إعـــــــلان

Collapse

.

,
See more
See less

ثــــبــــــات التيــــــــدا ؟؟؟ !!!

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة zangry مشاهدة المشاركة
    لحظة واحدة :d اشمعنه 165؟ تحديدا يعني!؟

    عموما هى مش ثابته ولا حتى لـ130 وعامت مني على الدائري علي 120 !


    العضو صاحب الموضوع لو عايز عربية ثابتة بلاش تيدا خالص وخليك في الفيات لينيا عربية ممتازة وثباتها
    ممتاز
    انا معا يا تيدا 2013 ورايح جالا على طريق 15 مايو -المعادى واقل سرعه بمشى بيها 120 وعمر ما العربيه عامت منى ومشيت بيها فى طريق السخنه لاحد 165 ولا حاسس انى ماشى بسرعه دى ولما زوت صوت الماتور بدا يعلى والعربيه بدات احس بيها فمازودتش

    Comment


    • #17
      المشاركة الأصلية كتبت بواسطة sherifzein78 مشاهدة المشاركة
      التيدا ثابته لاحد 165 بعد كده خطر

      شكرا لإهتمامك وردك بس عايز أوضح إن الثبات فى الخط المستقم أو الحارة الواحدة بيكون فعلا لحد سرعات عالية أما مع التنقل فى الطريق أثناء القيادة من حارة لحارة بيكون أقل طبعا والتحكم والسيطرة بيقلوا , ومن كلام أغلب اعضاء المنتدى ثبات التيدا لحد
      130 - 140 ك
      بس المشاركة بخصوص السؤال عن حقيقة الثبات لحد السرعة دى بيكون حالته إيه يعنى لازقة ومسكه فى الأرض ولا لأ
      الفقير إلى عفو ربه محمد عبد المجيد

      Comment


      • #18

        العضو صاحب الموضوع لو عايز عربية ثابتة بلاش تيدا خالص وخليك في الفيات لينيا عربية ممتازة وثباتها ممتاز


        مشكلة الينيا فى قلة انتشارها وإعادة البيع وتوكيلها مع إن الحاجات دى ممكن التعامل معاها ولكن لازم أراعى رأى والدى
        , إنت شايف لو عايز أقنع أى حد من أهلى باللينا يبقى إزاى يعنى لو فيه حلول ل
        مشاكلها دى ( أخبار عن إنتشارها أو مركز صيانة معتمد بدل التوكيل ...... )
        ويا ريت رجاء تقولى ولكل الأعضاء قناعتك باللينيا جت منين وكونتها إزاى وبعد تجربة ولا لأ
        الفقير إلى عفو ربه محمد عبد المجيد

        Comment


        • #19
          بص انا هريحك اكتر ياكبير :)
          العربية التيدا حلوة جدا فى كل حاجة اكتر من العربيات دى
          الثبات العربية ثلاتها جامد وحلوة جدا فى الملفات العربية مس بتميل بسهولة والهاندلنج فيها رائع على السرعات العالية
          بس يعيبها وزنها ... انا بحس ان الوزن هو المشكلة .. يعنى كنت على ١٦٠ ودوست على اسمنت ناشف فى الارض حسيت العربية خفيفة كده وده عيبها الوحيد ... بس كهاندلنج وتحكم رائعة ...

          Comment


          • #20
            المشاركة الأصلية كتبت بواسطة zangry مشاهدة المشاركة
            لحظة واحدة :d اشمعنه 165؟ تحديدا يعني!؟

            عموما هى مش ثابته ولا حتى لـ130 وعامت مني على الدائري علي 120 !


            العضو صاحب الموضوع لو عايز عربية ثابتة بلاش تيدا خالص وخليك في الفيات لينيا عربية ممتازة وثباتها
            ممتاز
            الدائري ده يخلي الفيل ابو زلومة يعوم.... و يبلبط كمان......

            مطبات هواء متوفرة بغزارة، نقر علي كيفك، حفر مازيكا، رملة علي الجانبين و لا كائنك داخل تفتتح عمرو افندي في زمانه...

            زيت برده ما فيش مشاكل، بواقي كاوتش التريلات.. ده غير الفدائيين اللي بيعدو الشارع..

            توب علينا يا رب...

            Comment


            • #21
              و ليه 140 و 160 و بعدين نسأل عن ثبات التيدا ؟؟

              الموضوع مش سباق خالص

              مع احترامي لكل الاعضاء
              د. أشرف هنداوى

              Comment


              • #22
                المشاركة الأصلية كتبت بواسطة sherifzein78 مشاهدة المشاركة
                انا معا يا تيدا 2013 ورايح جالا على طريق 15 مايو -المعادى واقل سرعه بمشى بيها 120 وعمر ما العربيه عامت منى ومشيت بيها فى طريق السخنه لاحد 165 ولا حاسس انى ماشى بسرعه دى ولما زوت صوت الماتور بدا يعلى والعربيه بدات احس بيها فمازودتش

                ده وانت ماشي عادي ! اي عربية هتكون ثابتة .. انا بتكلم لو كسرت الدريكسيون او جيت تفادي حاجة هتعوم

                المشاركة الأصلية كتبت بواسطة SAWA1SAWA مشاهدة المشاركة

                العضو صاحب الموضوع لو عايز عربية ثابتة بلاش تيدا خالص وخليك في الفيات لينيا عربية ممتازة وثباتها ممتاز


                مشكلة الينيا فى قلة انتشارها وإعادة البيع وتوكيلها مع إن الحاجات دى ممكن التعامل معاها ولكن لازم أراعى رأى والدى
                , إنت شايف لو عايز أقنع أى حد من أهلى باللينا يبقى إزاى يعنى لو فيه حلول ل
                مشاكلها دى ( أخبار عن إنتشارها أو مركز صيانة معتمد بدل التوكيل ...... )
                ويا ريت رجاء تقولى ولكل الأعضاء قناعتك باللينيا جت منين وكونتها إزاى وبعد تجربة ولا لأ

                للامانة انا مجربتهاش بس من كلام ناس كتير في المنتدي العربية ثابتها عالي ماشاء الله واحسن من التيدا في رأيي في كل حاجة كعربية وركوبة .. لكن التوكيل وانتشار مراكز الخدمة النيسان افضل طبعا

                بص بصة في قسم فيات هتلاقي كل المعلومات عنها

                المشاركة الأصلية كتبت بواسطة ma8rabye مشاهدة المشاركة
                بص انا هريحك اكتر ياكبير :)
                العربية التيدا حلوة جدا فى كل حاجة اكتر من العربيات دى
                الثبات العربية ثلاتها جامد وحلوة جدا فى الملفات العربية مس بتميل بسهولة والهاندلنج فيها رائع على السرعات العالية
                بس يعيبها وزنها ... انا بحس ان الوزن هو المشكلة .. يعنى كنت على ١٦٠ ودوست على اسمنت ناشف فى الارض حسيت العربية خفيفة كده وده عيبها الوحيد ... بس كهاندلنج وتحكم رائعة ...
                لا حضرتك التيدا ثباتها ضايع واسهل حاجة انها تعوم

                انا اسف انت كده مش بتريحه انت كده بتلبسه في حيطة !

                المشاركة الأصلية كتبت بواسطة Nashaat Rady مشاهدة المشاركة
                الدائري ده يخلي الفيل ابو زلومة يعوم.... و يبلبط كمان......

                مطبات هواء متوفرة بغزارة، نقر علي كيفك، حفر مازيكا، رملة علي الجانبين و لا كائنك داخل تفتتح عمرو افندي في زمانه...

                زيت برده ما فيش مشاكل، بواقي كاوتش التريلات.. ده غير الفدائيين اللي بيعدو الشارع..

                توب علينا يا رب...
                هههههههههههههههههه الدائري ده لعنة والله يا استاذ نشأت ده انا دخلت في الحاجز ونزلت في الحتة الرمل بتاعة المطار دي :D

                Comment


                • #23
                  المشاركة الأصلية كتبت بواسطة د.اشرف هنداوى مشاهدة المشاركة
                  و ليه 140 و 160 و بعدين نسأل عن ثبات التيدا ؟؟

                  الموضوع مش سباق خالص

                  مع احترامي لكل الاعضاء
                  هو ده الكلام يا د. اشرف

                  الله يفتح عليك والله

                  Comment


                  • #24
                    انا بصراحه مشيت بيها 180 - 190 كم/س.......فى الطوالى مش حتحس بحاجه بس لو فيه ملف ولو بسيط حتحس ان العربيه حتحدف منك.....فلازم تهدى شويه.

                    Comment


                    • #25
                      المشاركة الأصلية كتبت بواسطة ma8rabye مشاهدة المشاركة
                      بص انا هريحك اكتر ياكبير :)
                      العربية التيدا حلوة جدا فى كل حاجة اكتر من العربيات دى
                      الثبات العربية ثلاتها جامد وحلوة جدا فى الملفات العربية مس بتميل بسهولة والهاندلنج فيها رائع على السرعات العالية
                      بس يعيبها وزنها ... انا بحس ان الوزن هو المشكلة .. يعنى كنت على ١٦٠ ودوست على اسمنت ناشف فى الارض حسيت العربية خفيفة كده وده عيبها الوحيد ... بس كهاندلنج وتحكم رائعة ...
                      المشاركة الأصلية كتبت بواسطة ahmed_selmy مشاهدة المشاركة
                      انا بصراحه مشيت بيها 180 - 190 كم/س.......فى الطوالى مش حتحس بحاجه بس لو فيه ملف ولو بسيط حتحس ان العربيه حتحدف منك.....فلازم تهدى شويه.
                      متشكر يا جماعة على صراحتكم واهتمامكم وربنا يباركلكم فى التيدا ويكفيكم شر الطريق
                      الفقير إلى عفو ربه محمد عبد المجيد

                      Comment


                      • #26
                        المشاركة الأصلية كتبت بواسطة د.اشرف هنداوى مشاهدة المشاركة
                        و ليه 140 و 160 و بعدين نسأل عن ثبات التيدا ؟؟

                        الموضوع مش سباق خالص

                        مع احترامي لكل الاعضاء
                        المشاركة الأصلية كتبت بواسطة nashaat rady مشاهدة المشاركة
                        هو ده الكلام يا د. اشرف

                        الله يفتح عليك والله
                        فعلا كلام مضبوط وعين العقل بس المشاركة القصد منها نتكلم على امكانيات التيدا مقارنة بغيرها فى الثبات , أنا عن نفسى لا يمكن أجرى لأنى زوج وأب ومسئول عنهم , ورأيى إن السرعة الزايدة تهور وربنا يسترها
                        ولكن إللى بيوضح امكانيات وقوة العربية فى الثبات السرعة العالية نسبيا وأكيد العربية اللى بتكون ثابتة على سرعة عالية هتكون أحسن وأقوى كعربية من ناحية الميكانيكا والمواصفات الفنية بتاعتها علشان نوصل لأفضل عربية مقابل ثمنها
                        الفقير إلى عفو ربه محمد عبد المجيد

                        Comment


                        • #27
                          التيدا city car يعني مش بتاعة سرعات عالية زيها زي الياريس و البونتو و الكليو و c3 و غيرهم

                          العربيات الثابتة علي السرعات العالية بنفس السعر ده نادرة :

                          -الجين 2 بس تقفيل مش حلو قوي و شكاوى من الفرامل و من رايي الفرامل اهم بكتييير من الثبات علي 140

                          - هوندا سيتي -- ممتازة بس قطع غيارها نار - لو انت من هواه السرعة ارشحها لحضرتك

                          متهيألي ما فيش عربيات بنفس السعر افضل من التيدا غير كده
                          د. أشرف هنداوى

                          Comment


                          • #28
                            و للامانه اصحاب الجراند بونتو بيقولوا انها ثابته جدا

                            و التيدا و البونتو اعتقد هما احسن عربيتين في فئة 120 -130الف حنيه
                            د. أشرف هنداوى

                            Comment


                            • #29
                              المشاركة الأصلية كتبت بواسطة د.اشرف هنداوى مشاهدة المشاركة
                              و للامانه اصحاب الجراند بونتو بيقولوا انها ثابته جدا

                              و التيدا و البونتو اعتقد هما احسن عربيتين في فئة 120 -130الف حنيه


                              متفق معاك يا دكتور تماما بس 1- البونتو موتور 77 حصان غير إن فرق السعر بين المانيوال والأتوماتيك كبير , وباقى المواصفات فوق الممتازة
                              2- التيدا لو نزل موديل 2014
                              اخر السنة احتمال كبير تعدى المبلغ ده
                              أما لو معدتش 135 - 140 مع مواصفتها الاحسن من التيدا اللى موجودة دلوقتى أكيد هتبقى صفقة رابحة جدا وهتكتسح غيرها

                              الفقير إلى عفو ربه محمد عبد المجيد

                              Comment


                              • #30
                                التيدا الموجوده حاليا اسعاره

                                125

                                133.5

                                136

                                يبقي اكيد الجديده حتعدي 140
                                د. أشرف هنداوى

                                Comment

                                Working...
                                X