مادة للحفاظ على الكاوتش

[Ahmed Lotfy]

حد عندة فكرة عن المادة اللى بتمنع دخول اى مسمار او شى اخر ويطردة من الكاوتش
انا سمعت ان فى حد فى ابو رواش بيعملة والفردة الواحدة ب250 جنيه

[amr011111]

فيه محل جنب نعمه اللى فى الدقى على اليمين يعنى بعد منزل كوبرى الدقى فى اتجاه جامعة القاهره على اليمين وتقريبا الاربع عجلات ب 200 جنيه والله اعلم

[Amr_Moh]

في في كرفور اسبراي لحام فوري بتملا بيه الفرده ب ٢٩ ج

[mem]

على فكره الكلام ده كله ولا ليه لازمه
وفى ناس عملته والكاوتش اتخرم
وناس عملته والكاوتش باظ

[abdulmoniem]

إللي أعرفه هو الجيل إللي بتحط في الكاوتش في تاير مانيا .. وده غالي شوية الراجل قالي ب 1000 جنيه لعربيتي نيو صني سوبر صالون وبيختلف من عربية لعربية على حسب حجم الكاوتش وكدة

وعلى فكرة هو مش أي كلام ولا حاجة .. لأنه أعتقد بيجرب كل حاجة وبيوريك الدنيا هناك

وهي مادة عاملة زي الجل أمريكية متهيألي

[Ramy Rateb]

اقرأ الوضوع ده

http://www.nilemotors.net/Nile/302997-a.html

بالتوفيق

[the_air_devil]

بيتعمل للكاوتش حاجة اسمها تسليح , بياخد وقت ومكلف نوعاً ما , زائد ان طبقة الحماية بتحميك من المسامير الصغيرة أو قطع الزجاج الخفيفة ...لكن لو مسمار طويل أو قطع كبير في الكاوتش مش هاينفع يعمل حاجة

قارن التكلفة باحتمالية الخرم والقطع والمنفعة من المادة دي ...وقرر في النهاية تعمله ولا لأ


حفظنا الله جميعاً من أخطار وشرور الطريق وكل شر وسوء

[د.محمدعبدالعال]

أفضل حاجة ما يسمى بتسليح الكاوتش اللي تاير مانيا بتعمله وده تامر بشير كان جابه في برنامج دوس بنزين وبالتجربة فعلا مبيتأثرش بأي حاجة ممكن تقطع الكاوتش أو تخرمه لأن المادة اللي بيتسلح بيها الكاوتش بتملى أي خرم يظهر مباشرة .. عيبه الوحيد انه بيتقل وزن فردة الكاوتش حوالي كيلو أو كيلو إلا ربع

[Dr'AhmZZong]

تير مانيا ده حضرتك مكان متخصص للحاجات ديه ..

مكانه في مدينة نصر ..

صاحب المكان راجل قمة في الاحترام ..

[abdulmoniem]

أفضل حاجة ما يسمى بتسليح الكاوتش اللي تاير مانيا بتعمله وده تامر بشير كان جابه في برنامج دوس بنزين وبالتجربة فعلا مبيتأثرش بأي حاجة ممكن تقطع الكاوتش أو تخرمه لأن المادة اللي بيتسلح بيها الكاوتش بتملى أي خرم يظهر مباشرة .. عيبه الوحيد انه بيتقل وزن فردة الكاوتش حوالي كيلو أو كيلو إلا ربع

طيب إيه المشكلة في إن الكاوتش وزنه يزيد .. مش ده ممكن يزود إتزان العربية؟ ولا غلط؟

[د.محمدعبدالعال]

طيب إيه المشكلة في إن الكاوتش وزنه يزيد .. مش ده ممكن يزود إتزان العربية؟ ولا غلط؟

فيه ناس بتقول انه بيعمل حمل زيادة على الموتور لكن بصراحة انا مش مقتنع .. بس ماظنش انه ممكن يزود اتزان العربية لأن لا عرضه ولا ارتفاعه اتغير والاتزان مش بيكون بوزن الجنط قد ما بيكون بعرض الكاوتش وطبعا الاهم من كده عرض العربية وارتفاعها عن الأرض كلما كانت اعرض وارتفاعها اقل كانت اكثر ثباتا لأن نقطة الطرد المركزي القوة عليها بتكون أقل

[abdulmoniem]

فيه ناس بتقول انه بيعمل حمل زيادة على الموتور لكن بصراحة انا مش مقتنع .. بس ماظنش انه ممكن يزود اتزان العربية لأن لا عرضه ولا ارتفاعه اتغير والاتزان مش بيكون بوزن الجنط قد ما بيكون بعرض الكاوتش وطبعا الاهم من كده عرض العربية وارتفاعها عن الأرض كلما كانت اعرض وارتفاعها اقل كانت اكثر ثباتا لأن نقطة الطرد المركزي القوة عليها بتكون أقل

جزاك الله خيراً