سؤال في صني 2003 - زيت باور داخل الصالون

[محمد الشامي]

السلام عليكم ورحمه الله وبركاته

زميلي في العمل معاه عربيه صنى 2003 وبيحكيلي عن ظهور مشكله تقل في الباور
ولما الميكانيكي كشف عليها قاله ان علبه الدريكسيون بتجيب زيت ولازم تتغير !! وتمنها حوالى 3000 جم
هل الكلام ده صح ؟

مع العلم ان الحكايه دي لما بتحصل في اللانوس بتاعتي بيكون بسبب اويل سيل الباور وده تمنه 25 جنيه ولما بيتغيير المشكله بتنتهي تماماً

السؤال بقا هل الميكانيكي بيفتى والحكايه فعلا مجرد اويل سيل ضارب ولا كلامه سليم

وشكرا مقدما على المساعده والافاده

[محمد الشامي]

فين الردود يا شباب :)

[mony10]

مقدرش افيدك اذا كانت العلبه ممكن تتصلح ولا لازم تتغير بس لو روحت لعفشجي كويس يكشف عليها هيفيدك برأيه لأن الموضوع دا بيكون بالكشف وخصوصا ان المشكله دي اول مره اقابلها بصراحه
بالنسبه لتمن العلبه لو هتغيرها دا سعر مبالغ فيه جدا انا فاكر مره زمان في التوكيل كانت عربيتي عايزه تغير بارات الدركسيون وكانت غاليه جدا فقولت للمهندس هشتريهم استعمال قالي لأ اشتري علبة دركسيون كامله بالبارات مره واحده وركبها وقالي تقريبا في حدود 500 جنيه بس دا كان من سنه تقريبا حتى السعر لو زاد ميوصلش ل 3000 جنيه ابدا
وانا في بورسعيد شوفت صني 2003 كامله مقطوعه نصين ومحطوطه عل الارض يعني لو لحمت النصين وركبت الاربع عجلات تمشي بيها المهم سالت على حاجه فيها التاجر قالي لا مش بشتغل في النيسان هي وصلت مع بضاعه تانيه وانا ببيع العربيه بالكامل قولتله طيب سعرها كام قالي 8000 ووصلنا لحد 7000 جنيه يبقى ازاي علبة الدركسيون ب 3000

[Ramy Rateb]

اقرا الموضوع ده

http://www.nilemotors.net/Nile/355581-a.html

[Mecha]

you can rebuild whole steering rack in general hydraulic in Shubra el Mozalat , El Amira Fawzia street.

If the steering pump shaft leaking you can replace it cheap provided the shaft not loose.

How many k's on your car ??????????????????