سؤال عن حرارة النيسان صني

[sunny2010]

اشكركم جزيل الشكر يا جماعة علي الرد علي سؤالي واحب اعرفكم اني رحت مركز صيانة نيسان وهناك اتأكدت ان الحرارة المضبوطة للصني بتكون ما بين التلت و النص ( بين الشرطة الرابعة و الشرطة الخامسة بضبط ) و بالصدفة اكتشفوا وجود عيب عندي فالثرموستات فغيرتها و غيرت ماء التبريد بالمرة كمان علشان بقالة معاية حوالي 3 سنين و نص و عملت بقي شوية صيانة بتاعت ال 20000 كم والحمد لله العربية كانت كويسة وانا مروح بس سؤال جديد بعد اذنكم ،
كنت مشغل التكييف و لما نزلت من العربية و سايب العربية دايرة و التكييف شغال لقيت ال مراوح صوتها عالي اوي لاول مرة ، ده طبيعي ؟؟؟؟

[Ahmed Amin]

شكرا على المعلومة

الشكر لله.

والحمد لله العربية كانت كويسة وانا مروح بس سؤال جديد بعد اذنكم ،
كنت مشغل التكييف و لما نزلت من العربية و سايب العربية دايرة و التكييف شغال لقيت ال مراوح صوتها عالي اوي لاول مرة ، ده طبيعي ؟؟؟؟

الصوت طبيعي جدً, لأن المروحة بتشتغل علي أقصي سرعة ليها في حالة تشغيل التكييف عشان تبرد سربنتينة التكييف..
لو قفلت التكييف, وأستنيت عليها شوية هتلاقي هديت أو فصلت والصوت هدي ورجع تاني زي الصوت الطبيعي.