بتحدف شمال..... معلومة غريبة

[dya2008]

السلام عليكم ,
امبارح كنت في اوتو ايجيبت ابو رواش للصيانه صني الشكل القديم 2013 و كان في مشكله ان العربية بتحدف شمال المهم ونا بستلم من المهندس و اثناء اختبار السيارة قال لي ان الموضوع دا طبيعي و السيارة n16 مايله شمال بطبيعتها و دي حاجه في التصميم يعني لو نظرت بشكل مباشر علي صني القديمة عند الاكصدام تلاقي الجنب اليمين للسيارة اكثر ارتفاعا من الشمال
الحقيقة انا نزلت لقيت الموضوع دا موجود
هل حد كان يعرف الامر دا و هل موجود في عربيته

[MohammedAladel]

!!!!!!!!!!!!

[AhMeD MeTwAlY]

محدش هيقول اه لان الرجاله مقتنعه ان العربيه دي بدون عيوب

[أحمد كمال]

هو ده مهندس و لا صبي بقال؟

[Dr.M_baz]

الكلام ده تهريج و المفروض ميتقالش في توكيل.

[tarekzein]

بعض النظر عن العربيه نفسها

متأكد إنه مهندس مش بتاع طرشى

[hilal]

معنى الكلام ده انه عيب متعمد في التصميم
يمكن عشان تتقلب بسهولة ، والشركة تبيع اكتر ، هههههههههههههههههه

[m.ghanem]

ارجو من حضرتك تكلم شركة نيسان الام
على رقم اﻷى فعلت فيه الضمان وتسالهم
لانى لا اعتقد ذلك
وكان من باب اولا اللى عربيته ما بتحدفش يبقى عندة فى التصميم عيب
كلام مش مظبوط وتبلغهم اسم المهندس دة
وممكن تكلم مدير صيانة ابو رواش فى الموضوع

وشكرا

[KoKyKa]

الكلام ده حصل معايا

وطلع ضبط هو كوتش

[lanos2004]

ايه

[د.محمدعبدالعال]

اتصل بنيسان ايجيبت اشتكي المهندس ده .. خليهم يخلصونا من شوية العاهات اللي في التوكيل ده .. وياريت تقولنا اسمه ايه عشان واحنا هناك ناخد بالنا في التعامل معاه

[FBIAhmed]

اه فعلا العربيه الصني مايله نص سم شمال

[dya2008]

فعلا دا اللي حصل في اوتو ايجيبت ابو رواش بس احب اوضح ان المهندس مقالش انه عيب صناعه و انا مقولتش كده هوا قال التصميم كده يعني الديزاين علي الكمبيوتر مقصود بيه كده و الصراحة انا وقفت ورا العربيه بـ 3 متر و نظرت منتصف الاكصدام الخلفي لقيت فعلا مايل سنه بسيطه شمال يعني الجنب الشمال اقل ارتفاعا من اليمين و ممكن اي حد يجرب كده ويقول ملاحظ الموضوع دا و لا لا
الملخص ان مش دا سبب الحدف لكن السبب اني غالبا امشي في الحارة شمال و دا سبب ان العربيه بتحدف شمال لان الطريق عندنا في مصر الحارة الشمال غالبا بتكون مايله شوية شمال و جرب معي العربيه في مشينا في نصف الشارع اللي فيه التوكيل في ابو رواش و محدفتش لكن لما جه شمال حدفت
هل لاحظتم هذه المعلومات ام انها اشتغالات ؟ بس انا لاحظت الميل بنفسي و اكرر انه حسب كلامه دا مش عيب صناعه

[Amr2004IBM]

ده مش عيب صناعه و ده فعﻻ فى تصميمها الميل ده
بس ده مالوش دعوه بالحف شمال ده عايزه تظبيط زوايا عند واح عند جهاز متعاير كويس مش اكتر و لو حضرتك بحثت فى القسم كويس هتﻻقى مواضيع كتير بتتكلم على الحكايه دى و كيفيه حلها و لو ماعرفتش توصل لحل كلمنى و انا اعرف واح كويس
اما بنسبه للعضو الى بيقول ان الرجاله الى هنا فى قسمنا المحترم مقتنعين ان العربيه مافيهاش عيوب احب اقوله يا ريت حضرتك تتعب نفسك شويه و تقراء مواضيع القسم و تتعلم منه زى ما الناس بتخش تستفيد من كم المعلومات و الخبرات الى مشهتﻻقى زيها بالكم ده فى اى قسم
علشان كده قسم نسان و رجاله نيسان الى حضرتك خاصتهم بذكر واخدين افضل قسم مميز بقالو كام سنه على التوالى و بشهادت احبائنا و اصدقائنا من الاقسام الاخرى بفضل الله
و الى ما يشفش من الغربال يبقى......

[dya2008]

ده مش عيب صناعه و ده فعﻻ فى تصميمها الميل ده
بس ده مالوش دعوه بالحف شمال ده عايزه تظبيط زوايا عند واح عند جهاز متعاير كويس مش اكتر و لو حضرتك بحثت فى القسم كويس هتﻻقى مواضيع كتير بتتكلم على الحكايه دى و كيفيه حلها و لو ماعرفتش توصل لحل كلمنى و انا اعرف واح كويس
اما بنسبه للعضو الى بيقول ان الرجاله الى هنا فى قسمنا المحترم مقتنعين ان العربيه مافيهاش عيوب احب اقوله يا ريت حضرتك تتعب نفسك شويه و تقراء مواضيع القسم و تتعلم منه زى ما الناس بتخش تستفيد من كم المعلومات و الخبرات الى مشهتﻻقى زيها بالكم ده فى اى قسم
علشان كده قسم نسان و رجاله نيسان الى حضرتك خاصتهم بذكر واخدين افضل قسم مميز بقالو كام سنه على التوالى و بشهادت احبائنا و اصدقائنا من الاقسام الاخرى بفضل الله
و الى ما يشفش من الغربال يبقى......

+1111
يعني المعلومة و ملاحظتي فعلا سليمة ؟
طيب بعد اذنك يا باشا انا بحثت في المنتدي فعلا ملقيتش مواضيع خاصة بالحدف شمال يا ريت تفيدني بمعلومة او لينك الموضوعات
تحياتي