باركولي أستلمت العربية

[Drsmash]

باركولي جميعا أستلمت عربيتي نيسان صني 2014 اسود أمبارح و أن شاء الله هرخص بكره !
يارب اليوم يمشي حلو بخاف من لطعة المرور

ايه بقي اللي ممكن أعمله في العربية للي مجربها !

[eslam atia]

الف مليون مبروك
اول حاجه أرقي العربية
(شغل فيها الرقية الشرعية)
وأدعي ربنا يباركلك فيها اللهم امين

[mahmoudysf]

الف مبروك

[edodahab]

انا لو منك اغير الكاوتش
الف مبروك

[dmmmm]

ألف مبروك يا باشا ^_^

[ELKHOLY22]

ربنا يباركلك فيها ويرزقك برزقها ويكفيك شر الطريق ويسهلك يومك ويكرمنا زيك

[Yousef.Kamel]

انا لو منك اغير الكاوتش
الف مبروك

الموضوع ده مهم

[J A G U A R]

الف مبرووك ...
كاوتشها ماكسيس نوع زباله غيره على طول

[hatahet]

الف مبروك يا باشا و ترخص هلي خير ان شاء الله
انا عملت عزل للارضيه و ركبت فرش جلد علي الارضيه و الكراسي جبت فرش جاهز من شارع دمشق و طاره جلد للدركسيون من هناك مقاس وسط تقريبا علي ما افتكر و فرشه عشان تنضيف سريع كدا للتراب و مكنسه للعربيه بتشتغل علي الولاعه
و طبعا وصله aux للكاست و روق عربيتك بمعطر حلو كدا
و انا بالمناسبه ركبت دالايات عشان العجل ماءجبش مايه او يترطش علي العربيه و يبهدلها من الجناب
و ركبت فلتر للتكييف فاتو ايجبت
و ان شاء الله ناوى اغير الكاوتش بمقاس اكبر 195 بدل 185 اللي راكب فيها و ان شاء الله بريدجستون
و الحمد لله العربيه معايا من 12/2012 و مظهرش غير مشكله الفرامل لان انا من الدفعات الاولي و الحمد لله اتصلحت في التوكيل و بقت تمام
و ربنا يبارك ان شاء الله للجميع

[كمزى]

الف مبروك يا باشا وربنا يعطيك خيرها ويكفيك شرها
انا اللى حصل معايا وانا برخص فى مرور السلام انى بعد ما فحصت ورفعت البصمه ودفعت التامين وجيت اقدم على الورق على الشباك الموظفه اديتنى ملزمه كده فها يجى 200 ورقه قالتلى طلع رقم الشاسية بتاعت العربية بتاعتك من هنا والملزمه كلها عربيات نيسان ميكروباس على نص نقل عى صنى على كل عربيات نيسان ويمكن كمان اى عربيه فى حروف ن و س المهم قاعدت ساعه ادور ملقتش اديتنى ملزمه غيرها برده ملقتش المهم الموظفه قالتلى روح مرور الدراسه هاتلى بيان برقم الشاسيه بتاعك المهم انا قولتها ليه كل ده ما كل الاوراق معاكى وباسمى قالتلى تعليمات روحت لرئيس الوحده عمرو بيه راجل محترم المهم ادانى تاشيره وقالى انزل كمل طبعا بعد الحوار ده كله كانت الخزنه قفلت المهم كملت تانى اليوم والحمد ببه قضيت على خير
المم انت روح بدرى واذا حصل معاك كده انجز وروح لرئيس الوحده على طول وانجز عشان تخلص ومبروك مقدما

[shawke hamed]

ترليون مبروك يا باشا

[bassemali]

الف مبروووووووووووووك ياكبير ... وفي إنتظار التقرير والصور .

[Omar_4ever]

الف مبروك
حاول متشغلش نفسك بإستهلاك بنزين او قوة سحب الموتور دلوقتي خالص عشان كل ده هيتغير بعد ال 5000 كيلو
بالنسبة للكاوتش نوعه سئ وبيلم زلط، ممكن تبيعه دلوقتي بسعر معقول شوية ونصيحة هات ميشلان او بريدجستون

[ibrahimsaad]

الف مبروك

[edodahab]

الف مبروك يا باشا و ترخص هلي خير ان شاء الله
انا عملت عزل للارضيه و ركبت فرش جلد علي الارضيه و الكراسي جبت فرش جاهز من شارع دمشق و طاره جلد للدركسيون من هناك مقاس وسط تقريبا علي ما افتكر و فرشه عشان تنضيف سريع كدا للتراب و مكنسه للعربيه بتشتغل علي الولاعه
و طبعا وصله aux للكاست و روق عربيتك بمعطر حلو كدا
و انا بالمناسبه ركبت دالايات عشان العجل ماءجبش مايه او يترطش علي العربيه و يبهدلها من الجناب
و ركبت فلتر للتكييف فاتو ايجبت
و ان شاء الله ناوى اغير الكاوتش بمقاس اكبر 195 بدل 185 اللي راكب فيها و ان شاء الله بريدجستون
و الحمد لله العربيه معايا من 12/2012 و مظهرش غير مشكله الفرامل لان انا من الدفعات الاولي و الحمد لله اتصلحت في التوكيل و بقت تمام
و ربنا يبارك ان شاء الله للجميع

بقولك يا باشا الدلايات عملت فرق ولا ملهاش لازمة
و ركبتها فين و بكام لو سمحت