بعد يومين مع الصاني

[ashrafwolf]

الحمد لله استلمت النسيان صاني الشكل الجديد 2014 من يومين و طبعا زي اي حاجه ليها مزايه و عيوب - الكمال لله وحده-

من مزايا الصاني

1-وسع الصالون الغريب (غلب الدايهاتسو و الميتسوبيشي)
2-العفشه ناعمه جدا جدا جدا
3-عوامل امان ممتازه بالنسبه لسعرها
4-تعديل التكييف الخلفي الجديد عاجبني جدا
5-العربيه سلسه جدا في الطلوع و التوقف (انا بحب السواقه الهاديه)
6-الموتور معدوم الصوت و الهزهزه

من عيوبها

1-استهلاك بنزين عالي
2-مفيش مبين حراره للمحرك
3-الشنطه بتتفتح من جوه العربيه او الريموت بس
4-تقفيل زباله (الفروق باينه في التابلوه)
5-الباب مش بيقفل من اول مره لازم ارزعه
6-باب البنزين مابيفتحش بسهوله

و مازالت تحت التجربه

[samyyousef]

ربنا يبارك
اهم حاجة الرضا
لا تتابع او تتأثر بالمبالغات سواء في الذم او المدح..فكثيرا ما ارى بعض المبالغات في مدح سيارات معينة..و بعض المبالغات في ذم سيارات اخرى

[J A G U A R]

ربنا يباركلك فيها

[ibrahimsaad]

الف مبروك ربنا يديلك خيرها ويكفيك شرها وعقبالى لما استلم انا كمان

[saddam]

صديقي المواطن
سعداء ﻷجلك وحفظها لك ووفقك لكل الخير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[assaf]

الف مبروك
ربنا يبارك لك فيها

[xname2004]

ربنا يبارك لك فيها

بس ملحوظه اللى ورا دى مش فتحه تكييف

دى زى هوايه ( أو شفاط) بتجيب الهواء البارد اللى خارج من فتحات التكييف الاماميه و تحدفه على الكنبه الخلفيه

[شادى عبدالمنعم]

الف مبروك ومفيش حاجه فى الدنيا كامله

[KoKyKa]

إلف مبروك

ده كله عيب التقفيل المصرى

عموما خليك فئ الحكمة الصينئ اللى بتقول

أن لق تستطع أن تقاوم فأستمتع

[Yousef.Kamel]

بس هى افضل من سيارات فى نفس سعرها

[ramymoharram]

أنا العربية معايا بقالها 7 شهور وكل يوم بحس إني مبسوط بإختياري وهقولك حاجة......ربنا يكفيك شرها ويديك خيرها ودي أهم حاجة......بالنسبة لموضوع البنزين الموضوع هيفرق معاك أوي بعد أول 5000 كيلو وهتلاقيها بقت موفرة في البنزين.....بالنسبة للتقفيل فبعد شوية هتلاقي كل حاجة طبعت علي بعضها ولو فيه بلغ التوكيل وهما هيحلوها ( خليك في مودرن موتورز)

[EMO_ELNEMS]

الف مبروك وربنا يعطيك خيرها ويكفيك شرها
وكل سيارة فيها عيوب ومميزات فعليك أن تتغاضى عن العيوب وأستمتع بالمميزات

[Yousef.Kamel]

وفيه ناس بتشكر جدا فى السبع كصيانه

[Dr/ P.K.Sh]

الف مبروك

[kareemkareem]

الف مبروك و ربنا يكيفك شرها،،،،،،، هيا فعلا فيها عيوب بس احسن عربية بالنسبة لفئة سعرها