نظام التعليق الخلفي للنيو صني

[yasserelsayad]

فعلا أنا أعرف واحد طول النهار بيشتم في العربية مع إنه عمره مركبها لمجرد إنه منحاز للسيراتو والسيراتوا حالها وقف من ساعة الصني الجديد منزلت بالسعر المنافس اللي نزلت بيه......عالم تعبانة يا عم ربنا يشفي

صنى وسيراتو ووقعت سوقها !! .. بلاش الافورة ونبى عشان كمان انت كدا بتظلم الصنى جامد
قولى حاجة واحدة بس هى احسن فيها مثلا من السيراتو عشان تاخد مكانها فى السوق
طيب قول ريو .. لكن سيراتو كدا وسعت اوى

[edodahab]

الحاجة الوحيدة اللى الصنى احسن فيها من السيراتو هى سعر العربية هههههههه
الصراحة مينفعش نقارن بين الاتنين عشان دول فئات مختلفة
بالنسبة للريو الهاتشباك لسة شغالة عشان بيجيبها الشباب اللى عمره ما هيفكر فى الصنى اما الريو السيدان فعلا الصنى و البيجو 301 وقفوا سوقها

[hamaka]

بالرغم من انى مش Big fan لأسعار العربيات الكورية مع الاعتراف بجودتها العالية و تطورها فى الفترة الأخيرة ، الا ان مقارنة الصنى الجديدة بالسيراتو أصابتنى بالذهول ، ولله مواضيع الصنى الجديدة دى الواحد بيلاقى فيها كوميديا يندفع فيها فلوس ، اما بالنسبة للريو فا أنا ممكن أتناقش فى مين أحسن هى ولا ال 301 ، لكن أدخل الصنى الجديدة فيها يبقى بظلمها ، أنا يدوب هكتفى بمقارنة الصنى الجديدة بالبرسونا و الصنى هتخسر المقارنة (من وجهة نظرى و من حيث متطلباتى فى العربية عشان الناس اللى الكلام بيدوس على صباعها)
أما بالنسبة للتوكيل اللى كاتب ان عفشة الصنى Multilink و بيكدب على الناس فلا تعليق....

[yasserelsayad]

الحاجة الوحيدة اللى الصنى احسن فيها من السيراتو هى سعر العربية هههههههه
الصراحة مينفعش نقارن بين الاتنين عشان دول فئات مختلفة
بالنسبة للريو الهاتشباك لسة شغالة عشان بيجيبها الشباب اللى عمره ما هيفكر فى الصنى اما الريو السيدان فعلا الصنى و البيجو 301 وقفوا سوقها

يا باشا اصلا مبيعات الريو الهاتش باك اصلا اعلى من السيدان من اول ما نزل .. يعنى مش بسبب عربية خدت السوق منها لان كمان الهاتش باك شكلها احسن فى رأى من السيدان

[edodahab]

ممكن برده
بس على الاقل كانت بتتباع شوية دلوقتى نادرا جدا اما حد بيجيبها و دة كلام المعارض مش كلامى و كل اما اسأل حد يقولى اصل الصنى و ال ٣٠١ واكلينها
بصراحة اسعار العربيات بقى مبالغ فيه جدا
ربنا يستر علينا

[edodahab]

اذا كان مبيعات الأكسنت قلت جدا بسببهم

[toty_305]

اذا كان مبيعات الأكسنت قلت جدا بسببهم

-عامة الاكسنت أقل منهم كلهم يعتبر عربية موتور بس انما تخيط الي نفسك فيه و مش مهم توقفها

-لسه من يومين واحد بنيو صني كح تراب ورايا كتير

[edodahab]

محدش شارى الصنى عشان الشد و الحرق اصلا
و لو حد فكر يجيبها عشان كدة هيلبس تراب كتير

[toty_305]

محدش شارى الصنى عشان الشد و الحرق اصلا
و لو حد فكر يجيبها عشان كدة هيلبس تراب كتير

تصدق برده انا عادة بسوق بالراحة و مش محتاج فرامل قوية و بسافر اخري 120 فمش بحتاج ثبات عالي

- يا بيه مش عذر

[edodahab]

يا باشا العربية ثباتها حلو لغاية ١٤٠ كمان ب
و فراملها زى الفل
مش موضوع اعذار ولا حاجة

[saint2011]

العربية تورشن بيم وموضوع الثبات كويس مش وحش حتى 140 ولو حضرتك من هواة الجرى غير الكاوتش بمجرد أستلام العربية وركب ميشلان او بريدحستون او كونتيننتال وبكده تقدر تجرى حتى 180 كم وفيه ناس كتير وصلوا للسرعة دى ووصلوا 200 كم على طريق السخنة
بالنسبة للبرسونا عربية ممتازة جدا فى كل حاجة ولكن يعيبها توكيلها نكد العرب سىء جداااااا وسعر أعادة البيع مش كويس وقطع الغيار مش متوفرة فى التوكيل والفنيين معندهمش فكرة

[medo-312]

-عامة الاكسنت أقل منهم كلهم يعتبر عربية موتور بس انما تخيط الي نفسك فيه و مش مهم توقفها

-لسه من يومين واحد بنيو صني كح تراب ورايا كتير

تصدق برده انا عادة بسوق بالراحة و مش محتاج فرامل قوية و بسافر اخري 120 فمش بحتاج ثبات عالي

- يا بيه مش عذر

باشا انا ملاحظ كده انك واهب نفسك للهجوم على الصنى !! ياسيدى استريح .. احنا برضه مش بنحب الجرى ومش عايزين ثبات واخرنا 80 على الصحراوى !! بس عاجبانا العربية

[a7m8n]

معلش يا جماعة بس كل المعلومات دى غلط انا مالك للسيارة سوبر صالون 2013 و بركب ورا عل طول والعفشة لا مالتى لينك و لا تورشن بيم
العفشة نوعها جديد شوية عشان كدة نوعها مش معروف العفشة نوعها maragehy و بالعربى مراجيحى يعنى مصممة عشان تمرجح اللى ورا و تمخمضه
و فيها خاصية القيء السريع يعنى بعد 5 دقايق بس ترجع على اللى قدامك عشان كده بفكر اركب ازاز بين الكنبة الخلفية و الكراسى الأمامية
و دى اسرع و احدث عفشة بنظام القيء السريع يعنى فى الياريس القيء بيبقى فى خلال 10-15 دقيقة لاكن ديه ما شاء الله اسرع حاجة
و على فكرة فيها برده خاصية الولادة السريعة يعنى لو المدام حامل فى الشهر الخامس مثلا الواد هينزل بعد ركوبها العربية ب 5 دقايق برده و اهو تبقى وفرت الأنتظار 4 شهور و وفرت مصاريف المستشفى

جامد اوى من ساعت ماقريت الكومنت ده وانا عمال اضحك