صوت على السرعات البطيئة قي العجل الأمامي

[RamiAbbas]

انا معايا نيسان صني الشكل الجديد موديل 2013 باسمع زنه في العجل الامامي مع السرعة البطيئة اول ما اطلع بالعربية و الف ملف الزنة بتختفي بعد سرعة 40 تقريبا و ترجع مع السرعة البطيئة تاني مش عارف ايه سببها لما كنت في التوكيل فيي الصيانة عملوا الصيانة و قالوا لي انها من تيل الفرامل و عاوز يتنضف مع اني كنت مغيره بعد 8 الاف كيلو و انا كنت في صيانة ال10 الاف المهم نضفوه و بردو المشكلة موجودة و التعامل في التوكيل زي الزفت و بطئ جدا (صيانة ال10 الاف قعدوني 4 ساعات و تلت) فأنا بصراحة ما عنديش استعداد ارجع لهم تاني و كمان مش واثق فيهم لأن تيل الفرامل في عيوب صناعة لما رحت و قلت لهم ان مغيره تحت 10 الاف كليول قالوا كنت جيت لنا و احنا غيرناه في الضمان (يعني هما كانوا عارفين ان التيل بايظ و ساكتين و لا قالوا حاجة) المهم اصوت كأنه حكه بين حديد و بعضه او حاجة محتاج تتزيت او تتشحم لكن ايه الحاجة او الصوت منين مش عارف للأسف .

[Msanad]

اعتقد انه ممكن تكون زوايا

[frag]

اغسل العجل بقوة دفع مياه يعنى عند بتوع غسيل السيارات ممكن حصواية صغيرة تكون عالقة وتنزل وتنتهى المشكلة ان شاء الله

[frag]

اعتقد انه ممكن تكون زوايا

مع كامل احترامى لوجهة نظرك أرى ان شكوته بعيد عن موضوع الزوايا

[Msanad]

مع كامل احترامى لوجهة نظرك أرى ان شكوته بعيد عن موضوع الزوايا

شكرا ليك بس كان عندى نفس المشكلة ولما ضبطت الزوايا الصوت اختفى

[frag]

شكرا ليك بس كان عندى نفس المشكلة ولما ضبطت الزوايا الصوت اختفى

والله وارد ... عموما الاثنين مش مكلفين المهم تنتهى مشكلة الأخ رامى وكلنا يسعى لمساعدة الآخر فالله فى عون العبد ماكان العبد فى عون أخيه ... تقبل تحياتى

[essa144]

المشكله ديه 90 % بلي عجل حضرتك روح اتو اجيبت ابورواش يكشفو عليها و لو طلع بلي هيغيروه في الضمان

[anasnora]

بلى عجل

[hatahet]

حضرتكعملت ايه فموضوع الصوت اللي طالع من العجل دا لان انا مغيير التيل و الطنابير و ظبط دايرة الفرامل و مشوار البدال و بعدها ب 600 كم في صوت ظهرجديد هو اللي حضرتك بتشتكي منه فهل حضرتك وصلت لمعلومه او حل نستفيد منه ?وشكرا مقدما

[RamiAbbas]

اولا انا اسف جدا على التأخير في الرد لأن لسه واصلني الأيميل ان في حد رد على الموضوع دلوقتي لأسف :(

بالنسبة لتظبيط الزويا عملته مرتين و مافيش نتيجة
بالنسبة لغسيل العربية و ضرب مياه جامد في التيل حصل و مافيش نتيجة بالعكس الوصت زاد !
بالنسبة لموضوع التوكيل لما عملت صيانة ال 10 الاف كيلو كنت قلت لهم عى المشكلة دي و ما عملوش حاجة قالوا ان تيل الفرامل عايز يتنضف و دفعوني 30 جنية عليه و ماحصلش حاجة بردو و الصوت زي ما هو و المرة اللي رحت فيها التوكيل قعدت اكتر من 4 ساعات فبصراحة زهقت و مش متأكد انهم هيغيروا حاجة في الضمان انا تجربتي معاهم بتقول انهم هيلبسوني المشكلة مهما كانت ايه و هيقولوا سوء استخدام . ( انا في اسكندرية اتعاملت مع التوكيل بتاع مرعي اللي في اول الزراعي بتاع سموحه)

[dodyam]

أنا عندى نفس مشكلة حضرتك بأسمع صوت تكتكة من ناحية العجل الأمامى على السرعة البطيئة وأنا بألف الدريكسيون وبتظهر لما تكون العربية واقفة و راكنة بقالها كذا ساعة يعنى الصبح وأنا طالع من الجراج لكن لو مشيت فترة الصوت بيروح

ابتدى ظهور الصوت بعد ما عملت صيانة العشرة فى توكيل اوتو ايجيبت ابورواش وغيرت كمان الصاجة الخلفية وبدلت أماكن العجل على شكل حرف h

و الصوت استمر معايا فترة وروحت توكيل الهندسية فى اسكندرية مرتين ولكن للأسف لانه فى الكيلو 28 طريق اسكندرية - القاهرة فبتكون العربية سخنت والصوت يختفى لما أوصل عندهم ومش قادرين يكتشفوا الصوت منين ونضفوا التيل وكمان غيروا التيل الأمامى فى الضمان

لغاية لما واحد صاحبى نصحنى انى أرجع العجل فى مكانه تانى وبالفعل اختفى الصوت بعدها

ولكن الآن أحيانا أسمح الصوت ولكن بدرجة خفيفة جدا يصعب تمييزها ولازم يكون مكان مغلق علشان تقدر تسمعه

هل ده بلى عجل فعلا ولا ايه

.

[RamiAbbas]

انا فعلا مش عارف بس الصوت ده مش حاجة جديدة بس هو بقا واضح لما غيرت التيل بعد اول 8 الاف كيلو لأن اللي كان نازل مع العربية كان بيعمل صوت عالي جدا سواء دايس فرامل او لأ
و حاليا انا نفس المشكلة بتاعت حضرتك بس الصوت عندي بيطلع بمزاجه ساعات و ساعات النهاردة مثلا انا عامل حوالي 100 كيلو و ماكنش في اي صوت لا من اول ما طلعت بالعربية و لا لحد ما ركنت امبارح ما عملتش مسافة كبيرة و كان الصوت شغال انا مش لاقي سبب منطقي للأسف
انا لحد دلوقتي مش قادر احدد الصوت طالع من ايه بس هو من العجل اللي قدام دي انا متأكد منها 100%
لو في حد يقدر يفيدنا ازاي نكشف على البلي بتاع العجل ممكن اعملها و نتاكد بدل ما اعصابنا تبوظ من الصوت العجيب ده

[RamiAbbas]

و الله يا استاذ ادهم الستروين نزلت بعد ما اشتريت بحوالي اسبوعين لو كانت قدامي كان مستحيل اجيب عربية تقفيل مصري و في حاجة زي الستروين في السوق هي و البيجو ال 301 نزلت بعد ما انا اشتريت بحوالي اسبوعين تقريبا

[hatahet]

انا فعلا مش عارف بس الصوت ده مش حاجة جديدة بس هو بقا واضح لما غيرت التيل بعد اول 8 الاف كيلو لأن اللي كان نازل مع العربية كان بيعمل صوت عالي جدا سواء دايس فرامل او لأ
و حاليا انا نفس المشكلة بتاعت حضرتك بس الصوت عندي بيطلع بمزاجه ساعات و ساعات النهاردة مثلا انا عامل حوالي 100 كيلو و ماكنش في اي صوت لا من اول ما طلعت بالعربية و لا لحد ما ركنت امبارح ما عملتش مسافة كبيرة و كان الصوت شغال انا مش لاقي سبب منطقي للأسف
انا لحد دلوقتي مش قادر احدد الصوت طالع من ايه بس هو من العجل اللي قدام دي انا متأكد منها 100%
لو في حد يقدر يفيدنا ازاي نكشف على البلي بتاع العجل ممكن اعملها و نتاكد بدل ما اعصابنا تبوظ من الصوت العجيب ده

انا بكره ان شاء الله هجرب حاجه هاعرف بيها ازا كان التيل هو مصدر الصوت ولا لأ و هي اني هرفع العربيه بالكوريك و هدور الفرده المرفوعه بايدي و هاحول اسمع الصوت و هخلي اخويا او حد من صحابي يساعدني ان يدوس علي الفرامل"طبعا بايده و هو تحت واقف علي الارض عشان مايحملش علي الكوريك" و احاول اسمع الصوت و لو الصوت مصدره التيل هيبان ساعه الفرامل و لو مصدره البلي هيكون لف العجله اصلا صعب و تقييل وهتقف بسرع
انا فكرت في الحل دا و ناوي اعمله بكره ان شاء الله وربنا يستر
و لو حد عنده فكره او معلومه ياريت يقولنا

[hatahet]

و لما احدد مكان الصوت او لو سمعتو هرجع احجز في اتو ايجبت و ابلغ المصنع نفسه