بتحدف شمال..... معلومة غريبة

[د.محمدعبدالعال]

يا باشا ممكن يكون تصميم العربية انها مايلة ناحية الشمال شوية ( ممكن اصدق كده ولو انها صعبة قوي ) بس ده مش معناه إنها تحدف شمال على طول وإلا ده يبقى عيب صناعة كبير جدا جدا جدا جدا

[MohammedAladel]

حد عنده تعليل للميل الغير مبرر دا فى التصنيع ؟؟ ؟؟؟ أصل أنا عندى ميجان مايلة سنة شمال برضه بس عشان البطاحة عندى مكسورة ... الصنى ليه مايلة شمال ؟؟

[Amr2004IBM]

انا رقم تلفونى
01147305099
كلمنى و هقولك التفاصيل لان بخش النت من التلفون حاليا و تحت امرك

[aw2100]

لابد من وجود سمترية فى تصميم اى عربية وده علشان عوامل مقاومة الهواء والايروديناميكية مش ممكن لا استحالة الكلام الهجس ده ازاى عربية مايلة 5 مللى مش سنتيمترات انت عندك سوستة مكبوسة او بطاحة مقطوعة امامى او الكاوتش متاكل فى جنب اكتر من جنب او ممكن يكون عيب تصنيع فى المساعد نفسه انصحك تعمل روتيشن للكاوتش يعنى تقلب الامامى خلفى واليمين شمال وتكشف على العفشة عندك وسيبك من الهجس ده انا عربيتى فليشيا موديل 1997 وببقى ماشى 120 والطريق يتلوى عالى وواطى وحفر ونقر حتى فى الشتاء والعربية ماشية سهم ويدوبك مريح ايدى على الدركسيون ولا حدفة ولابتاع سبحان الله ولاحول ولاقوة الا بالله فى الناس دى !!!

[aboamr]

فعلا دا اللي حصل في اوتو ايجيبت ابو رواش بس احب اوضح ان المهندس مقالش انه عيب صناعه و انا مقولتش كده هوا قال التصميم كده يعني الديزاين علي الكمبيوتر مقصود بيه كده و الصراحة انا وقفت ورا العربيه بـ 3 متر و نظرت منتصف الاكصدام الخلفي لقيت فعلا مايل سنه بسيطه شمال يعني الجنب الشمال اقل ارتفاعا من اليمين و ممكن اي حد يجرب كده ويقول ملاحظ الموضوع دا و لا لا
الملخص ان مش دا سبب الحدف لكن السبب اني غالبا امشي في الحارة شمال و دا سبب ان العربيه بتحدف شمال لان الطريق عندنا في مصر الحارة الشمال غالبا بتكون مايله شوية شمال و جرب معي العربيه في مشينا في نصف الشارع اللي فيه التوكيل في ابو رواش و محدفتش لكن لما جه شمال حدفت
هل لاحظتم هذه المعلومات ام انها اشتغالات ؟ بس انا لاحظت الميل بنفسي و اكرر انه حسب كلامه دا مش عيب صناعه

بعض مالكى النيسان صنى قالوا فعلا ان فيه ميل والبعض بيقول انه متعمد .......المهم ليه العربيه بتحدف واكيد موضوع الميل مش هو السبب .......بالنسبه للطرق عندنا فى مصر بيكون الجانبين مستوى ارتفاعهم اقل من منتصف الطريق ب 6 سم ولذلك فيه ميل فى الطريق دايما تجاه الاجناب ولذلك لابد من مكان مستو حتى تتاكد من المعلومه وليس الطريق

[goudamahdy]

اه فعلا العربيه الصني مايله نص سم شمال

أهو ده الكلام فعلا ... لأن العربية لو قعدت تظبط لها زوايا لغاية السنة الجاية هي بطبيعتها مايله وبتحدف شمال !!!!!!!!!!!!!!! وده عن تجربة شخصيه

[FBIAhmed]

انا كان معايا فليشيا برضه ثابته عن الصني مفيش كلام بس عيبها الحراره و الصني كلها مايله شمال و الله

[FBIAhmed]

+1111
يعني المعلومة و ملاحظتي فعلا سليمة ؟
طيب بعد اذنك يا باشا انا بحثت في المنتدي فعلا ملقيتش مواضيع خاصة بالحدف شمال يا ريت تفيدني بمعلومة او لينك الموضوعات
تحياتي

http://www.nilemotors.net/Nile/274550-a.html

[atefadel]

أهو ده الكلام فعلا ... لأن العربية لو قعدت تظبط لها زوايا لغاية السنة الجاية هي بطبيعتها مايله وبتحدف شمال !!!!!!!!!!!!!!! وده عن تجربة شخصيه

انا بقول الكلام دة من 2010 ومحدش مصدق ومفيش حل والعربية بتحدف بمزاجها وساعات بتكون كويسه

[aw2100]

انا بقول الكلام دة من 2010 ومحدش مصدق ومفيش حل والعربية بتحدف بمزاجها وساعات بتكون كويسه

طالما المشكلة دى فى التصميم لية ما تجمعوش كام الف من ملاك النيسان وتبعتوا شكوي رسمية لشركة نيسان الأم والتوكيل وجهاز حماية المستهلك وترفعوا قضية كمان عليهم بتعويض عن عيوب التصنيع ياما يعلجوا العيوب دى على حساب الشركة لان عدم الثبات دة مشكلة خطيرة فى اى عربية ؟؟؟؟؟

[AhMeD MeTwAlY]

طالما المشكلة دى فى التصميم لية ما تجمعوش كام الف من ملاك النيسان وتبعتوا شكوي رسمية لشركة نيسان الأم والتوكيل وجهاز حماية المستهلك وترفعوا قضية كمان عليهم بتعويض عن عيوب التصنيع ياما يعلجوا العيوب دى على حساب الشركة لان عدم الثبات دة مشكلة خطيرة فى اى عربية ؟؟؟؟؟

يا معالي الباشا الناس مبسوطه بالحدفه دي
سعتك لما كنت بفكر اشتري الصني وقولت انا خايف من كذا لقيت كله بيقولك لا مفيهاش ولما سألت واحد معاه العربيه قالي ايوا فيها
دي لو شركه محترمه كانت جمعت العربيات الي فيها المشكله دي وعالجة الموضوع انما الرجاله مفكره ان دا اوبشن جديد

[khaledshaheen]

من غير تريقة بس برضه ده مش مهندس فاهم ده كوفتجى وأرجو إرسال شكوى فيه لأوتو ايجيبت والأهم نيسان موتور ايجيبت

[MohammedAladel]

يعنى بعد ما الناس ا عترفت بان العربية معيوبة فعلا .... أنا دايما ببص للصنى على أن فيها حاجة غلط معرفش ليه بغض النظر عن حكاية الميل دى

يبقى المهندس ذنبه إيه ؟؟

[Ramy Rateb]

انا بقول الكلام دة من 2010 ومحدش مصدق ومفيش حل والعربية بتحدف بمزاجها وساعات بتكون كويسه

http://www.nilemotors.net/nile/274550-a.html

و فى مشاركات سابقة فى الموضوع اللى أ/ أحمد حاطط الينك بتاعه

بسم الله الرحمن الرحيم
باعتذر جدا لتأخري في المشاركه في الموضوع ....
شوفو يا جماعه .. انا اللي رحت مع أ احمد fbi و أ وليد عادل و أ عمرو عند عمرو بدوي وعربيتي موديل 2011 و أ وليد عادل جرب العربيه بنفسه وفعلا اتأكد ان فيها حدفه شمال ولما حطيناها على الجهاز عند عمرو بدوي طلع فيها نفس العيب 1 سم في العجله اليمين ( عربيه احمد fbi كان فيها نصف سم فقط ) واتشجعت وعملتها بزرجينه والموضوع ما اخدش ربع ساعه شغل والعربيه اتظبطت الحمد لله وعلى فكره الزرجينه طلعت غير ما انا كنت فاكر ( مش سلسله وربط وشد ) الموضوع كله قرصه خفيفه بالكوريك على المساعد والسوسته ... وبعد ما جربت العربيه كام يوم لقيت ان لسه فيه حدفه شمال بس بسيطه جدا ما كنتش واخد بالي منها في الاول.... رجعت تاني لعمرو بدوي يوم الاربعاء الي فات وكرر نفس الزرجينه تاني وزبط زوايا تاني والعربيه كده اتظبطت الحمد لله .....ولسه هاتابعها تاني واشوف علشان انا معظم مشاويري وسط البلد وفي اوقات الزحمه فمش باقدر احكم على العربيه على طول ( وساعات باشك في نفسي واقول يمكن مظبوطه وانا الي باتجنى عليها ) او حتى ممكن لما اقابل اي عضو يجربها ويحكم بنفسه.. الخلاصه ان الموضوع علاجه سهل والزرجينه اعتقد مش مؤثره على العربيه - وممكن احمد fbi يأكد لنا المعلومه دي - والي عنده المشكله دي يتوكل على الله ويروح لعمرو بدوي والله المستعان .
ملحوظه اخيره انا من ساعت ما استلمت العربيه حاسس بالحدفه دي وجربت مودرن الهايكستب والسبع زهراء المعادي وبريدجستون عباس العقاد وعمارات العبور وكلهم بيقولو العربيه زي الفل انتا بيتهيألك.............

يا نهار ابيض هو الموضوع انتشر كده
انتوا بتفكروني بفيلم النوم في العسل هههههههههههه
الحل لمشكلة زوايا الصني و الحدفه عند عمرو بدوي يا صقور كل صقر يجيب ريشه و يجي يحل الحوار ده عند عمرو بدوي لاني الحمد لله حليته انهارده و ادي القياسات من على الشاشه (اخضر ان شاء الله) كمان احب اضيف انها كلها زرجينه 1 سم من العجله اليمين اودام و طبعا برضه مش هتنازل عن مشوار التوكيل او اننا نخاطب المصنع عشان لو فيه حل افضل يبقى احسن بس الي اتعمل ده الصح و الحمد لله و ما شاء الله الحدفه راحت و الدركسيون في النص

و للعلم نادر اما تلاقي عربيه مزبوطه sai ودي بتدل ان العربيه ارتفاعها اتزبط الحمد لله

عادي انا موديل 2011 عامل 20000 و عملتها و مبتعيبش العربيه نهائي لانها مش زرجينه بلحي ده بيتعمل بمكبس و بتؤثر على المساعد لو كانت اكتر من 2 سم و لا تؤثر في بيع ولا تؤثر في الشاسيه

السؤال هنا : هل بعد عمل الزرجينة عند عمرو بدوى (الكلام ده تقريبا من سنة) أختفت الحدفة الشمال و بقى الدربكسيون فى النص ؟ و هل كل فترة هأحتاج أعمل زرجينة و لا هى مرة واحدة بس ؟و هل الزرجينة أثرت على المساعدين أو العفشة أو اتزان العربية ؟
أظن رأيكم هيحسم موضوع الزرجينة.

[FBIAhmed]

و فى مشاركات سابقة فى الموضوع اللى أ/ أحمد حاطط الينك بتاعه

السؤال هنا : هل بعد عمل الزرجينة عند عمرو بدوى (الكلام ده تقريبا من سنة) أختفت الحدفة الشمال و بقى الدربكسيون فى النص ؟ و هل كل فترة هأحتاج أعمل زرجينة و لا هى مرة واحدة بس ؟و هل الزرجينة أثرت على المساعدين أو العفشة أو اتزان العربية ؟
أظن رأيكم هيحسم موضوع الزرجينة.

هيا الحدفه اختفت تماما لحد دلوقتي بس اعتقد انه مش ده حلها حلها في المصنع و لو كنت عاوز نعمل مقابله نجمع فيها بعض و يبقى معنا نيسان تيم و نحدد ميعاد مع التوكيل مفيش مشاكل