صوت على السرعات البطيئة قي العجل الأمامي

[edodahab]

عاجبنى الفقرة الاعلانية بتاعة ادهم صبرى
الاخ داخل على كل المواضيع و هاتك يا اعلانات ههههه
ربنا يوفقك

[hatahet]

عاجبنى الفقرة الاعلانية بتاعة ادهم صبرى
الاخ داخل على كل المواضيع و هاتك يا اعلانات ههههه
ربنا يوفقك

والله لو هنركز مع كل واحد شويه مش هنلاقي وقت نشوف فيه حالنا
و نفكر فحل للمشكله بتاعت الصوت دي

[Mostafa.Ismail]

انا معايا نيسان صني الشكل الجديد موديل 2013 باسمع زنه في العجل الامامي مع السرعة البطيئة اول ما اطلع بالعربية و الف ملف الزنة بتختفي بعد سرعة 40 تقريبا و ترجع مع السرعة البطيئة تاني مش عارف ايه سببها لما كنت في التوكيل فيي الصيانة عملوا الصيانة و قالوا لي انها من تيل الفرامل و عاوز يتنضف مع اني كنت مغيره بعد 8 الاف كيلو و انا كنت في صيانة ال10 الاف المهم نضفوه و بردو المشكلة موجودة و التعامل في التوكيل زي الزفت و بطئ جدا (صيانة ال10 الاف قعدوني 4 ساعات و تلت) فأنا بصراحة ما عنديش استعداد ارجع لهم تاني و كمان مش واثق فيهم لأن تيل الفرامل في عيوب صناعة لما رحت و قلت لهم ان مغيره تحت 10 الاف كليول قالوا كنت جيت لنا و احنا غيرناه في الضمان (يعني هما كانوا عارفين ان التيل بايظ و ساكتين و لا قالوا حاجة) المهم اصوت كأنه حكه بين حديد و بعضه او حاجة محتاج تتزيت او تتشحم لكن ايه الحاجة او الصوت منين مش عارف للأسف .

هو الصوت زنة ولا وارة (يعنى صوت ور ور ور وبيزيد مع السرعة) وجاى من العجل اليمين ولا الشمال؟

[RamiAbbas]

و لما احدد مكان الصوت او لو سمعتو هرجع احجز في اتو ايجبت و ابلغ المصنع نفسه

اتمنى ان حضرتك تقول لنا السبب عندك او اللي حصل معاك بعد ما رفعت العربية على الكوريك عشان انا ممكن اجرب نفس الموضوع و نشوف النتيجة لو واحدة يبقى اعتقد ده هيكون عيب عام في العربية كده

[RamiAbbas]

هو الصوت زنة ولا وارة (يعنى صوت ور ور ور وبيزيد مع السرعة) وجاى من العجل اليمين ولا الشمال؟

الصوت بالظبط كأن حديد بيحك في حديد او ترس مثلا بيلف و عايز شحم او زيت مثلا ده مثال مش استنتاج
و انا دايما باسمعه من الناحية اليمين في العجل الأمامي

[ادهم صبرى 2014]

عاجبنى الفقرة الاعلانية بتاعة ادهم صبرى
الاخ داخل على كل المواضيع و هاتك يا اعلانات ههههه
ربنا يوفقك

عارف ايه سبب مشاركتى فى منتدى نايل موتوز .. انى كنت فى حيرة جامدة جدا والحمد لله ربنا هدانى للاختيار السليم ومبسوط جدا من سترونتى الجميلة ونفسى كل الناس يستفادوا من تجربتى ..
وربنا يوفق الجميع .....

[edodahab]

على فكرة انا كمان بدأت اسمع الصوت دة برده هو عبارة عن نحر او حديد بيحك فى بعضه مبسمعوش الا اول ما امشى و افرمل فى حتة هادية بس الغريب ان بعد شوية الصوت بيختفى و الاغرب ان الفرامل ممتازة
العربية عاملة ٣٠٠٠ كيلو بس
لما اروح صيانة ال ٥٠٠٠ هقولهم على الموضوع دة و ربنا يستر

[edodahab]

انا بكره ان شاء الله هجرب حاجه هاعرف بيها ازا كان التيل هو مصدر الصوت ولا لأ و هي اني هرفع العربيه بالكوريك و هدور الفرده المرفوعه بايدي و هاحول اسمع الصوت و هخلي اخويا او حد من صحابي يساعدني ان يدوس علي الفرامل"طبعا بايده و هو تحت واقف علي الارض عشان مايحملش علي الكوريك" و احاول اسمع الصوت و لو الصوت مصدره التيل هيبان ساعه الفرامل و لو مصدره البلي هيكون لف العجله اصلا صعب و تقييل وهتقف بسرع
انا فكرت في الحل دا و ناوي اعمله بكره ان شاء الله وربنا يستر
و لو حد عنده فكره او معلومه ياريت يقولنا

اخبار التجربة ايه يا باشا طمنا

[hatahet]

الصوت لما كان ظهر عندي اول مره كنت انا بجرب التيل بعد مكنت ظبط دايرة الفامل في التوكيل و كنت بشد و اجري و بعدين ادوس فرامل و اهدي و الجو دا و بعد كدا و انا مروح بدات اسمع الصوت و اتعكننت جدا و ركزت معاه كان بيجي و يروح
و انا كنت قريت ان في كام عضو في المنتدي هنا كان قالبهم مشاكل في البلي و دا خلاني اوسوس معاها و اشك فالصوت دا
انا نزلت بالعربيه قولت اجرب امشي بيها و مسمعتش الصوت تاني روحت مكان فاضي و اعدت ااجري و اهد و الحمد لله مسمعتش صوت و لما رجعت الجراج رفعت العربيه و.جربت الحمد لله مطلعش اي صوت و انا شاكك انه كان ممكن تكون حصوايه او حاجه هي السبب في المشكله او ان التيل كان سخن مني قوي من اللي كنت بعمله "بس برضو مش.مقبول ان التيل يسخن بسهوله كدا فيقرر يطلع صوت" بس ربنا يسهل و.ميطلعش تاني لان انا فعلا قربت اتقفل من العربيه دي

[hatahet]

انا كنت قريت فموضوع تاني هنا ان التيل الكافئ هو بتاع السوزوكي سويفت
بس مش متاكد و ف عضو تان كان كاتب انه غير التيل بتيل تيوتا كرولا بس كان عمل فيه تعديل بس لسه ماتاكدتش من المعلومه

[edodahab]

انا الصوت عندى ساعات يظهر و ساعات ﻷ بس فى معظم الاحيان بيظهر لما العربية تكون مسخنتش اوى و مع السرعات القليلة
ربنا يستر
يا ريت لو فيه حد من الاعضاء ليه تجربة مماثلة يقولنا

[RamiAbbas]

انا لاحظت حاجة مع المراقبة للموضوع
من يومين مشيت بالعربية حوالي 120 كيلو و كنت باجري جدا و افرمل بقوة و ماكنش في اي صوت او اي مشكلة في العربية خالص
تاني يوم و انا طالع من الجراج حاجة غريبة جدا حصلت فرامل اليد سابت خالص الدراع بيطلع للأخر و كأنها مش موجودة و دي حاجة غريبة جدا انا مش فاهم لها سبب
المهم بالنسبة لموضوع الصوت تاني يوم ماكنش في صوت بردو بس الفرامل بقت اضعف شوية لسبب غير معلوم بردو
بعد شوية من المشي بالعربية الصوت ابتدى يظهر تاني و المرة دي اتأكدت انه من العجلة الشمال فقط
و لاحظت حاجة كمان ان الصوت مش بيظهر على أرض اسفلت مستوية لو الأسفلت فيه مطبات شوية او مدق مش اسفلت الصوت بيبان جدا
التيل اللي راكب حاليا في العربية عندي بتاع التويوتا كورولا مش الأصلي و لسه مركبة من كام يوم فمستحيل يكون التيل في حاجة
انا في رأيي ان الموضوع في حاجة من اتنين يا أما البلي بتاع العجل بس اعتقد ساعتها الصوت كان هيطلع على السرعات العالية و الواطية
و الحاجة التانية ان الطنابير ضات نفسها هي اللي فيها العيب أو جهاز الفرامل ذات نفسه
لأن قبل ما اغير التيل ايام ما كان راكب التيل الأصلي اول ما اتاكل الصوت كان بيظهر من غير ما المس الفرامل اساسا و انا ماشي عادي العجل بيزيق ! من غير فرامل
بس بردو ده مجرد استنتاج من عندي ممكن يكون صح او غلط
و ياريت لو حد جرب موضوع انه يرفع العربية على كوريك و يجرب موضوع العجل يفيدنا بتجربتة