سؤال عن حرارة النيسان صني

[sunny2010]

هو مؤشر الحرارة بتاع نيسان صني المفروض يكون قبل النص بقد ايه ؟ و اسمحولي كمان عايز اعرف هو الثرموستات ممكن تكون محتاجه تتغير حتي لو بتشتغل عادي ؟

[sunny2010]

اقصد حتي لو المروحة بتشتغل عادي ؟

[Mohamed Abosef]

هو الطبيعي لؤشر الحراره انه يكون عند الثلث و لو الثرموستات سليمه يبقي حتفضل ثابته يعني لا هتزيد و لا تقل
لاكن الله اعلم اذا كان المفروض ان الثرموستات تتغير ولا لأ

و ده اللي انا أعرفه بس انتظر باقي اراء العضاء

[sunny2010]

انا عربيتي صني 2010 اوتوماتيك ومعلشي كتبت السؤال علي 3 مرات

[sunny2010]

يعني سواء التكييف شغال او مش شغال المؤشر مش بيتحرك ؟

[Ahmed_Rahem]

المؤشر بيفضل ثابت طول الوقت - بتكييف او بدون - لو اتحرك وانت ماشى لفوق او لتحت يبقى فية حاجة بايظة

[ahmed salah90]

عند الثلث او مابين الثلث و النصف اول ما يعدي النص و المروحه لسه ماشتغليتش بوص على الفيشه بتاعت المروحه متوصله ولا لا و بوص على فيشه الثيرموستات و اخر حاجه لف المروحه بايدك ممكن تكون قفشيت ساعيتها هتغيرها او تصلحا او ممكن الشربون بتاع المروحه اتاكل دي حاجه تانيه في المروحه ممكن تبوظ و الكهربائي بيصلحها او الفيوز بتاع المروحه ضرب اخر حاجه تبوص عليها انك تغير الثرموستات و الله اعلم

[wama00]

المؤشر بيفضل ثابت طول الوقت - بتكييف او بدون - لو اتحرك وانت ماشى لفوق او لتحت يبقى فية حاجة بايظة

ازاى يعنى المؤشر يفضل ثابت ولو اتحرك لفوق او لتحت يبقى فى حاجة بايظة؟؟؟ :)

[sunny2010]

اشكركم علي الردود و منتظر باقي ردود الاخوة

[Ramy Rateb]

المؤشر بيفضل ثابت طول الوقت - بتكييف او بدون - لو اتحرك وانت ماشى لفوق او لتحت يبقى فية حاجة بايظة

كلام سليم ١٠٠ ٪ و بيكون تحت النص بشوية.

[khaledshaheen]

كان محيرنى الموضوع ده أول ماجبت العربية وبعدين وصلت لنفس النتيجة اللى الإخوة ذكروها

[Ahmed Amin]

ازاى يعنى المؤشر يفضل ثابت ولو اتحرك لفوق او لتحت يبقى فى حاجة بايظة؟؟؟ :)

قصدة ثابت تحت النص في التلت الأولاني من العداد أو علي النص بالظبط,
لأن أكيد المؤشر هيتحرك معاك والعربية بتسخن لحد ما يوصل للنص أو التلت ويقف عن الدرجة دي.

لو عدي فوق النص ومفضلش ثابت علي درجة الحرارة العادية يبقي في حاجة بايظة ساعتها سواء ترموستات قافش أو مروحة مش شغالة. وتنزل تشيك علي الموتور علي طول.
دا اللي كان يقصدة,

[wama00]

قصدة ثابت تحت النص في التلت الأولاني من العداد أو علي النص بالظبط,
لأن أكيد المؤشر هيتحرك معاك والعربية بتسخن لحد ما يوصل للنص أو التلت ويقف عن الدرجة دي.

لو عدي فوق النص ومفضلش ثابت علي درجة الحرارة العادية يبقي في حاجة بايظة ساعتها سواء ترموستات قافش أو مروحة مش شغالة. وتنزل تشيك علي الموتور علي طول.
دا اللي كان يقصدة,

انا عارف الكلام ده لكن انا بستغرب على ان المؤشر يقضل ثابت على طول ولا يطلع فوق سنة ولا ينزل تحت سنة,,, وده مش صحيح انا معاك انه يفضل قبل النص انما مش ثابت على طول اه ما يعديش النص بس ممكن شوية يكون على التلت بالظبط وشوية لو زحمة اوى يطلع فوق شوية (ولكن ما زال تحت النص) ده اللى انا اقصدة
مفيش حرارة عربية تفضل على مثلا x على طول ممكن تبقى x+1 او x-1 كدة يعنى

[Ahmed Amin]

انا عارف الكلام ده لكن انا بستغرب على ان المؤشر يقضل ثابت على طول ولا يطلع فوق سنة ولا ينزل تحت سنة,,, وده مش صحيح انا معاك انه يفضل قبل النص انما مش ثابت على طول اه ما يعديش النص بس ممكن شوية يكون على التلت بالظبط وشوية لو زحمة اوى يطلع فوق شوية (ولكن ما زال تحت النص) ده اللى انا اقصدة
مفيش حرارة عربية تفضل على مثلا x على طول ممكن تبقى x+1 او x-1 كدة يعنى

لا يا باشا فيه, الانسر طول الوقت درجة حرارتها علي النص..

العربية بتدورها بتفضل تسخن والمؤشر يعلي واحدة واحدة لحد ما يوصل للنص,
لا بيقل شرطة ولا بيزيد. سواء مع تكييف أو من غير تكييف.
لو زادت عن النص بشرطة أو قلت بشرطة يبقي عندك مشكلة في دورة التبريد.

علي عكس التويوتا ممكن تمشي بيها مشواير وتفحت بيها, وتلاقيها لسه باردة أو تحت التلت الأولاني مش النص كمان.

الأوربي قصة تانية, في البيجو والسيتروين, لما تدور العربية بتفضل تسخن برضة لحد ما توصل ل 90 اللي هوا نص العداد, وتفضل تمشي بيها ف وسط البلد هيا نفس درجة الحرارة.
لو شغلت التكيف تقل معاك ل 70
عشان مروحة الرادياتير بتشتغل علي أقصي سرعة ليها وبتبرد الرادياتير والسربنتينه بشكل أعلي.

ولو طلعت علي السريع وهيا كانت معاك علي 90 ومشغلتش التكيف, هتفضل تقل معاك لحد ما توصل ل 70 نتيجة الهواء الأكتر اللي داخل للردياتير.

[wama00]

شكرا على المعلومة