السنين

لان الفلتر طالما بيتم تنضيفه بصفه دوريه عمره مهيكون سبب فى خنقه العربيه لكن اما الواحد ينساه أكيد هيبقا عامل مساعد وليس عامل رئيسى

انا باحكى لحضرتك من خلال تجاربى فى قياده السيارات


وغالبيتنا نجهل اهمية فلتر الهواء فالكل يعلم ان فلتر الهواء لتنقية الهواء من الرواسب والاتربة

العالقة به ولكن اذا اتسخ هذا الفلتر وانسد او شبة مسدود تكون كمية الهواء الداخلة الى المحرك

قليلة جدا فلكي يعمل المحرك بكفائة ولا يرج او يهتز يعطى كمية كبيرة من الوقود لتعويض النقص فى الهواء
فلو تلاحظ فى السيارات الحديثة وجود حساس هواء عند فلتر الهواء وظيفة هذا الحساس

قياس كمية الهواء الداخلة الى المحرك فيرسل الحساس هذه القيمة الى كمبيوتر السيارة ومنه الى

البخاخات لاعطاء الوقود الموازي لكمية الهواء



تحياتى لك

[mahmoudhanfe]

1 . بنزين مخشوش ..

2 . البوابة ..

المشكلة لن تخرج عنهم إن شاء الله ..

مؤيد 100 % احتمال كبير جدا يبقى البنزين فيه مشكلة

ومتقلقش ان شاء الله حاجة بسيطة

[m.ghanem]

وانا كمان حسيت بهذا
وبلغتهم فى صيانة 5000
من 3 ايام فىاوتو ايجيبت
وبلغونى انهم كشفوا عليها بالجهاز
ولا يوجد شى كله عادى
وهم يقدروا يعرفوا من غير ما يجربوا العربية فى السحب دة سؤال ؟
المهم ان عامل شكوى مع مهندس الصيانة وبلغونى انهم هيكلمونى يوم السبت
وشكلى كدة هاروح للسبع
بعد اذنك بعد ما تعملها فى السبع بلغنى اية اللى حصل
وشكرا لحضرتك

[tarekMANDOUH]

وانا كمان حسيت بهذا
وبلغتهم فى صيانة 5000
من 3 ايام فىاوتو ايجيبت
وبلغونى انهم كشفوا عليها بالجهاز
ولا يوجد شى كله عادى
وهم يقدروا يعرفوا من غير ما يجربوا العربية فى السحب دة سؤال ؟
المهم ان عامل شكوى مع مهندس الصيانة وبلغونى انهم هيكلمونى يوم السبت
وشكلى كدة هاروح للسبع
بعد اذنك بعد ما تعملها فى السبع بلغنى اية اللى حصل
وشكرا لحضرتك

تحت امرك ان شاء الله

[tarekMANDOUH]

اضافة للاعراض دي اكشف علي قواعد الفتيس والموتور.
انا لما قاعدة الفتيس عندي اتكسرت كانت بغيب في الطلعة وكانت وهيا واقفة مبرحلة وبحسها هتبطل.

طب هي قواعد الفتيس والموتور مالها ومال خنقة العربية

[Ahmed Amin]

طب هي قواعد الفتيس والموتور مالها ومال خنقة العربية

قعدة الفتيس هيا اللي بتمتص حركة الموتور لما بتديله الغيارات,
لأن الموتور بيتحرك لورا مع النقلات الامامية,, ولقدام مع النقلة الخلفية.
ممكن تبقي تشوفها بنفسك تنزل تفتح الكبوت وتخلي حد يدي العربية ال d او ال r وتشوف حركة الموتور.

القاعدة دي كاوتش وبتتاكل مع الوقت من حركة الموتور وبتتاكل اسرع من المطبات والحفر..

لما القاعدة بتتكسر او بتتاكل الموتور بيميل علي جنبة وبيبقي صوت العربية مخنوق وبتلاقيها مبرجلة علي ال أر بي ام الواطي,
وتقيلة ف السحب مع اول حركة للموتر بتعشيقة الغيار بعد كدا بتسحب عادي, وتبدأ تحس نفس الاحساس ان السحب تقيل مع كل نقلة.. ولازم تدوس جامد عشان تجمع بسرعه.
ولو وقفت وجيت تطلع تاني هتلاقيها تقيلة جداً وبتغيب ف الطلعة عن ما كانت قبل كدا..
دي أعراض تأكل قاعدة الفتيس..

فعشان كدا قلت لك تبص عليها لأنها ممكن تكون أتاكلت وسبب المشكلة, وممكن لأ.

[Sehsss]

هههههههههههههههه الضفيره اللعينه و لكن في الصني 2012 البوابه كهربا فاعرضها بتبئا كده

+1111111111

[tarekMANDOUH]

قعدة الفتيس هيا اللي بتمتص حركة الموتور لما بتديله الغيارات,
لأن الموتور بيتحرك لورا مع النقلات الامامية,, ولقدام مع النقلة الخلفية.
ممكن تبقي تشوفها بنفسك تنزل تفتح الكبوت وتخلي حد يدي العربية ال d او ال r وتشوف حركة الموتور.

القاعدة دي كاوتش وبتتاكل مع الوقت من حركة الموتور وبتتاكل اسرع من المطبات والحفر..

لما القاعدة بتتكسر او بتتاكل الموتور بيميل علي جنبة وبيبقي صوت العربية مخنوق وبتلاقيها مبرجلة علي ال أر بي ام الواطي,
وتقيلة ف السحب مع اول حركة للموتر بتعشيقة الغيار بعد كدا بتسحب عادي, وتبدأ تحس نفس الاحساس ان السحب تقيل مع كل نقلة.. ولازم تدوس جامد عشان تجمع بسرعه.
ولو وقفت وجيت تطلع تاني هتلاقيها تقيلة جداً وبتغيب ف الطلعة عن ما كانت قبل كدا..
دي أعراض تأكل قاعدة الفتيس..

فعشان كدا قلت لك تبص عليها لأنها ممكن تكون أتاكلت وسبب المشكلة, وممكن لأ.

شكرا على الافادة

[أحمد عبدالله]

ممكن
فلتر البنزين

[tarekMANDOUH]

انا لسة جي من مشوار بالعربية والمفاجأة ان العربية ولا كأن كان فيها حاجة العربية مظبوطة على السلنسية ومبتبرجلش والسحب رجع طبيعي ومفيش اي مشكلة .
مش عارف الجنان الحصلها دا كان من اية

[Elsebily]

انا لسة جي من مشوار بالعربية والمفاجأة ان العربية ولا كأن كان فيها حاجة العربية مظبوطة على السلنسية ومبتبرجلش والسحب رجع طبيعي ومفيش اي مشكلة .
مش عارف الجنان الحصلها دا كان من اية

لا كدي بقي لو الحوار ده اتكرر تاني يبقي هضم صوتي لكل اللي قالو ضفيره

[tarekMANDOUH]

انا روحت يوم السبت توكيل السبع وقلت للمهندس / احمد ناجي على الأعراض البتحصل طلع بص على الموتور وقفل على طول وقلي هنغير ضفيرة الكهرباء وهي في الضمان فا مفيش مشكلة بس هنعملها اوردر عشان مش موجودة واول ما تيجي هنكلمك .