صوت طقطقه مع الفرامل فى النيو صنى

[jooohn]

اسمع صوت طقه بسيطه مع الفرمله علي السرعات الهاديه فقط فى النيو صنى و سؤال الفرامل بتصفر و بسمع صوت حكه جامده مع سحب رجلى من على الفرمله و كلمت التوكيل و قالولى هانغيرك التيل و الطنابير لكن هل التيل و الطنابير الي فى التوكيل نفس النوعية الى راكبه و الا تم تغيير النوع بنوع اخر بجوده اعلى اشكركم

[akmm]

متابع .............. وغريبه دى في سياره مفروض انها يابانى ...........

[jooohn]

فرامل العربيه سيئه جدا و التكييف ضعييف جدا على السرعات الهاديه

[john55]

اكشف في الصيانه علي الكوبلن مجرد راي

[Ahmed Amin]

متابع .............. وغريبه دى في سياره مفروض انها يابانى ...........

مفروض, بس الصني مش ياباني.
بقالها ٩ سنين بتتصنع برة اليابان, واللي عندنا بيجلنا قطعها من الصين وبتتجمع في مصر.

النيسان الجوك ياباني, والقاشقاي اللي عندنا في مصر تجميع إنجليزي بريطاني.

[Ahmed Amin]

اكشف في الصيانه علي الكوبلن مجرد راي

الكوبلن مالوش علاقة بالمشكلة دي إطلاقاً. المشكلة مشكلة نظام الفرامل من تيل وطنابير وماستر.

[Ahmed Amin]

اسمع صوت طقه بسيطه مع الفرمله علي السرعات الهاديه فقط فى النيو صنى و سؤال الفرامل بتصفر و بسمع صوت حكه جامده مع سحب رجلى من على الفرمله و كلمت التوكيل و قالولى هانغيرك التيل و الطنابير لكن هل التيل و الطنابير الي فى التوكيل نفس النوعية الى راكبه و الا تم تغيير النوع بنوع اخر بجوده اعلى اشكركم

تابع مع المجموعة دي في الموضوع دا, سيب رد فيه وتابع معاهم وتواصلو مع بعض وإن شاء الله تنحل مشاكلكم.

http://www.nilemotors.net/Nile/365196-2013.html

[waelkhussien]

عندي نفس المشكلة طقة او طقات صغيرة عند استعمال الفرامل في السرعات البسيطة و بتبان اكتر في الجراج عند النزول من منحدرات و عند الدوس علي الفرامل مع لف الدركسيون طبعا احمد مرعي قالي رجلشة و تنظيف و كده فله بس المشكلة زي ماهي والهندسية علي الصراوي مش لاقين مشكلة من اصله... يا ريت لو حد لقي حل يقول لي انا بصراحة خايف اسافر بالعربية احسن الفرامل تضيعني

[ramymoharram]

يا جماعة دي مشكلة طنابير وتيل والتوكيل بيغيرهم عادي

[theblackpirate]

انا دلوقتى العربيه عامله حوالى 12000 والتيل ابتدى يصفر صفاره خفيفه لما افرمل على سرعه هاديه
تنصحونى بايه يا جماعه يا ترى التيل كده خلاص خلص واروح البس ال440 جنيه ولا بيتصنفر وهيكمل ولا ايه الدنيا

[moedsayed]

عندى نفس المشكلة التيل بيصفر بس والعربية مش مكملة 5000 كيلومتر ورايح التوكيل يوم السبت مش عارف هايرضوا يغيرولى الاجزاء البايظة ولا هايقولولى مش مشكلتنا

[theblackpirate]

عندى نفس المشكلة التيل بيصفر بس والعربية مش مكملة 5000 كيلومتر ورايح التوكيل يوم السبت مش عارف هايرضوا يغيرولى الاجزاء البايظة ولا هايقولولى مش مشكلتنا

بيغيروه من كسوفهم من المصيبه اللى فى العربيه
انت رايح توكيل ايه