يعني إيه العربية مرشوشة؟

[abdulmoniem]

سيدي العزيز، أنا مقدّر تماماً إنك جايب عربية جديدة وتحب تستمتع بيها. أنا الحقيقة مأمن على العربية وموضوع التأمين ده مهم جداً، في رأيي، بعيداً عن الخدوش البسيطة العربية اتخبطت وهي واقفة في الإشارة مرتين؛ المرة الأولى غيّرت الإكصدام في التوكيل بواحد جديد ولكن الشنطة دخلت جوة شوية بسيطة، لذا كان يجب استعدالها ورشّها، وكان من الممكن التعايش مع الخبطة في الشنطة ولكني علشان مأمن أردت أن ترجع العربية زي ما كانت بالضبط وأحسن، لذا كل حاجة اتعملت في التوكيل (السبع). وبعدها بقترة قصيرة واحد تاني خبطني في الإكصدام في إشارة برده وأنا واقف (الغريبة إن العربيتين إللي خبطوني كانوا هيونداي إلنترا الشكل القديم، تقريباً العربية ده مبتقفش أو فراملها مهببة) المهم غيّرت الإكصدام بالكامل بس. وبعدها بكام يوم وأنا راكن وفي حي سكني مقفول برضه واحد من الجيران عملي خدوش في الإكصدام. وطبعاً زعلت لإني لسه مغيّر الإكصدام. من الآخر، العربية هتتخدش وتتخبط يعني هتتخدش وتتخبط، بس لو عايز تستمتع بالعربية وترجعها جديدة في أي وقت طالما الخبطات بسيطة يبقى عليك وعلى التوكيل عن تجربة، لأنه بيستخدم الدهان نفسه إللي في المصنع وكمان عنده ناس محترفين أكتر من برة، ولو حصل حاجة في العربية إنت مش راضي عنها، بترجع وبتخرب بيتهم وهم بيعيدوا الشغل من الأول لأنك دافع فلوس مش قليلة. والله أعلم

جزاك الله خيراً على الرد

أنا إللي مخليني متردد كل شوية في موضوع إني أروح زيرو .. هو الجزء بتاع إن التوكيل عارف شغله .. وبيجيب من الأخر حتى لو غالي حبتين ..

هو ده بس إللي بيخليني أقدم رجل وأخر رجل في موضوع الخدوش ده .. ومستني أجيب ال 5000 عشان أروح الصيانة وربنا يسهل

[john55]

زيرو مش يعملك حاجه انا اتعملت معاه هيجيب لون العربيه وبفرشه رسم هيغطي بيها الخدوش وشكرا علي كدا

[_hema]

أنا معايا عربية نيو صني 2013 سوبر صالون ..

كل ما أركنها في حتة واحد يجي يحكلي الإكصام من ناحية الشمال! مش فاهم بيحبوا الحتة دي ليه!

أنا دلوقتي لو حبيت أرش إكصدام العربية ..

بغض النظر عن التكلفة وكدة

هل كدة ده يعيب العربية في حالة البيع مثلاً؟

يعني بيبقى اسمها مرشوشة؟

ولا إيه بالظبط؟ وإزاي أنا ممكن أكتشفها في عربية أنا مثلاً بشتريها؟

المقصود برش العربيه انها بتبقى رشه دواخل( حوض / شنطه / قوايم /) اما لو رشه خارجى للنظافه يبقى مفيش حاجه اما لو رشه بره ( جسم خارجى) نتيجه خبطه او حادثه ) ده يققل من قيمتها

اما فى حاله حضرتك مفيش اى مشكله من رش الاكصدام مش هيبقى ملحوظ اوى وبعدين اللى بيشترى مش بيهموا رش اكصدام قد مابيهمه ان العربيه رشه دواخل ولا دواخليها فابريقه

[abdulmoniem]

المقصود برش العربيه انها بتبقى رشه دواخل( حوض / شنطه / قوايم /) اما لو رشه خارجى للنظافه يبقى مفيش حاجه اما لو رشه بره ( جسم خارجى) نتيجه خبطه او حادثه ) ده يققل من قيمتها

اما فى حاله حضرتك مفيش اى مشكله من رش الاكصدام مش هيبقى ملحوظ اوى وبعدين اللى بيشترى مش بيهموا رش اكصدام قد مابيهمه ان العربيه رشه دواخل ولا دواخليها فابريقه

جزاك الله خيرا ريحت قلبي

[_hema]

جزاك الله خيرا ريحت قلبي

وجزاك الله تعالى كل الخير
اشكرك