نيو صنى (مهم )

[shady.shaheed]

السلام عليكم

اول مشاركه و محتاج رأى صقور نيسان .
انا معايا نيوصنى و كنت عاوز اعرف رأيكم فى كام حاجه

1- صوت الفرامل بدأ بصفاره ضعيفه عند 3000 كيلو لما اكون بهدى و اجى اقف
دلوقتى انا 4000 كليلو الصوت زاد جدااا . و شبه بقى مع كل فرمله . عاوز اعرف اروح التوكيل ولا استنى لحد صيانة ال5000 . و لو استنيت غلط انى امشى بيها كده . ( هل ممكن تأثر على الطنابير ولا ايه ) و هل التيل يتغير على حسابى ولا فى الضمان

2- صوت خروشه فى الصالون . غالبا فى المنطقه بتاعة كرسى السواق او الطاره مش قادر احدد
3-السماعات فيها زنه . دى تبع الضمان ولا اعمل فيها ايه ؟

[mhf_77]

السلام عليكم

اول مشاركه و محتاج رأى صقور نيسان .
انا معايا نيوصنى و كنت عاوز اعرف رأيكم فى كام حاجه

1- صوت الفرامل بدأ بصفاره ضعيفه عند 3000 كيلو لما اكون بهدى و اجى اقف
دلوقتى انا 4000 كليلو الصوت زاد جدااا . و شبه بقى مع كل فرمله . عاوز اعرف اروح التوكيل ولا استنى لحد صيانة ال5000 . و لو استنيت غلط انى امشى بيها كده . ( هل ممكن تأثر على الطنابير ولا ايه ) و هل التيل يتغير على حسابى ولا فى الضمان

2- صوت خروشه فى الصالون . غالبا فى المنطقه بتاعة كرسى السواق او الطاره مش قادر احدد
3-السماعات فيها زنه . دى تبع الضمان ولا اعمل فيها ايه ؟ :copy of rfds:

موضوع التيل فى الصنى الجديده بيتغير فى الضمان حسب ما الزملاء اجمعو
بالنسبة للتزييق فده من التقفيل المصرى وحاول تتجاهله لانه غير مؤثر الا على اعصابك لكن للعربيه لاشيئ

[blazer]

اشتكى لهم فى التوكيل
العربيه المفروض ميبقاش فيها الهوا ومتتنازلش عن حقك

[Ramy Rateb]

أول حاجة اقرأ الموضوع ده

http://www.nilemotors.net/Nile/343585-a.html

من قراءة الموضوع هتعرف ان المشكلة جماعية .. و على الرغم من كده بعض التوكيلات بترفض تغيير الفرامل فى الضمان (الفرامل الخلفية بيغيروا المنظومة كلها فى الضمان من غير مشاكل ، أما الفرامل الأمامية بيرفضوا يتحملوا فيها حاجة) .. فأنا من رأيى أنك تحجز ميعاد فى التوكيل و تروح تشتكى من الفرامل عشان تلحق المشكلة بدرى قبل ما يأكل التيل فى الطنبورة .. و تصر على ان كل ده يكون فى الضمان.
و كذلك الأمر فى السماعات و الفرش و أظن النقطة ديه مفيهاش مشكلة.
بالتوفيق و طمنا لما تروح :)

[shady.shaheed]

شكرا يا رجاله وو لو فيه حد حصلت معاه حاجه من الحاجات دى يا ريت يعرفنى عمل ايه :)

[د.محمدعبدالعال]

أنا عامل بالعربية 2900 كم .. والصوت في الفرامل بدأ يظهر بس ضعيف قوي ومش دايما بسمعه ... الظاهر الصوت ده بيبدأ بعد ال 3000 كم ... وبرضه بسمع صوت زنة بسيطة في السماعات بس مش دايما ..

[shady_hamdy]

شكوة لنيسان و هيكلموك و تغير التيل فى الضمان

[canner]

روح للتوكيل و قولهم و هم ح يغيروه لوحدهم فى الضمان

[ahmed452003]

الخروشه دي عندي وجاية من الكاسيت لما احط ايدي على الفريم بتاع الكاسيت الصوت بيروح دي مشكلة تقفيل فيه حاجة سايبه او اسلاك مش ملمومة جوه مكان الكاسيت والله اعلم !!!!