يعني إيه العربية مرشوشة؟

[abdulmoniem]

أنا معايا عربية نيو صني 2013 سوبر صالون ..

كل ما أركنها في حتة واحد يجي يحكلي الإكصام من ناحية الشمال! مش فاهم بيحبوا الحتة دي ليه!

أنا دلوقتي لو حبيت أرش إكصدام العربية ..

بغض النظر عن التكلفة وكدة

هل كدة ده يعيب العربية في حالة البيع مثلاً؟

يعني بيبقى اسمها مرشوشة؟

ولا إيه بالظبط؟ وإزاي أنا ممكن أكتشفها في عربية أنا مثلاً بشتريها؟

[ahmedabutaleb]

هو مبيعبهاش بس ممكن يقلل فى سعرها شوية ومش عارف ليه بصراحه بس موضوع انها تبقى راشه حزام ده طبيعى فى مصر المهم مبيقاش فيها حاجه فى الشنطه ولا السقف.
ولو انت بترفع العربيه فى مركز كويس هيكشف لحضرتك كل حاجه

[abdulmoniem]

طيب يعني إيه راشة حزام؟

وبعدين مهو ممكن واحد يشتري إكصدام كامل جديد ويغيره مكان القديم .. إزاي ممكن حد يقول إن ده يعيب العربية؟

جزاك الله خيراً على الرد

[abo-berry]

الفكر اللى فى مصر ان مدام العربيه مرشوشه يعنى فيها مصيبه وبالتالى سعرها هيقل فى البيع
و رش الحزام يعنى رشه خوارج بالكامل نضافه

[the_air_devil]

مبدأياً اللي بيعيب العربية انها تكون مرشوشة في الأماكن الحيوية يعني الصاج والجسم الخارجي ...الاكصدام أصلاً معمول لامتصاص الصدمات والحك والعربيات اللي بتريح على بعضها ...

نصيحتي ليك ماترشهوش خليه زي ماهو , حاجة كدة مصري بيقولوا عليها خليها تاخد العين علشان اللي يبص مايلاقيش العربية كاملة من مجاميعه ويطلق عليها نيران الحسد النووية !!

ونصيحتي ليك لما تحب تبيعها بعد عمر ان شاء الله تبقى تغير الاكصدام ...كدة كدة اكصدام ورا بـ 550 جنيه , وتكلفة الرش باللون الأصلي في التوكيل 300 جنيه , يبقى ترشها ليه لما ممكن تجيب اكصدام جديد ؟ :)

وأخيراً ... احب اقول لحضرتك ان الخدوش في الجنب الشمال بتكون بسبب الركنة في شارع ضيق أو مخرج شارع ...والكل بيتفادى العربية اللي جاية في وشه عن طريق انه يخيش في عربيتك انت (اهي راكنة وصاحبها مش موجود وماحدش هاياخد باله !! ) ....فيه حد غشيم ومفتري مبهدللي الاكصدام من نفس المكان ورا وقررت اسيبها زي ماهي

الاكصدام أصلاً فايبر يعني حتى الحكة دي لما تطلع في الغسيل هاتسيب خدش في الدهان لكن مش هاتتسبب في بارومة

[abdulmoniem]

جزاك الله خيراً الواحد بس بيحس إنه عمال يحافظ على العربية من وجع الدماغ ده

ويجي واحد يعملها كدة وهي راكنة بيضايق

عشان كدة فكرت أروح أعالج الخدوش عند زيرو بتاع الخدوش

وبعدين قلت أرشه في التوكيل أحسن

أصلها حاجة تضايق .. صح؟

مبدأياً اللي بيعيب العربية انها تكون مرشوشة في الأماكن الحيوية يعني الصاج والجسم الخارجي ...الاكصدام أصلاً معمول لامتصاص الصدمات والحك والعربيات اللي بتريح على بعضها ...

نصيحتي ليك ماترشهوش خليه زي ماهو , حاجة كدة مصري بيقولوا عليها خليها تاخد العين علشان اللي يبص مايلاقيش العربية كاملة من مجاميعه ويطلق عليها نيران الحسد النووية !!

ونصيحتي ليك لما تحب تبيعها بعد عمر ان شاء الله تبقى تغير الاكصدام ...كدة كدة اكصدام ورا بـ 550 جنيه , وتكلفة الرش باللون الأصلي في التوكيل 300 جنيه , يبقى ترشها ليه لما ممكن تجيب اكصدام جديد ؟ :)

وأخيراً ... احب اقول لحضرتك ان الخدوش في الجنب الشمال بتكون بسبب الركنة في شارع ضيق أو مخرج شارع ...والكل بيتفادى العربية اللي جاية في وشه عن طريق انه يخيش في عربيتك انت (اهي راكنة وصاحبها مش موجود وماحدش هاياخد باله !! ) ....فيه حد غشيم ومفتري مبهدللي الاكصدام من نفس المكان ورا وقررت اسيبها زي ماهي

الاكصدام أصلاً فايبر يعني حتى الحكة دي لما تطلع في الغسيل هاتسيب خدش في الدهان لكن مش هاتتسبب في بارومة

[BassamHafez]

الفكر اللى فى مصر ان مدام العربيه مرشوشه يعنى فيها مصيبه وبالتالى سعرها هيقل فى البيع
و رش الحزام يعنى رشه خوارج بالكامل نضافه

معلش تعديل بسيط

رشه حزام مش معناه رشه كل الخوارج

رشه حزام معناها رشه اكصدامين امامي وخلفي ورفارف امامي وخلفي وارعه ابواب

لكن الكبوت والشنطه والسقف والقوايم مش بتبقى رشه

[the_air_devil]

جزاك الله خيراً الواحد بس بيحس إنه عمال يحافظ على العربية من وجع الدماغ ده

ويجي واحد يعملها كدة وهي راكنة بيضايق

عشان كدة فكرت أروح أعالج الخدوش عند زيرو بتاع الخدوش

وبعدين قلت أرشه في التوكيل أحسن

أصلها حاجة تضايق .. صح؟

ماتزعلش من الحاجات دي , أي نعم الواحد بيتضايق شوية بس بعدين بيعرف ان ربنا دفع بيها شر كبير عنه ...بحاجة بسيطة مش مشكلة كبيرة في العربية

وبعدين الواحد بيحافظ على عربيته بنفسه لكن لا دخل له ولا تحكم في اللي بيحصل وهي مركونة , هاتعمل إيه ده نصيبها ونصيبنا ...ماعلش أهم حاجة انك تكون بخير وفداك وفدا ضفر أي حد من أهلك وأحبابك

من جهة معالجة الخدوش في زيرو ...الاكصدام الفايبر ممكن يكون غير قابل للعلاج من الـ"خدش" ...يعني لو اتطبق فيه ناس بتسحبه على برة أو تحط مية سخنة وتسحبه بيرجع مكانه بسهولة ... انما حتة "خدش" دي بصراحة ماشفتهاش في زيرو ... حضرتك ممكن تكلمهم تسأل على الحكاية دي مع العلم ان اللي بيبهدل الاكصدام هو مش شيل الدهان ..لأ وجود جرح غائر في الفايبر نفسه


معاك انها حاجة تضايق بس قضا أخف من قضا

[abdulmoniem]

هو خدش في الاكصدام مش خبطة .. يعني الاكصطدام الدهان بتاعه بقا بايظ من الناحية الشمال وممكن برضه يكون الفايبر اتخربش مش متؤكد

كلمت زيرو برضه وقالولي ممكن بس قالولي لازم أروح أعمل معاينة وكمان هيعملوا معاينة عملي مجاناً ويجربوا يصلحوا الخدش عشان يطمنوني يعني ويوروني إنه هيتصلح وكدة

[د.محمدعبدالعال]

الحك في المكان ده في الاكصدام تقريبا بيكون عشان حد راكن وراك وعاوز يطلع ف ممكن يحك في الاكصدام وهو طالع .. ونصيحة سيبها شوية لما الاكصدام يجيب اخره ويبقى محتاج يترش او يتغير لأنك ممكن ترشه ومعرض انك تتحك تاني يوم
وربنا يستر

[Dr'AhmZZong]

يا عم رش ولا يهمك ..

ده لو عربية اييييييييه على ابوها هيطلعوا فيها عيب برده مش هتغلب معاهم ..

استمتع بالحاجة اللي معاك سييبك من بكرة ..

و لو علمتم الغيب لاخترتم الواقع ..

[abdulmoniem]

طيب أغيره كله .. ولا أرشه؟

مع العلم إني مركب حساس ركن ..

إيه الأحسن لو فرق السعر كان بسيط؟

[Survival]

حضرتك بتركن فى الشارع يبقى بلاش ترمي فلوسك فى الارض
لو عندك جراج رش و ظبط انما لو فى الشارع كبر دماغك انا عندى العربية اتهرت خرابيش من كل حته و هى واقفه فى الشارع من غير خبطات و الحمد لله.

[abdulmoniem]

حضرتك بتركن فى الشارع يبقى بلاش ترمي فلوسك فى الارض
لو عندك جراج رش و ظبط انما لو فى الشارع كبر دماغك انا عندى العربية اتهرت خرابيش من كل حته و هى واقفه فى الشارع من غير خبطات و الحمد لله.

في البيت بركن في جراج .. لكن في الشغل بضطر أركن في الشارع للأسف

[citadeldeath]

سيدي العزيز، أنا مقدّر تماماً إنك جايب عربية جديدة وتحب تستمتع بيها. أنا الحقيقة مأمن على العربية وموضوع التأمين ده مهم جداً، في رأيي، بعيداً عن الخدوش البسيطة العربية اتخبطت وهي واقفة في الإشارة مرتين؛ المرة الأولى غيّرت الإكصدام في التوكيل بواحد جديد ولكن الشنطة دخلت جوة شوية بسيطة، لذا كان يجب استعدالها ورشّها، وكان من الممكن التعايش مع الخبطة في الشنطة ولكني علشان مأمن أردت أن ترجع العربية زي ما كانت بالضبط وأحسن، لذا كل حاجة اتعملت في التوكيل (السبع). وبعدها بقترة قصيرة واحد تاني خبطني في الإكصدام في إشارة برده وأنا واقف (الغريبة إن العربيتين إللي خبطوني كانوا هيونداي إلنترا الشكل القديم، تقريباً العربية ده مبتقفش أو فراملها مهببة) المهم غيّرت الإكصدام بالكامل بس. وبعدها بكام يوم وأنا راكن وفي حي سكني مقفول برضه واحد من الجيران عملي خدوش في الإكصدام. وطبعاً زعلت لإني لسه مغيّر الإكصدام. من الآخر، العربية هتتخدش وتتخبط يعني هتتخدش وتتخبط، بس لو عايز تستمتع بالعربية وترجعها جديدة في أي وقت طالما الخبطات بسيطة يبقى عليك وعلى التوكيل عن تجربة، لأنه بيستخدم الدهان نفسه إللي في المصنع وكمان عنده ناس محترفين أكتر من برة، ولو حصل حاجة في العربية إنت مش راضي عنها، بترجع وبتخرب بيتهم وهم بيعيدوا الشغل من الأول لأنك دافع فلوس مش قليلة. والله أعلم